مشاكل العين والهالات السوداء ....باى باى للعناية بالبشرة
عنوان الموضوع : مشاكل العين والهالات السوداء ....باى باى للعناية بالبشرة
مقدم من طرف منتديات العندليب
مشاكل العين والهالات السوداء ....باى باى
مشاكل العين والهالات السوداء ....باى باي
مشاكل العين عموما هي.
انتفاخ تحت العين
اسمرار تحت وفوق العين
احمرار اسفل العين
تجعد الجفن
خطوط اسفل العين
تقشير ما اسفل العين
معلموات عامه واخطاء فكريه عن منطقه اسفل العي*اسمرار ما اسفل العين عرض وليس مرض واذا عرف السبب بطل العجب
*هي من اول المناطق انعاكاسا لحاله الجسم نفس فكره الاظافر والعلامات البيضا
*فاذا كان جسمك يعاني من اي ارهاق او اجهاد او مرض لا تتعجبي من الهالات السوداء فمعني كده ان ماتكونيش سهيره وعماله تشربي ف نسكافيه وصاحيه طول الليل ومش واخده كفايتك ف النوم وجسمك مجهد من عدم الراحه وتقوليلي ارجوكي مشكلتي الهالات حليهالي ( مش هقولك جالا جالا هوكس بوكس واحليهالك )
*جفاف المنطقه انعكاس اكيد لجفاف جسمك وظبطي شربك للمياه
*الانيميا سبب رئيسي لوجود الهالات و هي من اول علاماته
*ارجوكي ما تجربيش اي منتج لازاله الهالات لمده اسبوع وانت بتسهري ومش مظبطه نومك وتقولي اصل ده ماجابش نتيجه معايا مش لايقه البراءه هنا خالص
* دعك منطقه العين من اسوء السلوكيات اللي بتعملوها لان جلد المنطقه دي رقيق جدااااااااااا
* ممنوع اي كريم عادي او ماسك ان يوضع في منطقه اعلي العين (الجفن )
* الكونسيلر اسوء اختراع ورد لاخفاء الهالات السوداء لانه بيزيد الحاله جدا وبيخلي اللون ازرق وغايه ف السوء اذا تم اختياره بطريقه خطا
* وضع اي كريم عند منطقه اسفل العين بيكون عن طريق الطبطبه مش الدعك
لان الدعك من الداخل للخارج يسبب في ظهور حبوب ودعكها للاتجاهين يسبب ظهور تجاعيد
* عدم تنظيف العين من الماسكرا والكحل سبب رئيسي لوجود الهالات من الاصل نوع الكحل والماسكرا بيسبب وجود او عدم وجود للهالات
*طول النظر للكومبيوتر والتليفزيون والقراءه الكثيره يسبب تجاعيد الجفن العلوي
* عدم الضحك والتكشيره الكتير يا محترفات النكد (طبعا مش بنات ايجى سوا ) بيسبب تجاعيد لمنطقه اسفل العين
* النظاره من اهم اسباب سمار العين اللي محتاج علاج خاص لانها بتكثف تاثير اشعه الشمس علي المنطقه دي
* الجيوب الانفيه تسبب ضمور لوصول الدم لهذه المنطقه مما يسبب لها السمار
* الهالات الوراثيه ليس معناها ولادتك بالهالات بل معناها وجود قابليه لاستمرار الاسمرار بعد زوال السبب افهمكم دي ..... يعني انا عندي انيميا فطبيعي عندي هالات ........ خفت الانيميا فطبيعي تخف الهالات ......... انا بقي ما خفتش عندي ليييييييييييييييييه لان الجلد عندي اضعف من جلد اي حد ليييييييييييييييييييييييه لاني جلدي وراثه كده مش بيعيد تكوين نفسه سريعا ف المنطقه دي فالهالات لسه موجوده
