منتجات جربتها وصرت مااستغني عنها ومنتجات سيئه ندمت عليها ،، العنايه بالبشره
عنوان الموضوع : منتجات جربتها وصرت مااستغني عنها ومنتجات سيئه ندمت عليها ،، العنايه بالبشره
مقدم من طرف منتديات العندليب
منتجات جربتها وصرت مااستغني عنها ومنتجات سيئه ندمت عليها ،،
مرحباا جميلاتي
اليوم بنزل لكم صور اشياء استعملتها وصرت مااستغني عنها واشياء مااستفدت منها شي وندمت على استعمالها
اذا استفدتو من الموضوع قيموه ولاتنسو تدعون لي
نجي اول شي نآخذ صوره جماعيه للحلوين
نبدأ من اللوشنين اللي من جد سحرتني ومااستغني عنها ابداً
هذي
ترطيب رائع
بالذات للركب والاكواع والمؤخره احسها اكثر مناطق معرضه للسواد عشان كذا لازم نرطبها بإستمرار
الاسود استعمله في النهار
المرطب هذا مجرد ماتحطينها على ايدك راح تحسي ايدك زي الحرير
طبعاً هو وصفه طبيه من دكتوره معروفه عندنا
قلت لها ابي مرطب لليدين ينفع لجونا الجاف وخصوصاً مع شغل البيت تتعب اليدين
نصحتني بهذا وكتبته لي
ومن يومها ماقدرت اتركه ابداً
مع الاستمرار راح تصير ايدك بتجنن
سعره 110 بس يستاهل قيمته وراح يطول عندك يعني يمكن يجلس عندك شهر واكثر
وفيه صابونه من نفس الشركه رائعه كان نفسي اصورها بس خلصت وان شاءالله راح ارجع اشتريها
اللوشن هذا وصفته لي دكتوره لأن كان عندي حساسيه في جسمي ومااقدر استعمل اي لوشن
بس عجبني وحتى بعد ماراحت الحساسيه مازلت مستمره عليه
مرطب عميق بس ريحته بعضهم مايتقبلونها
انا في البدايه ماعجبتني وبعدين تعودت
جينا عند الزين كله هههههههههه
احبببببه
خفف ترهلات الولاده عندي كثير تقريباً اقدر اقول راحت
ويمنع التشققات اللي تصير بعد الريجيم او الرياضه
انا كنت احطه واعمل رياضه هو زي الجل حطي منه على بطنك وفخوذك وايدينك من جد احلى منتج وماراح تندمي اذا استعملتيه
بس اعملي رياضه معاه
شايفين اللوشن الكشخه هذا
هذا انا اسميه النصبه ههههههههههههههههه
اشتريته من حرمه تركيه تمدحه لي كثير وتقول من تركيا
وتقول يشيل البطن ومن اول استعمال راح تحسي بفرق وراح يحرق الدهون وتحسي بحكه بسيطه
طبعاً انا استعملته ولاحسيت بحكه ولا هم يحزنون هههههههههههه
واصلاً انا ماعندي بطن الا خفيفه ومع الرياضه تقريباً راحت الا شي بسيط ندمت كثير اني شريته خصوصاً انه غالي
كلكم تعرفونه اكيد
وهل يخفى القمر
هذا استعمله قبل النوم احط منه على جسمي كله
ومااستغني عنه لأنه روووعه
وهذا كمان
كلكم تعرفونه
حلو بس المشكله انو لازم تستمري عليه واذا تركتيه يوم واحد بيروح مفعوله على طول
زي ماانتو شايفين خلص وماانوي ارجع اشتري لأن فيه احسن منه كثير
ولاتسألوني عن الغطاء وينه
اسألو بنتي الله يهديها ههههههههههههه
هذا سيروم نضاره للبشره
اسمه COSMO SERUM
يجنن يجنن يجنن يعطي البشره نضاره وحيويه
استعمله قبل النوم في الليل
مره وحده في اليوم اغسل وجهي واحط منه نقط خفيفه على وجهي وامسحها عليه
بس غالي سعره 280
وكمان فيه كريمات ثانيه من نفس الشركه بس كثير غاليه واكتفيت بالسيروم
صابونة ديرمافيد سعرها 55 ريال
مرتين باليوم وريحتها ريحة حنا
تقشر البشره
حلوه مره بس لاتغلطون غلطتي
انا بشرتي ماكان فيها شي بس لقافه مني جربتها
بشرتي كانت ناعمه تقشرت مرره وهي مافيها شي خفت يصير لي شي لأن ماتوقعتها تقشر بقوه وقفتها وبعد فتره رجعت بشرتي مثل ماكانت
يمكن لو استمريت عليها كانت راح تتقشر بشرتي وبعدها تصير ناعمه وتتفتح
بس لأن بشرتي مافيها شي تركتها
تصلح للي بشرتها معدومه او اللي تبي بشرتها تفتح
استعملتها صديقتي طلعت بشرتها تجنن
وقت الاستعمال ماتحطي مكياج ابداً انتبهي ولاتطلعين في الشمس
الاشياء هذي بعد مااستغني عنها
غسول وقناع نيوتروجينا فيزيبلي كلير 2 في 1
ومقشر للقدمين من بدي شوب
ومقشر المشمش
كلها لو استعملتيها ماراح تقدري تتركيها
من جد اللي صنعها بطل ههههههههههههه
كوستا ملح البحر
