عنوان الموضوع : أخيررررررررا صفا وجهي من الحبوب و اثارهااااااا !! لبشرة فاتحة
مقدم من طرف منتديات العندليب

أخيررررررررا صفا وجهي من الحبوب و اثارهااااااا !!



هلا و غلاااااا

حياكم الله

هذا يا بنات اول موضوع لي في قسم البشره مع اني مسجله بالمنتدى من وقت طويل و متابعتكم من زمان و بشكركم كلكم لان من جد ما اتخيلون اشلون استفدت منكم و انتو بيتي الثاني و خواتي و اتمنى لكم اتحقق كل امانيكم دنيا و اخره يااااااااااااااااااااااا رب 00 اعذروني عالاطاله

نجي لموضوعنا 00
بكلمكم اليوم عن تجربتي الطوووويله او بالاصح معاناتي مع الحبوب الي بدت فيني من خمس سنين ما فيهم يوم لقيت وجهي صافي مع اني عالجت عند دكاتره و ما خليت شي ما جربته و اهتم في بشرتي بشكل جنوني 00 بس كل هذا ما فاد مجرد نتيجة مؤقته و يرد الحال اسوأ 00

الين في يوم لقيت موضوع لاخت عزيزه ما يحظرني اسمها بس الله يجزاهاااااا خير و يحقق لها ما اتمناه 00 كانت كاتبه عن صابونه اسمها acne aid اذا ما غلطت بالكتابه لان العلبه مو عندي المهم هالصابونه 00 سحرررررررررررررررررر

طريقة استخدامي لهااا
اسبوعين 00 ريحت بشرتي من كل شي 00 المكياج و الكريمات و حتى المرطب ما احط
مجرد اني اغسل فيها وجهي ثلاث مرات باليوم و بسسسسسسس

بعد الاسبوعين لقيت الحبوب اختفت و حتى الاثار راحت و كنت احس بشرتي اتقشر

الي الحين 00 خلصنا من الحبوب 00

وش بقااااااااا ؟؟

مثلكم عارف

الآآثاررر 00 طبعا الصابونه خففت الاثار الي تكون حمرا بس بقت الندوب الي كنها حفر صغار او مسامات واسعه 00 كنت يائسه من اني ممكن اعالجها و كنت مفكره بالتقشير و خايفه

ما حاولت اجرب خلطات طبيعيه او كريمات و الله يخلي كريم الاساس

الين جاااااا يوم كنت رايحه سوق فيه اغراض فلبينيات و هالسوالف و ما كنت حاطه مكياج
يوم شافت الفلبينيه وجهي 00 قالت انا عندي دوا زين للاثار
قلت هذي حفر اشلون يعالجهاا شي ؟؟ قالت هذا يوخر اثار الجدري مو بس اثار حبوب 00

انا توقعت بطلع لي بيبي فيس 00 قلت لها 00 شنو دوا ؟؟ بيبي فيس ؟؟

هي سمعت الاسم تقولين مقروصه قالت لالا بيبي فيس مو زين يخلي وجه يسير اسود و سيم سيم عجوزه مو زين

قلت شنو انتي دوا ؟؟

وش اتوقعون طلعت ؟؟


اسكينوووووووول الشفاف العادي



تخيلو 00 انا انصدمت معقوله اسكينول

و طلعت حبتين مثل حبوب الدوا 00 تقول اسمه دلاسين و كسرتهم بالاسكينول

و عطتني مجانا كيس قطن هههههههههههههه

و قالت استخدميه مرتين باليوم 00

لما احطه احس بنظافه مو طبيعيه و انتعاش و احس ان المسام تتسكررر

اثار الحبوب من اول سبوع خفت و الحين بعد ما تقريبا العلبه خلصت اقدر اقولكم ان آثاري خفت 90%

الحمد الله

و الله يا بنات ما تخيلت ان وجهي ممكن في يوم يرجع صافي

اتمنى موضوعي يكون دافع لكل وحده فيكم انها ما تمل و لا تزهق اذا شافت المرايه و لقت كم حبه في وجهاا و اتأكد انها بيوم بيصفى وجهااااااا و بتصير أحلى من القمرررررر

هذي تجربتي طرحتها لكم و ****لله الله ينفعكم فيهاااا و اتمنى يناسبكم الي ناسبني

و لا تنسوني من دعاكم يا بنات لاني من جد امر بظروف صعبه ادعولي بالتوفيق و الستر و ان الله لا يشمت فيني عدويني 00 و لكم مني كل الحب

و الي عندها سؤال عيوني لها لا يردها الا كيبوردها 00

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلميش ياحلوة على صابونه
وجزيت وجزاك الله خيرأأأأأت
ماعليش راح اسالك منيش اشتريهاا
وطريقتة كيف.....

__________________________________________________ __________

>>>> الرد الثاني :

تسلمي على الموضوع وجزاكي الله كل خير

__________________________________________________ __________

>>>> الرد الثالث :

تسلم ايدك بس ممكن نعرف منين اجيبها

__________________________________________________ __________

>>>> الرد الرابع :

مرسى يا جميلة وعقبالى لما الحبوب تروح من وجهى بس ممكن اسألك سؤال هل (دلاسين ) دى حبوب موجودة فى الصيدليات ولا اجيبها منين ولو فيها اسف ممكن تقولى تكلفة الحاجات دى قد اية بس تردى عليا بسرعة وربنا يوفقك فى حياتك

__________________________________________________ __________

>>>> الرد الخامس :

جزاكي الله خير00الله يوفقك وينصرك على من عداك00