عنوان الموضوع : طريقتي في إزالة شعر البكيني >>>> تفضلو..نو شيرة.. نو ليزر...نو موس لبشرة صحية
مقدم من طرف منتديات العندليب

طريقتي في إزالة شعر البكيني >>>> تفضلو..نو شيرة.. نو ليزر...نو موس



شعر البكيني >>>> تفضلو..نو شيرة.. نو ليزر...نو موس

--------------------------------------------------------------------------------

السلام عليكم ورحمة الله وبركاته



مرحبا عرايس


شلونكم شخباركم؟



حبيت افيدكم بما انكم مثلي مقبلات عالزواج بطريقتي الجديدة اللي طحت فيها لإزالة شعر البكيني..



قال رسول الله _صلى الله عليه وسلم_ : ( لا يؤمن احدكم حتى يحب لأخيه ما يحب لنفسه)


وبما اني احبكم كلكم واحب لكم ما احب لنفسي. .. ابي اللي متوهقين يستفيدون لعل وعسى يلقون الحل اهني


============================== ==================== ==========



انا صراحه مستغربه من اللي يستخدمون الشيره للمنطقه الحساسه > البكيني < ... بدون لا تسمعين انها ترهل انتي اصلا لما تشيلي بالشيره :-


* قاعده اتمططين بالبشره ويا الشيره
* يعور
* غثيث وانتي تشيلين حوسه وممكن يدبق وعاد يا ويلج ان دبق تروحين فيها
*كل شوي بتقعدين اطلعين قطعه صغيره كبر العلجه وتشيلين شوي شوي يعني وقت طويل


والليزر:-


سويته مره ما ارتحت نفسيا كلش ...مع اني شفت نتيجه حلوه بس ماعجبني طريقة كشفي لعورتي استغفر الله العلي العظيم وطبعا اللي بتسوي ليزر براحتها هذي حرية شخصيه..والنتيجة حلوه بس الراحة النفسية أولى.


الموس:-


هههههه ما يبيله معروف شعر خشن ويسود و ويع بس ترا مالنا غنا عنه يفيد في بعض الاماكن...بس ترا نوعية الموس هي اللي تعطيكم نتائج سيئه...وبالنسبه للمتزوجات والمقبلات على الزواج اكيد ودهم بنتيجه شوي احلى من الحلق






طريقتي في ازالة شعر المنطقة الحساسة > البكيني < هي التالي:-



شرائج فيت الشمعية


شي طبيعي الكل عارفه لووووول


امبيه يا بنات لا اله الا الله مادري ويني عنه من زمان اثاري رفيجاتي يستخدمونه وطايحين فيه وانا خلف الله علي كنت بداية عمري شيرة من عمري 14 سنه خفت منها ومن مشاكلها وانا توني صغيره ذاك الوقت وعقبها انتقلت للموس واهيا اطول فترة بحياتي لوع جبدي (طبعا بعدها اكتشفت ان نوعية الموس هي تعطي نتيجة سيئه) وثالث شي ليزر ما ارتحت نفسيا


المهم


الشمع يا بنات


كــــــــــــــــــل الاجانب يستخدمون الشمع للبكيني لاحظت سمعت بالبرامج وبسوالفهم بالافلام وشفت باليوتيوب وقريت بالنت ان افضل طريقة لازالة الشعر للوجه والبكيني هي الشــــــمـــــع لا حلق بالموس ولا بالخيط (بالنسبه للوجه)




وانا قلت مو معقوله الاجانب امطيحين فيه واهوا مو زين


شفت نتجيه ترضي القلب..وصراحة قلت لازم اقولكم عليها وخصوصا اللي ماعرفت تشيل بشرائج فيت او اللي غاب عن فكرها شرائج فيت الشمعية.


نعومه وصفاء يهبلون صارلي اسبوعين من شلت وطلعت شعيرات نااااااعمه


* ما ياخذ وقت طويل
* مريح بالاستخدام لا يدبق ولا يبط الجبد
*العوار اخف بوااااايد من الشيره


تفضلوا طريقتي :-


شي طبيعي الكل يعرف شرائج فيت الشمعية الحجم الكبير ( مناسب للسيقان والذراعين)


وهذي صورته ومطلعه وياه الشريحة .....راح نحتاجه للبكيني للمساحات الكبيره اللي هو فوق






وراح نحتاج شرائح فيت الشمعية الحجم الصغير مكتوب عليه (لمنطقة الابطين وخط البكيني)