حلها ان لو غيري هتخف الهالات عنده من شهر ل تلاته انا هتخف من تلاته لسته وممكن سنه
لكن اللي يقولي وراثيه ومالهاش حل اقوله اقري واتعلم من الحياه ان مافيش حاجه مالهاش حل سوي الموت
بديهيات للاسف هقولها ( ممكن الاقي واحده عن تجربه جربت الشطه للهالات وجابت نتيجه اتوقع ع النت ده اي ........... انا مؤدبه مش هشتم )
المنتجات الاتيه ممنوعه نهائي ف ماسك لمنطقه اسفل العين لانها تسبب جفاف لمنطقه اصلا مش ناقصه
الليمون / نشا / لبن نيدو / ماء ورد / صفار البيض / بياضه بردو / حلبه / ترمس/ رده / اي حاجه اصلا ممنوعه انا كده هكتب كله )
طبعا هتقولولي يا طعمين ايه ده ده اشهر ماسك للعين ميه الورد ببودره التلك / نشا ميه ورد / لبن نيدو ماء ورد وافتكاسه اسمها كركم وجلسرين لسه قارياها النهارده وااااااااااااااااااااااااو
طب اهدوا اهدوا للاسف انا دكتوره ودماغي منطقيه بالورقه والقلم نتكلم
انا عايزه ايه من منطقه اسفل العين المسمره ..........اكيد زوال السمار
طيب انا اللي هو انا مش قايله اي ماسك للوش حتي يبقي متوازن صح فييييييييييييين التوازن بين ماء الورد والنشا / لبن نيدو ( افتكاسه هتكلم عليها بعدين ) / بودره تلج ( مش معني اني كتباها اني موافقه اصلا ع الافتكاسه دي انا بنقل اللي بيتقال )
كل هذه المواد قابضه للمسام والجلد طب ايه علاقه انقباض المسام بالتفتيح
عارفين بتجيب نتيجه ليه ؟؟؟؟؟؟؟؟؟؟؟؟؟؟؟؟؟
اقولكم النشا من المواد اللي بتدي لون ابيض بتحتفظ بيه الخليه لفتره من ساعه لساعتين وبالتدريج بتتخلص منه لكن مع وجود ماء الورد القابض للمسام بيطول البياض شويه ويزول اثره
نفس فكره البطاطس بتنزل النشا بتبيض ساعه ساعتين باي باي وكل يوم من ده وعند اي موقف هبه تلاقي الهالات منوره وتقوليلي جربت كل حاجه
اه كركم وجلسرين طيب مبدئيا الجلسرين ممنوع لاي بشره حساسه لانه حامي جدا حتي كمرطب طب علميا ممكن اعرف الماده العلميه اللي موجوده ف عمو كركم اللي بتسبب التفتيح اصل معلش ماده العقاقير دي نفسي احضر فيها فليكم انكوا تتخيلوا كنت فيها ازاي ف الكليه
الكركم فيه شويه من مواد وفكره النعناع طب ايه اللي بيعمله النعناع ......... تنبيه للخلايا وتحفيز ليها حتي لما بتحطيه بتحسي بسقعان سواء النعناع او الكركم ............. يعني محفز يا قطاقيط طب ما التلج اولي انه يحفز بشرتي
اممممممممممم لا سامعه انتقاضات للركب
اصل دكاتره الجلديه ف التليفزيون بيقولوا كده انتي بتكدبيهم!!!!!!!!!!!!!!!!!!!
