عنوان الموضوع : اغلب المشاكل حلها موجود هنآ ') لصحة بشرتك
مقدم من طرف منتديات العندليب

اغلب المشاكل حلها موجود هنآ ')



مساء الخير .. انا هدا الكلام كتبتو للاخت لمياء بالمنتدى ولقيت كتير ردود عليه ف حبيت احطو موضوع عشان افيدكم لكتير مشاكل وحلولها نبء


بالنسبة للرؤس السوداء ؛
اسلقي بطاطس واهرسيها وحليب بودره حطيه بشويه مويه ونشا واخلطيهم سوا وحطيه ماسك على وجهك سويها مره بالاسبوع كافيه بس هدا مؤ معناتو انك تستغني عن الغسول أنصحك بغسول نيتروجينا بالجريت فروت قبل ماتنامي والصباح لما تصحي استعملي

وموية الورد مرا كويسا تصفي الوجه والجسم بفترا بسيطه يعني اسبوعين تلاته عندك طريقتين
الأولا ؛ تحطيها ببخاخ اكيد عرفتي والصباح لما تصحي للدوام بخي جسمك كلو مع وجهك
التانيه ؛ تحطي بقطنه وتمسحي على وجهك وجسمك انا افضل الاولا

هوا زي المويا يعني خلي لين ينشف مايطول ثواني بس

وفي حاجه كتير قالولي عليها وبجربها بس لوجهي اللي هيا تعصري ليمون وعليه ماء ورد وقرفه وتمسحي وجهك منو بقطنه

بالنسبه للسواد جربت خلطات فوق ماتتصوري وحدا بس نفعت معايا هادي هيا
اكتبي بقوقل خلطة تبيض في ثلات ايام موجوده بمنتدى زفافي لاني ماقدر احط روابط


بس هيا حتكفيكي بس تلاته ايام ف انتي ضاعفي الكميات رهيببببه راح تلاحظي بعد تلاته ايام انك بيضتي كيف لو استمرتي حيختفي كل السواد ان شالله انا اسويها واستنى 10 دقايق بعدين البس ملابسي وانام فيها لما تصحي الصباح مارح تلاقي اثر بس برضو اتشطفي

لتوحيد اللون والتفتيح
2 بطاطس نيء (مو مستوي) + 1ليمون
تقشري بطاطستين متوسطات الحجم وتقطعيها وتعصريها بعصارة الجزر
جيبي ليمونة كبيرة واعصريها واخلطي المكونات مع بعض
يوضع المزيج في علبة (اي قارورة فاضيه او بخاخ اللي متوفر )
تدهن الأماكن الغامقة بعد تنظيفها
بعد فترة راح تلاحظي التفتيح وتوحيد اللون
بعد ماتخلصي حطي الخلطه بالثلاجة عشان ماتخرب هادي اسويها الظهر لما ارجع من المدرسه وانام فيها لين العصر بعدين اتشطف

والشعر انا شعري خفيف ومرااا ناعم طبعن قصيتو وكان نفسي يطول ف ماما جلست تحكي جدتي وقالتلتي على لبن الزبادي احط عليه ملعقة حلبه مطحونه واخلي على شعري 2 ساعتين واغسل واحط زيت زيتون وانا ماصدقت على طول سويتها واستخدمتها 4 ايام شعري الحمدلله سارر احلى وصحباتي بعد اسبوع الاجازه كلهم قالولي طولان مرا واكتر من قبل بس انتبهي تحطي اوقات الدوام او الخرجات عشان ريحت الحلبه يعع انا احطو يوم الاربعاء بس مره كل اسبوع عشان الريحه تروح بيومين الخميس والجمعه
وفي معلومه انا عرفتها قبل فتره الشعر لزم يتغسل بس مرتين او تلاته مرات بالاسبوع انصدمت لانو كثرت الاستحمام تسحب الزيوت المفيده عشان كدا الشعر يتقصف ويتساقط بس الجسم اكيد لزم كل يوم لمي شهرك وغطي بكيس او بونيه حق راس واتحممي

خدود حمرا استخدمي خال التفاح بقطنه ومرري على خدودك يوميا

عناية بشفايفك يوم بالاسبوع انا اسويها الجمعه جيبي فرشة اسنان ماتستخدميها وحطي زيت زيتون وسكر على شفايفك وافركيها بالفرشة بس لا تضغطي مرا بعدين حطي عسل 5 او 10 دقايق وخودي منشفه مبلوله بمويا دافيه وطبطبي على الشفايف يعني مو مسح كامل وقبل لا تنامي حطي فازلين واصحي الصباح راح تشوفي شفايف غير والايام العاديه بس حطي فازلين قبل النوم



وبس كل الي ذكرتو مجربتو بنفسي وجاب نتايج حلوه بس اي خلطه فيها فواكه او خضار او مشتقات الحليب اتجنبي تحطيها تحت رجولك وفي المنطقه الحساسه لانو يعتبر كفر بنعم وان شالله يفيد معاكي اللي قولتو ')

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يخليكي يا قمرررررررررررررررررررررررررررررررررررررررررررررررر رررررررررر

__________________________________________________ __________

>>>> الرد الثاني :


مجموعة حلول رائعة
تسلم دياتك حبيبتي
ودي واحترامي

__________________________________________________ __________

>>>> الرد الثالث :

عآشقة حكيم ؛ ويخليكي يآرب
نعومه ؛ ربي يسلمك

__________________________________________________ __________

>>>> الرد الرابع :


__________________________________________________ __________

>>>> الرد الخامس :

الله يسلمك يارب