عنوان الموضوع : لزيادة الجمال * طبيعي 100% لتعتني ببشرتك
مقدم من طرف منتديات العندليب

لزيادة الجمال * طبيعي 100%



السلام عليكم ورحمة الله وبركاته

بماأني فاضيه لاشغله ولا مشغله قلت أنزل لكم موضوع فن يعجبكم أن شاء الله
---
يالله جب شبس وبارد همن اقلطن حياكن نباها فسحه ودرس عشان تروحن ع انفسكم ولا الجو الكئيب وشلنا به مانبا نعجز بدري < تباَ تسولف ذي
هه لا خلاص مابي أسولف خل نخش بالدرس طبعا أنا المدرسه اللحين ها عجبكم اذ ماعجبكن أطلعن موب لزوم تقعدن أنتم الخسرانين اي والله < ترى تمزح ولا هي الخسرانه خخ
طيب بشنو نبداء درسنا شورن علي فديتكم ترى انا معلمه متفهمه ماحب اضغط ع طالباتي اها طيب أوتسي .
أحم أحم بسكم سوالف التزمن الصمت
:
يالله حبايبي
<قبل نبداء نبا نشوف شنو جايبين لي هدايا عاد اللي مابتجيب بنقص درجاته أي بعد تسبدي التهادي سنه نبويه لاتزعلن علي كله لمصلحتكم لزوم نعودكم علاها اذ ماتعودتن اللحين متاَ بتتعودن
ذي اليومين بخليها ع اذواقكم بس بعدين بكتب لكم شنو أحب بدال الواجب وحلو لو تجبن لي سمن وحليب نياق عاد ذي لها درجه مضاعفه واذ بتجبن ناقه ازين اكتبي عليه اسمك تحسب لك درجات الترم كله رفع عنك القلم واذ خلص حليبه بنقصك اي يقال زين يخلك تمتعين بنشاط وحيويه , واللي تطلع الاسواق كثير عاد لاتقصر علي ولاتنسون الحنا والطيب وقماش الحرير

وكل وحده وامكنياته ودرجات الواجب بنخليه للهدايا يعني ماحليتي الواجب وجبتن هديه لي خلاص بعتبرك حالته وابدعتي بعد وكل ماكانت هداياك سنعه وتشرح الخااطر بحط اسمك بقائمة المتفوقات وبعلقها بورقه واحطه بالساحه عشان الكل يعرف أنتس تلميذتن فالحه
--
طبعا بعطيكم نص الدرس ونص ثاني بنحذفه ماعلينا من الوزاره بنستغل وقته للسوالف واللي سوالفه توسع الصدر بنحسبه مال مشاركه اي بعد لمصلحتكم حبايبي "لاخير فمن لايألف ويولف . نباَ نعودكم


أي أدري بتقلن بخاطركم ماشي معلمه مثلي ذا من رداء حظكم ولا أنا خبره ب فنون التدريس

يالله حبايبي أفتحن الكتب
موضوع الدرس : جمالك جمالك يالغاليه حافظي عليه .

الاسنان الماس النساء الطبيعي :

أن ذا الماس يابعد تسبدي يحتاج عنايه اي خبرك موب هين ذا
مايضرا:
الحلاوه ابو نص وريال ابد ماتنفع الغالي يبي له غالي عليك بحلاوة فيريرو روشي انا شفت الداعيه مالها قلت اييِس الدنع هذا واي حلاوه يحطون لها داعيه مثلها ابد انصحك بها كلي وانتي مغمضه

نجي لل آيسكريم توت برتقال نكهات ابد ماينفع كله صبغه يلحسون عقول الناس بها عليك بالاصلي اللي يجبونه من برا مثل باسكن روبنز والاجمل ابو شكليته سوده كله فايده
_
أنتبه# لاتأكلي حار عقب بارد لان ذالك يجعل الالماسه تتشقق همن يسكنه الدود (السوس)
^

مايفيد:

1-النظافه من الايمان أي العفن مانبيه .
النظافه والدعك بسواك ذي سنة نبينا الوكاد زينه / المعجون امم ماعندي خبره لكن من تجربتي انصحك بسنسودين جل الاخضر " أنشهد أنه جل يجلي اسنانك يخليه زينه بعد لطيف مايضرها مرتين بس بيوم.