بصوا يابنات انا عندي مبدا طالما مش الرسول اللي قايل يبقي اشغل مخي وافكر ورا اللي بيقول ان شا الله اللي واقف قصادي ده زويل اوك ده مبداي ودي انا
انا رديت بالمبدا العلمي مش رميت القنبله وجريت لما دكتور محترم يقول لبن نيدو تبقي لازم تغيري القناه فورا وحتما
انتي عارفه يعني ايه لبن مجفف عارفه يعني ايه مواد حافظه عارفه يعني ايه ده علي بشرتك
انتي فاهمه يعني ايه بودره تلك عارفه بنحطها ليه للبيبي عارفه تاثيرها ع الغدد العرقيه ايه عارفه ان المفروض اصلا بتحطي زيت جونسون نص ساعه ووراها بودره التلك عشان الضرر اللي ممكن تعمله للبيبي عارفه انها ممكن تقلب موازين بشرتك نهائي وتدمرها
عارفه ان الدكتور لو قالك واصفه كامله يقفل عيادته احسن
عارفه ان بيتاجر عليكي وانت سوري ولا بلاش لا تزعلوا بس اكيد فهمتوا وانتوا ايه
كفايه بقي ده حتي الكلام اللي انا بقولوا فكروا تاني وراه مقنع ولا لاء
اما انتوا بتجربوا اي افتكاسه طالما اللي قايلها دكتور ف التليفزيون بتسنكروا ليه ع الشباب اما يتطرف بدعوي الدين واللي قايله كده بردو شيخ ف الجامع ما دي زي دي انتوا ما بتفكروش وهو بردوا ما بيفكرش ودي امتنا صح ولا بفتري عليكم ( طبعا زمانكم بتقولوا صني هتطلع من الشاشه تضربنا )
فوقواااااااااااااااااااااااااااااااااااااااااااااا ااااااااااااا يالا نكمل
اعرفي ان :
اي علاج للهالات بيكون بمحاربه السبب وعلاج العرض
اي علاج بتكون مدته من شهر لثلاث شهور بالمداومه وتنظيم النوم وتنظيم الاكل وتقليل المنهبات ومنع النرفزه والضغط العصبي ( اغيظ انا صح مش كده يعني من الاخر بقولكم مالهاش حل مين اللي هيظبط كل ده لا ولشهر هههههههههههههههه)
طب يعني انا مدلعاكم احلي دلع ودايما مبسطه الدنيا ف عنيكم خير ايه اللي غيرني
بصوا يا قمرات اني اعرف حقيقه مشكلتي هو نص الطريق لحلها وفعلا اعمق مشكله للبشره هيه الهالات والا ماكنتش بقت مشكله للممثلات نفسها
يتبع ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وكما هو المعتاد دايما بديكم تفاؤل بيا ............
مين انا كليك تاني مره
انا واحده كااااااااااااااااااااااااااااااااااان عندي هالات ( تؤ كدامات سوداء ) شامله اسفل واعلي من الاخر حول العين هه
وكانت عندي جيوب انفيه ( ابقوا فكروني اقولكم دي كمان عالجتها ازاي ) بلبس نظاره تجاعيد علي الجفن مكرمش كده
اه بالحق كمان عندي هالات وراثيه
امممممممممم هو عنوان موضوعنا ايه كده فكروني
اه انا اريد اذا انا اكون
طب من غير تفصيل ده طبعا اطول كورس ف التاريخ كان لمده سنه وكان بدايته فكره او حلم شكلي هيبقي ايه من غير هالااااااااااااااااااااااااااااااااااااااات عايزه بس اشوفه ممكن
ظبط نومي بصحي بدري وانام بدري ( من واحده موتيها ونيميها بدري )
باكل سلطه ( من واحده عمرها ما اكلت سلطه لواحده مسمينها ارنوبه هانم )
باكل زبادي بالعسل كل يوم وفرق كتير اوي مع بشرتي
لو خلااااااااااااااااص لازم قهوه بشربها 9.5 صباحااااااااااااا (احم ..... من واحده مدمنه نسكافيه بكل ما تحمله الكلمه من معني )
كل يوم كبايه شاي اخضر وتفاحه الساعه 12 ( من واحده عمرها ما طاقت ريحه الشاي الاخضر ده )