طبعاً لازم مع كل شور استعمله بتحسي بشرتك بتتغير بعد ماتستعمليه يعجبني مره
آخذ منه في صحن بلاستيك واخلط معاه زيت زيتون
واشتغل تفريك في جسمي هههههههههههههههه
اخذته من بنده اتوقع وله فتره عندي يطول مايخلص
بيجمانورم
الدكوين فورت
بإختصار اسوأ كريمات مرت علي
بمجرد ماتتركينها ترجع بشرتك اسوأ من قبل حتى لو تركتيه بالتدريج
غير ان بيجمانورم ممكن يحرق بشرتك مثل ماصار لقريبتي استعملته لركبتها واحترقت وصارت تعالجها تبيها ترجع مثل قبل بس
مافيه احسن من الخلطات الطبيعيه للتفتيح
مقشر طبعاً
حلو بس مثله مثل غيره مجرد ماتتركينه ترجعين مثل قبل
وغير انه ممكن مايناسبك ويسبب لك مشاكل
وطبعاً الكريمات هذي مايصلح تستمرين عليها فتره طويله
واعيد واكرر مافيه احلى من الخلطات الطبييعيه
جد بنات حتى لو مانفعتك ماتضرك وتقدرين تعتمدي عليها وتخليها عنايه لجسمك طول العمر
ونتايجها تطول ماتروح الا اذا انتي اهملتي
مين ماتعرف الشي هذا
مااتوقع فيه وحده تقدر تستغني عنه
نظافه وتعقيم جميييييله جداً مناديل ديتول
وكمان اللي اخترعها بطل ههههههههههههه
شامبو nutricerat ينظف الشعر ويطوله
وحمام زيت فوليتون يغذي الشعر ويمنع تساقطه وتشقق اطرافه ويزيد طول الشعر وسماكته
المنتجين هذي انقذت شعر بنتي كان فيها فراغات في شعرها ونفس الشعره خفيفه
وقصير
الحمدلله تحسن كثير عليها والكل لاحظ ان شعرها طول ماشاءالله لاقوة الا بالله
وبس هذا كل اللي عندي اتمنى يعجبكم الموضوع وتكتبون لي رايكم ومين استعملت شي من المنتجات كلها اللي كتبتها وايش رايها فيها
ترى تعبت على الموضوع
ماابي بس تقرون وتطلعون
ارفعو الموضوع ولو بدعوه
مااحلل نقل الموضوع بدون ذكر المصدر
تحياتي
اشجاان
ام لمار
الموضوع لي كتبته في منتدى آخر
ونزلته عندكم ان شاءالله تستفيدون
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا بستخدم غسول وقناع نيوتروجينا فيزيبلي كلير 2 في 1
ومقشر للقدمين من بدي شوب
ومقشر المشمش
عنجد ما بقدر استغنى عنهم كل واحد احلى من التاني متل ماقلتي ال صنعهم بطل هههههههه
__________________________________________________ __________
>>>> الرد الثاني :
عـن جـد تسـلـمي . . .
فعـلآ إستفدت من منتجاتك و اشوفها حلوى . . .
إذآ لقيت مثل منتجاتك بالسوق راح اشتريها . . .
الله يحققلك يلي في بالك يارب . . .
__________________________________________________ __________
>>>> الرد الثالث :
اختي شو كل هااااد
مستشفى والا شو ههههههههههههههههه
الله يهنيك ويسعدك ويتتم عليك صحتك
بس نصيحه لشو كل هالكريمااات ما بتخافي من الامراض الجلديه كل كريم او دواء الو سايدافكت يلي هوا اثار جانبيه بتبين على كبر
بتصدقي والله العظيم ستي الله يرحمها ((جدتي))
لما توفت انا شفتها توفت وعمرها بالسبعين بشرتها متل الزبده كانت بتجنننننن وماما الله يطول بعمرها ما بتستخدم شي على بشرتها وهيك عودتنا يعني احيانا خيااار والا لبن او بندور على الوجهه ههههههههههههه بس
اما هالكريمااات لشووووووووووو فكري بحالك بس تكبري البشره ما بتتحمل مو حقل تجااارب
ما تزعلي من كلامي نحنا متل الاخوات
__________________________________________________ __________
>>>> الرد الرابع :
المشاركة الأصلية كتبت بواسطة جنى جنى 
انا بستخدم غسول وقناع نيوتروجينا فيزيبلي كلير 2 في 1
ومقشر للقدمين من بدي شوب
ومقشر المشمش
عنجد ما بقدر استغنى عنهم كل واحد احلى من التاني متل ماقلتي ال صنعهم بطل هههههههه
تسلمي على المرور
__________________________________________________ __________
>>>> الرد الخامس :
المشاركة الأصلية كتبت بواسطة بحور آلشوق
عـن جـد تسـلـمي . . .
فعـلآ إستفدت من منتجاتك و اشوفها حلوى . . .
إذآ لقيت مثل منتجاتك بالسوق راح اشتريها . . .
الله يحققلك يلي في بالك يارب . . .
تسلمين يارب
ان شاءالله تلاقيها
ربي يسعدك
رد مع اقتباس
