عنوان الموضوع : طريقة وضع الحنة بطريقة سهلة بجميع الالوان الى بتنسبك.....~~~ للعناية بالشعر
مقدم من طرف منتديات العندليب

طريقة وضع الحنة بطريقة سهلة بجميع الالوان الى بتنسبك.....~~~






جيبلكم اليوم وضع الحنة بطريقة صحيحة وبجميع الالوان الى تنسبك



بين يدك اختى الدليل الكامل لطريقة تحضير الحنة لشعرك
هنالك عده امور مهمه يجب الانتباه اليها عند التحضير لعمل الحنة على شعرك لتحصلي على النتيجةالجيده من غير تعب ومشاكل ممكن إنك تتعرضي ليها............

يجب ان يكون الشعر نظيف حتى تتخلصي من أي تأثير للغبار والأتربة على شعرك وكمان للتخلص من أي تأثير للزيوت على شعرك علشان تطلع النتيجة اللي إنتِ عايزاها وتستفيد فروة شعرك استفادة تامة من الحنة ويكتسب شعرك اللون المطلوب
لا تدعي الحنة على شعرك أكتر من 4 إلى 6 ساعات كي لا تنشف على شعرك اكثر عن اللزوم وبالتالي تعرض شعرك إلى التقصف عند غسله.
حتى تضمني إنك هتحطي الحنة بطريقة متساوية ياريت إنك تقسمي شعرك إلى قسمين أو أربعة أقسام.


وإنتِ بتحطي الحنة ياريت إنك تحطيها من جذور فروة الرأس وصولا إلى الأطراف. كمان حطي الحنة على شعرك بمقدار ملعقتين في وسط رأسك وبعد كده دلكيها بأصابع يدك.


بعد كده ارفعي خصلة من شعرك بواسطة أصابع يدك الشمال وحطي فيها بواسطة المعلقة قليلاً من الحنة ودلكي بيها فروة رأسك. وبعد كده كملي على باقي الخصلات بنفس الطريقة لغاية ما تغطي الحنة منطقة الرأس كلها.
سرحي شعرك باستخدام صوابع إيديكِ علشان تتأكدي إن الحنة غطت جميع جذور شعرك.
ممكن كمان إنك تميلي رأسك للأمام علشان تحطي الحنة على نهاية رأسك ودلكيها جيداً.
لفي شعرك على رأسك على شكل طاقية وتدلكي الشعر بيدك حتى يتشبع الشعر جيداً بالحنة.
غطي شعرك ببونيه للشعرك وسبيه لمدة ساعة حتى تتفاعل الحنة مع شعرك وبعد كده شيلي البونيه من على شعرك وده علشان تسمحي للهواء إنه ينشف الحنة اللي على شعرك.
اوعي تنسي إنك تحطي قطعة من القطن حول البونيه في المناطقة الآتية: جة رأسك من الأمام وخلف الأذنين وعلى منطقة الرقبة من الخلف حتى لا يتسرب سائل الحنة إلى الملابس أو إلى جلد الجسم ويغير لونه.
بعد كده سيبي الحنة المدة اللي إنتِ عايزاها بس خلي بالك إنها ماتزيدش عن 6 ساعات.
بعد مرور الوقت اللي إنتِ عايزه ممكن إنك تغسلي شعرك جيدا تحت ماء جاري مع تدليك لفروة الرأس جيدا للتخلص من جميع ذرات الحناءوبعد كده تغسليه.
ياريت وإنتِ بتغسلي شعرك من الحنة إنك ماتستخدميش الشامبو واكتفي فقط بغسله بالبلسم وتاني يوم ممكن إنك تغسليه بالشامبو وده علشان لون الحنة يثبت على شعرك.
استخدمي مشط ذا أسنان واسعة لتسريح شعرك علشان تتأكدي إن مافيش أي بقايا للحنة على شعرك.
لا تقومي بعمل حمام زيت لشعركفي نفس اليوم اللي عملتِ فيه الحنة لكن اتركيه لليوم الثاني وعلى فكرة من الضروري قوي لأصحاب الشعر الجاف إنهم يعملوا حمام الزيت تاني يوم، وعلى فكرة أفضل الزيوت المستخدمة في عمل حمام الزيت بعد الحنة هو زيت جوز الهندكمان..........
خلّي بالك من المقادير........... مقدار المية السخنة اللي هتستعمليها يجب إنه يكون مقدار مناسب يجعل خليط الحنة متماسك ومش سائل.
كمان خلّي بالك وإنتِ بتحطي الحنة على شعرك إنك ماتمسكيش الحنة بإيدك ياريت إنك تستخدمي جوانتي بلاستيك وده علشان لون إيدك مايتغيرش.
لو كان شعرك جاف ياريت إنك تقللي من كمية الخل اللي هتحطيها على الحنة يعني يكفي معلقة واحدة من الخل وتضيفي 3 معالق من زيت الذرة.
لو عايزة تثبتي لون الحنة على شعرك لفترة أطول ممكن إنك تغلي قشور البرتقال والليمون مع الماء الساخن المستخدم في العجن.