بعمل مساج لعيني قبل ما انام ( حركه دائريه لمنطقه العين نفسها وحركه طوليه لمنطقه الحاجب فقط )
عايزه اقولكم تقولولي موتك وسمك ايه اقولكم احط حاجه علي عيني هيه المعلقتين المتلجتين علي عيني لتنشيط الدوره الدمويه واكتر عدد من المرات ممكن باعمله ويعني عشان الصدق والجنه والنار كنت بحط شادو اوت فتره واثر بس بعد اييييييييييييييييييييييييييييييييييييييييييه
وانا نازله كنت بحط كريم زنك اوكسيد تحت عيني
خلاص......... بجد اه خلصت.......... امممممممم مافيش اي حاجه تاني عملتها ........... اه ووراثيه وراحت لا سحر ولا شعوذه ...........امممممم من غير كريمات لاني كنت خلاص زهقت وجربت كله ومافيش حاجه جابت نتيجه
بنات ملاحظين ايه مش قصدي البساطه
الاصرار والتحدي بنات كلكم وكل واحده داخله تقرا وانا قبلكم من غير ما تقرري تقفي قصاد نفسك وتقولي لاء عمرك ما هتوصلي لحاجه ا
اي مشكله جواكي او فيكي او ف حياتك ف لحظه تقدري تغيريها بس لو اخدتي قرار
انا اخدت القرار يمكن اللي قولته كتير منكم بيعملوه وبردو فيه هالات بس بالترييب ما اظننش
علاجي لنفسي ما كنش عشوائي او تجربه انا كنت بهرج زمان اه زيكم لكن لما اخدت قرار علاج كان علي دراسه وجد وعلم انا لا درست الكلام ده ف كليه ولا بقوله عشان دكتوره ويمكن الكورس مديني كلام كتير بس مش هو اللي خلاني كده
اللي خلاني كده انا اريد اذا انا اكون
وطبعا مش ناسيه الكورس اهووووووووووووووووو يا قمرات
كورس الهالات
للحالات العاديه :
وهيه اللي الهالات عندها بتروح وبتيجي وبتخف وتزيد وبتظهر ف اوقات واوقات
دي كورسها من شهر ل تلاته
الهالات الوراثيه :
بتكون نتيجه جيوب انفيه او وراثه وبتكون عميقه وواضحه جدا ونادرا ما تخف ف الحالات العاديه
دي كورسها من تلات شهور لسته
- اولا وقبل كل شئ حللي انيميا اذا كانت النسبه من 12-16 تبقي ف السليم
- تظبيط النوم بمعني ان معاد نومك ما يعديش الساعه واحده والصحيان مايعديش الساعه 11 (لمده اسبوعين والله هتحسوا بالفرق ومن فرحتكم هتكملوا الشهر )
- شرب كوب الي كوبين صباحا ع الريق
- يا اما يعني اختاري تاكلي او تشربي مما بين القوسين ( م عسل / م عسل وكبايه زبادي / كوب قرفه بالعسل / تفاحه / كوب جريب فروت / كوب شاي اخضر / كوب كمون ولمون دافئ )
كل ده يكون مباشره قبل وجبه الفطار الصبح وبعده افطري اللي انت عايزاه
- الرجيم القاسي ممنوع خلال الشهر
- لا ينفع هذا الكورس ايام الامتحانات وما شابهها من ايام الضغط النفسي يعني عروسه ومتسربعه ومش بتنام من كتر التفكير ما تعملوش
- معلقتين الاكل الكبار هتحطيهم ف الفريزر وتطلعيهم بالجزء المقعر ده حطيه علي عنيكي الجفن واسفل العين
او قطعه تلج ف قماشه ومرريها براحه جدا علي اعلي واسفل العين
كل ده اقل مده ليه مرتين طول اليوم واقصي كميه كل ساعتين تعمليه
- اخذ فيتامينات مضاده للكسده وافضلهم علي الاطلاق فيتاماونت مضاد للكسده هتاخدي كبسوله نهارا بعد الافطار واللي بياخدوا ادويه ضغط ياخدو الفيتامين بالليل مش الصبح
- ف وجبه الغذاء تقليل الدهون والمقليات واللحوم المجمده والتيكاواي خلال الشهر
- اكل طبق سلطه او توزيعها علي مدار اليوم كله واهم خضار عندي ( الجزر - الخس - البقدونس - الخياااااااااااااااااااااااااااااااااااااااااااااا ااااااااار - الطماطم )