وراح نستخدمه بالاماكن الوعرة الضيقه اللي هم جانبين الافخاذ من الداخل وجانبي بالقرب من المناطق التناسلية



وهذي صورته ويا شريحته الصغيره:


اضغطي هنا لمشاهدة الصورة بحجمها الأصلي
[/url]




اول شي راح ناخذ الشريحة الكبيرة نقصها بالمقص نصين لان احنا نبي الشريحة تكون عريضه بس مو طويله:


اضغطي هنا لمشاهدة الصورة بحجمها الأصلي






واهني انقص:


اضغطي هنا لمشاهدة الصورة بحجمها الأصلي





طبعا مكتوب بالورقة اللي معاه انج اتسخنينه بأدينج عشان يتسخن الشمع عشان تقدرين اتبطلين الشريحة اللي هي اصلا عباره عن شريحتين لاصقين ابعض


وانا اقولج لا تقصين على نفسج اتسخنينه بأيدج وسخني بالاستشوار جذي عشان يتوزع الشمع بالشريحتين بالتساوي قبل ما تفصلينهم عن بعض :



اضغطي هنا لمشاهدة الصورة بحجمها الأصلي






واهني تسخن وبديت ابطله شوي شوي:







واهني بطلنا الشريحتين
وقبل ما تحطينه عالبكيني اخذي شريحة وحده من اللي فصليتهم ثم وجهي على الاستشوار الحار خمس ثواني خل الشمع يذوب ويصير حار (حراره يتحملها جلدج) لان يا بنات اذا ما كان الشمع حار ولا ذايب مرح تحصلين على نتيجه كلش ..


وهذا هو:





اضغطي هنا لمشاهدة الصورة بحجمها الأصلي





قولي بسم الله وحطي عالبكيني من فوق في المساحات الكبيره وامسحيه عليه مسحه مسحتين ثلاث (بأتجاه نمو الشعر) لين تحسين برد على جلدج نص برده ولا تشيليه وهو توه حار لان جذي راح يدبق.. خليه يبرد نص برده وامسحيه عليه وقولي بسم الله واسحبي بعكس اتجاه نمو الشعر بسرعه متوسطة...بليز لا تشيلين بقوه شديدة و لا تشيليه ببطء


وبجذي بتشوفين الشعر ****ل بسهوله وبتشوفين جلدج ناعم ...ثم اخذي الشريحه الثانيه وسوي فيها نفس الطريقة الاولى سخنيها بالاستشوار وحطي عالاماكن الثانيه من المساحات الواسعه فوق



ولي خلصتي من المناطق العليا..وبدا موعد المناطق الوعرة اللي هو جوانب الافخاذ الداخلية استخدمي الشرائح الصغيره اللي مكتوب عليها مخصصه للبكيني وسخنيه بدون لا تقصينها بالمقص لانه حجمهم مناسب جدا بعدين افصليهم عن بعض وبعدها سخني شريحة وحده بالاستشوار وقولي بسم الله وحطي وامسي مسحه مسحتين ثلاث وشيليه ولا ترددين ولا تفكرين.. شيليه وتوكلي على الله..صدقيني ان عواره اخف من الشيره...



من كثر ما الشرائح مريح استخدامها راح تتجرئين وتروحين لي الاماكن اللي ورا بعد...لان لو خفتي وتوهقتي راح تسحبين الشريحه على طول .. لو كان شيرة جان بجيتي لي تلزق بالاماكن الداخليه ههههههه <<<< مجربه كل شي




نجي عند مكان الشعر اللي بالشفرتين القريب جدا من الاماكن التناسليه


اذا قدرتي تشيليه كان بها والحمدلله وانتي بأذن الله راح تقدرين تشيلين نصه خصوصا الصوب المقارب للافخاذ الداخليه .. وان قدرتي تشيلين المقارب للامكان التناسليه شيلي واذا حسيتي نفسج مبتدئه وخفتي عاد هذا خليه للموس احسن



وبعده ما تخلصين من شيلة الشعر بالشمع المنطقة راح تكون متحسسه شوي خصوصا اللي أول مره... مع العلبه يجي منديل مبلول تمسحين فيه المنطقه وهو يهدي المنطقه <<<< هذا مبدئيا بس وبعدين لمي قشج وشيلي اغراضج لوووووول


وبعدين روحي غسلي بماي بارد وحطي كريم فيسودين يخفف الاحمرار والالتهاب ويمنع ظهور الحبوب ... وقولي الحمدلله واستانسي بدون شعر ههههههههه


