عنوان الموضوع : ازالة نهائية و دائمة للشعر لبشرة بيضاء
مقدم من طرف منتديات العندليب

ازالة نهائية و دائمة للشعر



عملت الموضوع قبل كده فى منتدى آخر عن تجربتى فى ازالة الشعر الزائد بالليزر, فقلت افيد بيه اكتر ( بصراحه هو موضوع يهم كل بنت, احنا كبنات منحبش نكون مشعرين لأن دى اول حاجه بتسبب احراج للبنت و بتسوأ مظهرها )

بداية انا كنت مشعرة جدا خصوصا فى منطقة الوجه والذراعين, طبعا باقى الجسم مكنش احسن حال! بس لأن المنطقتين دول هم اللى دايما ظاهرين, فكان عندى عقده نفسيه كانت مؤثرة بشكل كبير على حياتى! كنت بتكسف انزل الجامعه! مش بخرج الا للضروره! بجد كانت بتصعب عليا نفسى.
اول مابدأت اعالج الموضوع ده, استخدمت ماكينه عامله زى البراون, شعرى فى الاول طبعا كان ليه نهايات رفيعه! بعد ما استخدمت الماكينه دى بقى شعرى بيشوك وزعلت جدا انى استخدمتها,
بعد كده استخدمت براون سيلك آبيل, كانت بتشيل الشعر بس مش كل الشعر بيتشال من الجدور, وبالتالى بعد الاستخدام اصبح عندى نوعين من الشعر واحد مقطوع من عند سطح الجلد ولما بيكبر بيشوك, والتانى منزوع من الجدور ولما بيطلع تانى بيسبب دمامل وبعض الشعر كان بيطلع تحت الجلد وسببتلى اسمرار وحنفسيتى بقت فى النازل!
سألت كتير عن حاجات طبيعيه تشيل الشعر او حتى تقلل نموه, ناس كتير قالولى نبات السعد, ومعاه شويه خلطات كده, تصدقو انى اسنخدمت خلطاط وكريمات السعد دى لمدة 5 سنين؟؟؟؟ لدرجة ان العطار حفظنى واول مايشوفنى يروح يجيبلى السعد من سكات وحاولت اوهم نفسى ان السعد ده بيعمل حاجه, بس لللأسف مفيش فايده.
بعد كده سمعن عن الوميض, واصحابى قالولى انه بيشيل الشعر بنسبة 60% , قلت اى حاجه!!! ما لا يؤخذ كله, لا يترك كله! ورحت عند دكتور جلديه مشهور جدا فى المنصوره وعملت عنده جلسات لمدة 6 شهور! والنتيجه كانت ان شعرى زاد فى وشى وبقى عامل زى شعر الرجاله لأن الدكتور قبل مابيعملى الجلسه كان بيخلينى احلق وشى بشفرة الحلاقه الرجاليه! كنت متردده جدا فى الموضوع ده ولكن الدكتور كان يضحك ويقولى ما تستغربيش! كل البنات بيبقو مترددين وخايفين من الشفرة بس الموضوع بياخد وقته وبعد كده الشعر بيروح! ويارتنى مارحت عملت وميض,
بعد كده عرفت ان فيه ليزر لإزالة الشعر, ورحت عند دكتور مشهور برده وكنا بنروح معاه لمركز فى القاهرة علشان نعمل ليزر. و لمدة 4 شهور جلسه كل اسبوعين, ودفعت فلوس كتير جدا! ومفيش اى نتيجه! والدكتور يقوللى معلش اصل الموضوع عندك genetic , من غيظى معرفتش ارد عليه ومشيت من سكات!
وجربت بعد كده ليزر عند 4 متخصصين جلديه, منهم واحده مشهورة برده وكلهم يأكدولى ان شعرى هيختفى! وفى الاخر لما ميلاقوش معايا نتيجه يقولو اصل مش عارفه ايه الشعر عندك اتجاهه مش عارفه ايه. والتانى يقول علشان عندك هرمونات الذكوره عاليه ( مع انى عملت تحليل هرمونات مرتين والنتيجه كانت كويسه جدا ) المهم عرفت ان موضوع الليزر دا عند دكاترة الجلديه مش اكتر من تجاره واستغلال.
وفضلت لمدة سنه استخدم السويت لما زهقت من الشعر اللى بيطلع تحت الجلد ومليت بصراحه من الاسلوب ده.

