عنوان الموضوع : اللي تعبت من الحبوب واثارها والبقع تتفضل و تدعيلي للعناية بالبشرة
مقدم من طرف منتديات العندليب

اللي تعبت من الحبوب واثارها والبقع تتفضل و تدعيلي



السلام عليكم بناات
انا هاي أول مشاركة الي في المنتدى و بتمنى تعجبكم مواضيعي و انا استفدت من بعض المواضيع هون ف حبيت أفيد البنات كمان

انا وحده عانت سنين من حب الشباب و كنت استخدم بعض الادوية و الوصفات و يخف بس يرجعو بعدين و هاد غير الاثار و المسامات و البقع و الاباوي ( حكيت قصة حياتي ) و انا ملامحي جميلة جدا ما شاء الله بس بتعرفو كيف البشرة منظرها بخررب الجمال

المهم في يوم من الايام و انا نفسيتي مدمرة بسبب بشرتي ..
اجت شغالتنا و اعطتني محلول اسمو ( ماكسي بيل ) و هاد منتج فلبيني بتلاقوه بالاواق اللي فيها منتجات هنديه و فلبينية و حكتلي جربيه ما بتخسري و جابتلي علبتين اسكينول بالبابايا و حطت هذا المحلول في العلبتين و هاد لانو قوي عالبشرة و الافضل انو يخفف و ما يستخدم لحاله

و انا ما كنت كتير مقتنعة فيه بس حكيت انو انا مش خسرانه و ما وقفت ع هالشي انو ما اجربو ..

اول اسبوع الى عشر ايام حسيت انو وجهي زادت الحبوب فيه و زاد احمرارو و حكيت للشغاله و قالتلي انو هاد وضع طبيعي و هو بطلع كل شي تحت البشرة و ينضفها منيح بعدين بروح ..
المهم صرت استخدم اسبوع و اوقف اسبوع بعدين متلا استخدم اسبوعين و اوقف 3 ايام بعدين وصلت لمرحلة انو استخدو شهر بعدين اوقفو اسبوع و هكذا و هلا انا ما شاء الله وجهي تحسن بشكل لا يوصف يعني ضايل بقايا و مسامات صغيره و ان شاء الله بتتسكر مع الاستمرار

و صرت احط المحلول في علبة اسكينول وحده بدل علبتين و هاد المحلول الو ارقام يعني 1 و 2 و 3 و انتو جيبو رقم 3 هو افضل شيء

و بعدين رح تشوفو ئديش بشرتكم رح تكون احلى

مااا تنسوو يا بنات انو اهم شي هو الاستمراااار و ما تيأسي والله والله رح تدعولي و انا ما الي مصلحة اني امدح منيج بس حبيت افيدكم مش اكترر

و اهم شي كمان انو مااا تطلعو بالشمس و انتو حاطينو لانو انلتائج رح تصير عكسيه لا سمح الله
ف انتو حطوه بالليل قبل ما تنامو هاد في حال ازا كان بفصل الصيف و انا لاني عايشة بالامارات و جوها كتير حار بالصيف ف بحطو مرتين بالليل و بكون قاعده بالمكيف اما بالشتا عادي بحطو 3 مرات باليوم و بأي وقت بدي ياه

و انا عن نفسي لما اطلع بالشمس ما بحط واقي بس اللي حابه تحط يعني احتياط و حفاظاً ع بشرتها اكتر ف هي حرة

و انا لاني عانيت من هالمشكله ف حابة اساعد كل بنت عانت منها و انا جاهزة لاي سؤال
و أي وحده عندها استفسار تتفضل

بس اخر تنبيييه :

أولاً :

هو ان شاء الله رح يناسب بشراتكم بس انتو بالاول لما تجيبوه حطو شوي منو ع الايد و استنو وقت و ازا سبب اجمرار شديد و حسيتي بشرتك ما ارتاحتلو ابدا فلا تستخدميه و تصيرو تدعو علي بعدين

و تانياً :

ازا حسيتو اثناء فترة الاستخدام انو بشرتكم صارت لونها تميل للاحمارا او صارت اغمق ما تخافو ولا شي هاد بكون بس مؤقت و بروح بعد ايام او اسبوع من توقيف الاستخدام

و اي استفسار انا جاهزة حبيباتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جزاك الله خيرا

__________________________________________________ __________

>>>> الرد الثاني :

مشكووووووره ياقلبو عمتي تعاني من حب الشباب ان شاالله راح انصحها فيه

__________________________________________________ __________

>>>> الرد الثالث :

شذى

ازا انتي بالامارات اكيد بتلاقيه بالسفير و خليها تجربو و خبريني شو بصير معها حبيبتي

__________________________________________________ __________

>>>> الرد الرابع :

بارك الله فيكي اختي

__________________________________________________ __________

>>>> الرد الخامس :

شكرا للجميع