خضروات لو بتحبيها اوك لكن غير ضروريه ( البنجر - الفجل - البصل - التوم )
- عمل مساج بعد كل صلاه عشان اضمن انه يتعمل خمس مرات وهو عن طريق
دعك منطقه العين اللي هيه النيني بحركه دائريه خفيفه مش تفعيص هوه
ودعك منطقه الحاجب نفسه بحركه طوليه باتجاه الشعر وبسسسسسسسسسسسسسسسسسس
لا فوق ولا تحت بيدعك
- لو بتحبي القرايه او مدمنه نت يعني بتقعدي متوااااااااااصل اكتر من ساعتين متصلتين لاااااااااااااااازم تفصلي كل ساعه براحه لعنيكي تغمضي فيها عنيكي وتعملي مساج
- لو حطيتي ماسكرا او كحل اللي همه المفروض اصلا ماركه وغاليييييييييييين لازم تجيبي مزيل ميكب خاص بالعين وده نازل من لوريال ونيفيا ولازم تجيبيهم من مكان محترم وغاليين
طب هتقطعي نفسك مش معاكي يعني ايه الرخامه دي هاتي قطنه وبلليها بلبن حليب دافي وامسحي عنيكي وبراحتك خااااااااالص ولا يهمك نضفي ع الاخر وبعد كده بمزيل الميكب العادي الغالي بردو امسحي علي منطقه اسفل العين ولو مش عندك يبقي بمنقوع البقدونس او منقوع الرده
منقوع البقدونس بتجيبي الكميه اللي عايزاها وتقطعيها وتضربيها ف الخلاط وتنقعيها ف ميه لمده اربع ساعات وتصفي الميه وتغسلي بيها وشك
منقوع الرده بتجيبي معلقتين رده وتنقعيهم ف كبايتين ميه لمده 12 ساعه ف التلاجه وتصفيهم وتستخدميهم
- كلنا هنجيب كريم شادو اوت رغم انه مش القمه بس هقولكم الاسباب
* رخيص الثمن وف متناول الجميع ب17 ج
* انت ف فتره لن تاتي بنتيجه الا بعد اسبوعين فحرام تستخدمي حاجه غاليه لمجرد تحفيز مش لنتيجه
* هو الكريم الوحيد الطبي الموجه من دكاتره العيون والذي لم يسبب اي اثار جانبيه علي طول استخدامه لاي نوع بشره
* هو الكريم الوحيد المسرح استخدامه لمنطقه اعلي العين الجفن
* كريم يساعد علي ازاله التجاعيد
هنحطه مرتين صباحا ومساءا طووووووووووووووووووووول فتره العلاج
-لو حبيتي تزودي النتيجه بمحفز خارجي ايضا فمن الممكن استخدام ده
* قطعتين خيار مبلله ف لبن وميه ورد اي نوع يعني تنقعي الخيار الاول فيهم عشان يجيب نتيجه ( خلينا بقي زي السبا العاليه ف امريكا ) غير مسموح بيه للي سنهم تحت 18
* استخدام الزيوت يكون هكذا
النوع هو زيت جنين القمح فقط ( الكابتن فقط ) او كبسولات فيتامين e 1000 فقط
يوضع بطريقه الطبطبه وليس الدعك ويترك تلت ساعه ويزال بقطنه مبلله لبن دافي وراها قطنه مبلله ماء ورد ساقع
ليس خطرا ان يترك للصباح ولكن يفضل لاعلي درجات الامان ان لا يترك اكتر من تلت ساعه
-الاراده فالتحدي فالمثابره فالاستمرار فالنتيجه المزهله ان شاء الله
الموضوع منقول لدكتورة
ان شاء الله تستفيدوا
__________________________________________________ __________
>>>> الرد الثاني :
__________________________________________________ __________
>>>> الرد الثالث :
بارك الله فيك موضوع مهم . .
__________________________________________________ __________
>>>> الرد الرابع :
وااااااااااو موضووووع كتييير رااائع
__________________________________________________ __________
>>>> الرد الخامس :
أسعدني تواجدكم اخواتي
رد مع اقتباس