وهذول اهما:




اضغطي هنا لمشاهدة الصورة بحجمها الأصلي







وصراحة بجلستي كنت حاطه طاسه فيها ماي وباكيت كلينكس وفوطة وقصه وروايه ومسرحيه ما ساتخدمت ولا شي منهم <<<<< اغراض الشيرة سابقه خخخخخخخ... وجلستي كانت خفيفه وقصيره وكنت حاطه على اف ام الكويت ومكيفه لووووول




وطبعا



هنــــــــــــــــــــــــــــ ـــك ملاحظة عالموس



معلومة خاطئة:


الموس يسبب حكه وشعر خشن ويطلع حبوب



المعلومة الصحيحه:


نوعيه شفرات الموس هي اللي تحدد ظهور الحكة والشعر الخشن وحبوب


وطبعا الموس لا غنى عنه ابدا...


خصوصا للحالات الطارئه اذا كنتي مو فاظيه للشمع وماعندج وقت وخصوصا للمتزوجات



اقدم لكم احلى مووس استخدمته مريح جدا جدا



هو:


فينوس بريس


Venus breeze



وهذا صورته:





اضغطي هنا لمشاهدة الصورة بحجمها الأصلي




واهني لما بطلته


عباره عن يده (مسكه) مع علبتين صغار كل علبه فيها شفره تركبينها باليده..



اضغطي هنا لمشاهدة الصورة بحجمها الأصلي




وطبعا الجديد والحلو بشفرات فينوس بريز ان على جوانب الشفره في اكو مثل جل صابوني تبللين منطقة البكيني بالماي وتبللين شفرة الموس بماي واتمررينها عالمناطق اللي مثل ما قلنا قبل خفتي او ماعرفتي تشيلينهم ... ولما تمررين راح يذوب الجل الصابوني مع حركة الموس و راح يسهل عمليه حلاقه الشعر وراح يخلي المنطقه ناااااااعمه على عكس لو شلتي بموس والمنطقه جافه او كنتي حاطه بس غسول عادي فرق السما عن الارض..



وهذا هو عن قرب



اضغطي هنا لمشاهدة الصورة بحجمها الأصلي




واستخدامه الشفره الوحده اكثر من مره لين يختفي الجل الصاوبي ويخلص وانا الحين صارلي اكثر من خمس مرات استخدمة نفس الشفره وما خلص الجل منه ... يعني بأذن الله يطول معاج ومناسب للطوارئ ههههههه والوقت اللي تكونين مو فاظيه للنتف



وطبعا الموس استخدميه على باقي المنطقة حتى الخلفية


يا بنات والله حيل مستانسه لما لقيته بالجمعيه لاني شفته مره بمجلة دعايه وتوني القاه بالجمعيه يهبل



وحلو استخدامه على باقي الجسم اذا كنت مستعجله انا ما أأيد الموس للرجول والادين


============================== ==================== =========================





ترا تعبت وانا انزل الصور وارتب


مابي منكم الا دعوة صداقة من القلب ان الله يوفقني في زواجي






شكرا لأستماعكم والى اللقاء




منقوووول وصراحه انا تحمست اسووي
بس ابي كل وحدةتدخل تدعيلي ان ربي يحقق الي بالي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يسعددددددك ياقلبي والله منجدددد بتريحينااا خخخخخخخخخخخخخخخخخخخخخخخخخ >>>والله منجد اكرهه ماعندي ذي المنطقه علئ مانظف احس ماتنظف خخخخخخخخ يلا نجرربها والله يسعدك ياقلبي وان شاء الله الكثير بيستفيد لان معانه مع الموس والله عوافي اختي على الموضوع وسلمت انامل يدك س

__________________________________________________ __________

>>>> الرد الثاني :

الله يسعدك انتي بعد يسلموا على المرور

__________________________________________________ __________

>>>> الرد الثالث :

السلام عليكم. ممكن مساعدة أنا مستخدمة جديدة والله لم افهم شيئ عندما اقرأ عن شيئ ويقولون إضغط هنا لقرائة التفاصيل سبحان الله ولا شيئ

__________________________________________________ __________

>>>> الرد الرابع :

الله يريحك بدنياوبلاخره يـــــــــــــــــارب والله يحقق كل امنياتك ويسر امورك ويفرج كرباتك قولي امين

__________________________________________________ __________

>>>> الرد الخامس :

يسلــــــــــــــــــــــــــمووووو يالغــــــــــــــــــلا .... انيـــــــــــــــــــــــن