عنوان الموضوع : نظافة وصفاء وبياض فوق الخيال -ادخلي وعيني خير لتعتني ببشرتك
مقدم من طرف منتديات العندليب

نظافة وصفاء وبياض فوق الخيال -ادخلي وعيني خير



السلام عليكم ورحمة الله وبركاته



ها وصفه للتنضيف والعلاج استمري عليها 7شهور وباذن الله النتيجه بياض وصفاء بشره كما تحلمين وزود

من مميزات :
وصفه اقتصاديه غير مكلفه
تغنيك عن الكريمات الكيمائيه المضره
تغنيك عن كثرة الخلطات والملطات الي ماله داعي ولا عاد تحطين لا صحن السلطه ولا صحن الغداء بوجهك خليها للاكل فقط < ترى تمزح هه
لافيها بيض ولا حليب ولا بصل ولا خيار اشياء طاهره مطهره
توفر وقتك الي تقضينه بالخلطات او الاغتسال المبالغ
.. والكثير
-
الطلبات :
ليفه يد من صيدليه
من العطار / صبره - حبة البركه القصيميه -سدر- ماء زمزم - مره - زيت زيتون وفازلين حق الرقيه (اذ ماحصلتي اشتري فازلين من صيدليه وزيت زيتون انتي بعدين اقري عليه الرقيه)
- حلتيت - زيت ريحان - عسل - ملح خشن من العطار او ماء بحر
بس
واذ تبين زياده : لبان ذكر - ورق زيتون
^
ومن فايدتها علاج روحي وجمال يعني حتى لو فيك عين او حسد ..الخ لاقدر الله تفيدك
ومثل مو شايفين اشياء طاهره واكثرها مذكوره بالاحاديث والقران زيت الزيتون هو سر التبض بالخلطه يبيض بشكل غير طبيعي ويخلي لبشرتك نور مع الاستمرار بتشوفين الفرق وكفايه انه مذكور بالقران مايحتاج اتكلم عنه اكثر.
زيت الريحان والمر يطهر ويعالج حب الشباب والحبوب ويخلي ريحة بشرتك حلوه ويحسن المزاج ويخليك رايقه وهيك
الصبره تعالج اثار الي ببشرتك وترجعها مثل بشرة بيبي
حبة البركه بعد تعالج كل مشاكل البشره
ماء البحر او الملح للنظافه
السدر للنظافه ويوحد البشره ويفتحها ويزيل الاثار والبقع ولما يكون طازج يكون افضل ومن العطار خذيه ورق واطحنيه بالبيت عشان الغش
فازلين ترطيب ويعطي البشره طراوه ونعومه
ماء زمزم بركه وشفاء
الحلتيت يشبه مكوناته مكونات المر إلا أنه يحتوي على كبريت يعالج الي مايتعالج باذن الله مثل الكلف والاثار والثاليل الله لايقدر علينا بس احنا مانستخدم الا كميه صغيره جدا منه
العسل للتقشير والترطيب والتنضيف يجعل البشره ناعمة نضرة و ايضاً يعالج حب الشباب
لبان يبيض ويشد البشرة ومعطر ومرطب وغافل للمسمات الواسعة
ورق الزيتون ينعم يعقم مضاد للبكتريا جيد للبشره الحساسه والملتهبه
-
الطريقه
طبعا بنصنع 3اشياء من الطلبات :-