فيه مشكلة ممكن إنها تقابلك بعد ما تعملي الحنة وهي إن لون الحنة مش باين في شعرك وده ممكن يحصل لو لون شعرك غامق... بس ولا يهمك إنتِ ممكن تقومي بتفتيح شعرك باستخدام الليمون وده عن طريق إنك تشطفي شعرك بالليمون المركز وبعد كده تغسلي شعرك بالماء الفاتر.. وعندما يفتح.. استخدمي الحناءوهتشوفي النتيجة بنفسك..
بس خلّي بالك لو شعرك جاف ياريت إنك ما تعمليش عملية التفتيح دي.
حنة طبيعية بمفعول الصبغة
بعد ما حضرنا الحنة مع بعض تعالوا بقى نشوف ازاي الحنة الطبيعية ممكن إنها تعمل مفعول الصبغة بس من غير ما تؤذي شعرك ده غير إنها كمان هتساعد على جمال وتعومة شعرك..
طريقة التحضير ..
اخلطي كل المكونات مع بعضها ما عدا عصير الليمون وسيبها لمدة 3 ساعات في طبق بلاسيتك اللي فيه عجينة الحنة وده علشان المكونات دي كلها تتخمر مع بعضها البعض، بعد كده ضيفي عصير الليمون بعد كده حطيها على شعرك من ساعة إلى ثلاث ساعات على حسب درجة اللون اللي إنتِ عايزاه، يعني لو عايزاه أحمر ناري مثلا يبقى سيبيها 6 ساعات.
وخلي بالك إن طريقة التحضير ثابتة في كل مرة واللي بيختلف المكونات على حسب النتيجة اللي إنتِ عايزاها ودي بقى مكونات الحنة على حسب اللون اللي إنتِ عايزاه.

شعر احمر


المكونات:
1- عشر ملاعق كبيرة حناء.
2- عصير ليمونة.
3-كوباية كركديه.
4- كوباية مية سخنة.
5- ثلاث ملاعق قشر الرمان المجفف.
6- كوباية من خل التفاح أو الخل العادي.

شعر اشقر

المكونات:
1- عشر ملاعق كبيرة حناء.
2- عصير ليمونتين.
3-ثلاث ملاعق كركم.
4- مقدار مناسب من الماء الساخن.
5- ملعقة كبيرة من خل التفاح أو الخل العادي.

شعر بلون الشيكولاته
المكونات:
1- عشر ملاعق كبيرة حناء
3- ثلاث ملاعق من خل التفاح أو الخل العادي.
4- ثلاث ملاعق من بودرة الكاكاو
5- مقدار مناسب من الماء الساخن.


لشعر كستنائي


المكونات:

1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي
4-كوب مغلي من البابونج.
5- مقدار مناسب من الماء الساخن.

اتمنى يعجبكم لآتحرموني ردودكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلمين شكررررررررررر

__________________________________________________ __________

>>>> الرد الثاني :

والله جنان بس بيطلع الشعر ملون او امانه الصبغه تزبط بعد الحنه

__________________________________________________ __________

>>>> الرد الثالث :

يعطيك العافيه اختي وجزاك اللله الف خير

__________________________________________________ __________

>>>> الرد الرابع :

يسلموووووووووو

__________________________________________________ __________

>>>> الرد الخامس :

الله يعافيكن نورتن