2-العسل من المنحل الاصلي حبذا لو تربين نحل عاد حطيه بالوحوش بالشباك ببيت الجيران لو وسيع عشان تسيرين عليهم كل يوم يقالك تشوفين النحل كيف وناسه ها ؟!
اشلون تربينه عاد انتي وحكمتك
:يستخدم العسل بدهن الاسنان واللثه مره مرتن 3 انتي وكيفتك يجعل الاسنان بيضه براقه وقويه تقال لؤلؤا
3- المر عاد المر شانه عظيم *أثبتت الدراسات أن المر يحافظ ع صحة الاسنان والفم بشكل عام يعالج ويقي من الالتهابات والروائح الكريها وهو يتحدى جميع غسولات الفم المصنعه وينصح به بعد الخلع والعمليات الجراحيه * ابد اصنعي لك غسول طبيعي : انقعي ربع ملعقه مر مايحتاج تطحنيها هي بتذوب بكأس او قروره صغيره ماء وخليه بثلاجه تكفيك أسبوع للمضمضه وقت ماتريدين من مرتين الى خمس انتي وكيفك .
4-الوقايه من التسوس بعض ناس الله يهداهم فرشتها بيده كل ماكلت شي راحت تدعك وراه فاضيه ذي حتى وهي عند ناس ماتنساها تحطه بالشنطه ^.* مسويه النظيفه كل مالقمت لقمه قالت بعد أذنك ابا الحمام همن تشتغل ع اسنانه عاد ذى الاشكال لاتقدمين لها لاحلا ولاقهوه تمتحنك لو تقدمين له حليب السعوديه أبرك لك وبعد تفاحه ولااقولك بلح وقولي لها ترى البلح ينظف الاسنان يعني مايحتاج تنظفينهم
اذ انتي من هاالنوع اركدي فديتك وخذي هالعلم *تشير الدراسة إلى أن من يهرع لغسل أسنانه بعد تناول الطعام مباشرة يعرض مادة أسنانه الرئيسية لخطر التآكل 3 الى 5 مرات اكثر ممن ينظف أسنانه بعد فترة وجيزة من الطعام.
المضمضمه تكفي وانا أختك واذ تبين تنظفين انتظري ساعه.
5-طبيب الاسنان عاد طبيب الاسنان هو سوسة الاسنان الثانيه أحذري منه وخلك واعيه ولا بيخليك مثل العجايز بدون اسنان ياكثر ماسمعنا فلانه تبي تزين اسنانه همن كسره خلعه وحط تلبيسه وتراكيب تقال عجوز منتهيا الله لايبلنا وفلانه عندها تسوس سطحي مسوي ينضفه كسره لما وصل العروق همن قال دى يبغاله تقطيع اعصاب الحس مخنا عاد وبعد التقطيع غدة اسنانها سوده ولا طلع له صديد همن ردة عنده قال دى ماينفعش اخلعيه وغدت الضحيه بدون اسنان وفلانه راحت تبي تركب تقويم خلع 8همن شده ورجعة تقال شاحنه دعستها وفلانه تقويمه بدون حدايد لحس منها 20الف همن شرد ههه يالله العافيه ياكثر القصص اللي مثل كذا
قبل تروحين عند طبيب اسنان اذ احتجتي مثلا ابحثي بقوقل عن علتك وافضل طرق اعلاجه اي خلك طبيبة نفسك واستشيري واسالي عن افضل طبيب مجرب "وترى الحكومي أمن نصيحه واذ قدر الله ورحتي خلك منتبها مو ع طول تسلمينه اسنانك يلعب به الا اذ بايعتها كيفك عاد اول شي خليها استشاره اساليه اشلون بيعالجك همن قولي له افكر وارد همن استخيري واسالي بقوقل او من عنده خبره عن اللي جربن ذا العلاج واهم شي تعرفين العواقب عشان بعدين ماتتندمين / اييه اسنان ذي موب لعبه اذ راحت ماتعوض لاتقولين تراكيب وزراعه ترى ماشي احسن من خلقة ربي تحمديه وحافظي عليها
^كثرة حكي من حرتي منهم يمال الوجع
نصايح :
كل سته اشهور سيري عند طبيب ينضف اسنانك بالفلورايد واجد زين عشان تكافحين التسوس يعني لو عندك تسوس سطحي علاج ممتاز ونضفي اللثه بعد *تنضيف مامنه خوف

قضينا عن الاسنان نجي للشعر والبشره والعيون ..

ممَ اَلشعر :


عاد انا الطاقه عندي نفذت من صبح صاحيه بعد شوي ولا باتسر نكمل فماَن الله

<<
وشسمه نحتري ردودكم وارائكم أي ترى يضيق صدري اذ ماتعلقون احس ماعجبكن


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ههههههه موضوعك روعة
انا كمان بطاريتي فاضية
تصبحي على خير

__________________________________________________ __________

>>>> الرد الثاني :

شكرا بارك الله فيك

__________________________________________________ __________

>>>> الرد الثالث :

اللهم صلي وسلم وبارك على سيدنا محمد وجازه بما هو اهل له


مشكوووورة ومووووووفقة

__________________________________________________ __________

>>>> الرد الرابع :

مشكورات اللي ردوا
العذر والسموحه مشغوله لفضيت اكمل

__________________________________________________ __________

>>>> الرد الخامس :

الله يجزاك بالخير يا وخيتي والله انها نصايح منتازه
اي اجل ننتظر جديدك غاليتي



استغفر الله العظيم عدد ما كان وعدد ما يكون وعدد الحركات و السكون