مرطب يدهن به الوجه واذ اردتي الجسم قبل النوم
سكراب يفرك به الجسم قبل الشوار
لوشن يعقم ويبيض
-
المرطب ولا يستخدم الا بالليل بعيد عن النور:
فازلين الرقيه علبه صغيره او كبيره حسب استخدامك ثم خذي نص او ربع ملعقه صبره وجيبي زيت زيتون ربع فنجان قهوه وانقعي الصبره فيه لمدة يوم بالثلاجه وكل شوي حركيه بالملعقه عشان تذوب الصبره عقب صبيه كامل داخل علبة الفازلين وضيفي نص ملعقه ماء زمزم وملعقه زيت ريحان مع التحريك قليلا عشان تتجانس المكونات
^الكميه اللي كتبتها حق علبه صغيره اذ علبه كبيره زيدي الضعف ,ممكن تنقصين من الفازلين شوي عشان العلبه توسع
--
طبعا المرطب ممكن تستخدميه بنفراد اما اذ تبين نتيجه وعلاج اعمق اضيفي الاتي عليه
يتبع الخطوه2 قبل النوم :
جيبي الهاون ودقي حبة البركه 20حبه وحبتين صغار قد الرز مر وحبه مثله حلتيت
عقب خذي ربع ملعقه تقريبا من (المرطب) وجيبي فنجان قهوه حطي فيه اذ ناويه تدهني وجهك وجسمك كامل ضيفي نص ملعقه ماء زمزم ونص زيت زيتون وربع ملعقه عسل حلليه بينهم ماله اثر
اخلطيه وذ بعض وادهني
ملاحظه : لاتضيفي حبة البركه والحلتيت والمر في علبة المرطب هالافضل عشان مايخيس
خاصه حبه البركه لان لما تتركيها فتره بعد الطحن تتحول سم والله اعلم.
--
سكراب :
للوجه والرقبه كل يوم ينضف بعمق (ملعقة عسل ملعقه زيت زيتون) وافركي باطراف اصابعك او قطنه بحركات دائريه.
ها يناسب للوجه والجسم
اساس السكراب زيت زيتون وماء بحر او ملح خشن بعدين اضيفي ملعقه زيت ريحان عشان تصير ريحة جسمك حلوه وملعقه ماء زمزم ممكن ملعقه عسل
ودقي الاتي بالهاون وضيفيه : ورق السدر الحلتيت حبه حبتين لاتزيدين المر وحبة البركه بكميات بسيطه
وضيفيه على الخليط وجيبي ليفه واقعدي افركي جسمك بدون ماء برا ربع ساعه تقريبا
وبعدين عادي خذي شوار معاد تحتاجين شي صابونة ديتول وليفه ولا احلى
استخدميه كل يوم لنتيجه اجمل او اقل شي يوم بعد يوم
--
لوشن :
استخدميه وقت تكوني فاضيه وقاعده بالبيت او قبل موعد الشور بساعتين او ساعه
فايدته يبيض ويعقم ويعالج الحبوب والمسام
طريقته :
قارورة ماء صحه او كوب عادي ضعي مقدار نص كوب ماء انقعي ملعقه لبان ذكر واطحني مقدار ملعقه ورق زيتون وخليها بالثلاجه لمدة يوم او اقل شي 3ساعات وتكون جاهزه للاستخدم امسحي جسمك منها الوجه والجسم
بس لاتخلين تقعد بالثلاجه اكثر من اسبوع كل 3ايام او اقل شي اسبوع غيريها


ها انشاءالله تفيدكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

*.*
شكلها ماعجبتكم
طيب خلاص رجعوها لي خخ

اتمنا من الاداره تنقلها لقسم البشره وشكرا

__________________________________________________ __________

>>>> الرد الثاني :


سأكتبُ كل العباراتِ في ورقٍ مخطوط ْ
لأجعل منها أروع أكليل من الحروفِ والكلماتِ
والزهور والأنغامْ
وألحان الشكرِ والإحترامْ
لأقدمها لك تعبيراً عن شكرى وإمتنانى لردك الكريم ,,
تحياتى الوردية ...
لكـ خالص إحترامى

__________________________________________________ __________

>>>> الرد الثالث :

ربي يسعدك
تسلمين للطرح

__________________________________________________ __________

>>>> الرد الرابع :

اشكرك اختي على هذا الطرح الراقي

__________________________________________________ __________

>>>> الرد الخامس :

ينقل للقسم المناسب