اشتكيت لأخويا وقلتله يكلم زوجته فى موضوعى ( زوجته اوروبيه ومتخصصه فى مجال التجميل ) لما عرض عليها مشكلتى قالتله على اسم جهاز ليزر مشهور جدا فى اوروبا بيعمل ازالة شعر 100% وبشكل دائم!!!! بصراحه انا مكنتش مصدقه! بس قلت اجرب! اكيد حاجه بالوصف ده ومشهوره اوى بره هيكون نتيجتها كويسه
الجهاز اسمه Tria hair removal laser حاولت اشتريه من الشركه المنتجه ليه فى امريكا منفعش علشان مش بيبعتوا حاجه خارج امريكا. ونفس الكلام فى موقع امازون. بس الحمد لله لقيته موجود على موقع سوق.كوم ,
بدأت بيه على منطقه الوجه والرقبه, وماشاء الله بعد الجلسه التانيه لقيت الشعر اللى بيطلع فى وشى بيقع لوحده! والله لما شفت كده اتوضيت وصليت ركعتين شكر لربنا واتصلت بأخويا و زوجته مخصوص علشان اشكرهم!
والحمد لله خلصت الكورس على منطقة الوجه والرقبه من حوالى شهرين والشعر اختفى نهائى! وحاليا انا فى الجلسه الخامسه فى منطقة البكينى والابطين. بعد كدا هبدأ فى الزراعين و هكذا لغاية ما اخلص جسمى كله.

انا كده خلصت الموضوع, اى حد عنده استفسار, ان شاء الله الإجابه تكون وافيه.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نايس ..الله يوفقك خيتو
بس انا بصراحة اخاف الليزر نظرا لظروف دولتي حارة وأنا أدرس بكولج
والحمدلله بشرتي عادية م فيها شعر كثير

__________________________________________________ __________

>>>> الرد الثاني :

المشاركة الأصلية كتبت بواسطة صانعة الأمل
نايس ..الله يوفقك خيتو
بس انا بصراحة اخاف الليزر نظرا لظروف دولتي حارة وأنا أدرس بكولج
والحمدلله بشرتي عادية م فيها شعر كثير

الليزر اللى انا استخدمته مافى منه اى خوف لأنه أمن جدا ومعتمد
وكويس ان مش عندك شعر كتير

__________________________________________________ __________

>>>> الرد الثالث :

ماشاء الله أختي والله كنت متردده جداً وحمستيني

__________________________________________________ __________

>>>> الرد الرابع :

المشاركة الأصلية كتبت بواسطة أمــــــــــــــــــــــل
ماشاء الله أختي والله كنت متردده جداً وحمستيني

انا بحاول ارسل رابط لأكونت فيسبوك بيشرح كل حاجه عن الجهاز بالصور, وصاحبتى حصلت على الجهاز عن طريقه
لكن الرساله لا ترسل لتحفظ المنتدى على ارسال روابط

عموما هو الاكونت اسمه Tria hair removal laser
وصورة البروفايل عبارة عن شكل الجهاز وعليه علم مصر

واى استفسار آخر ان شاء الله برد عليكى

__________________________________________________ __________

>>>> الرد الخامس :

المشاركة الأصلية كتبت بواسطة أمــــــــــــــــــــــل
ماشاء الله أختي والله كنت متردده جداً وحمستيني

مابعرف ان كانت رسالتى وصلتك ولا لأ
وللتأكيد برد على سؤالك هنا
الجهاز معتمد وآمن جدا وليس له اى اضرار جانبيه
انا عملت بيه الوجه والابطين والمنطقة الحساسه وحاليا فى الرجل
والحمد لله ما طلع اى شعر فى الاماكن اللى خلصتها