عنوان الموضوع : خُلاصة تجاربي للعنايه بالشعر .. للعناية بالشعر
مقدم من طرف منتديات العندليب

خُلاصة تجاربي للعنايه بالشعر ..




راح اقدم لكم عنايتي المتواضعه التي طالما بحثت عنها زيي زيكم ترى كنت ابحث وادور عليها لكن الحمدالله وصلت لمرادي بفضل الله

اول شي نعرض الأغراض بشكل عام وبعدها راح اشرح لكم بالتفصيل ..



راح اذكر اساميهم منعا للحيره ..
من اليمين الأسود تونيك سورسير + زيت النارجين + محلب ابيض مطحون + بخاخ مويه فيها محلب + بلسم امريكان للشعر + شامبو سورسير + شامبو كيرلي
الي تحت كريم او ماسك ترطيب ار بي + فرشه للشعر عريضه

[U]واسعارها[/U]
المحلب والزيت من العطار * السعر المحلب ربع كيلو بـ 20 ريال , الزيت اعتقد بـ 10
التونيك والشامبو سورسير من الصيدليه * السعر تونيك بـ 115 , والشامبو اعتقد بـ 60
الفرشه العريضه من محل بودي شوب * السعر ماتذكر ..
المرش ( البخاخ ) من محلات البلاستيك او ممكن ابو ريالين ..
كريم او ماسك ار بي + بلسم امريكان + شامبو كيرلي من محل لُش Lush * السعر الماسك بـ 119 , البلسم 89 , الشامبو 115
محل لش تحصلونه بالرياض بالفيصليه الدور الثالث او المملكه الدور الثاني .. ماعرف اذا له فروع ..
لكن راح اذكر لكم بدائل ان شاء الله ..

اهمية كل منتج معروض ؟
اول شي زيت النارجين او جوز الهند ( العلبه الخضراء ) هذا يرطب الشعر بشكل جبار جداا بالتالي يعطيه منظر خلاب
لمعه + ليونه + يساعد بالطول اساسا يعطي شعور انه طويل ..
ولكثافة الشعر عندك المحلب جدا ممتاز .. اذا استمريتي عليه راح تلاحظين انو فتح لك مسام الشعر التعبان وصار ينبت لك شعر جديد صغير (( افهمو من كلامي انو الي طبيعة شعرها خفيف من الطفوله والشباب مستحيل يكثر شعرها طبيعة بصيلات شعرها شويه وراثه !!

ولتساقط الشعر مالك غير تونيك سورسير بالثوم ..
بكل اختصار يوقف تساقط الشعر تماما + طبيعي يكثف الشعر + يطول الشعر
شامبو سورسير يساعد على توقيف تساقط الشعر , وشامبو وبلسم وكريم Lush مغذيين ويرطبون ..
والفرشه لازم تمشطون شعركم بهالنوع من الفرش العريضه عشان ماتشد بقوه بتلاحظون الفرق مع استخدامها ..
بالنسبه لكريم ار بي وشامبو كيرلي ويرلي وبلسم امريكان هذول مذهله على الشعر
كيف نستعمل هلأغراض ؟
1/ اول شي تونيك سورسير هذا يستخدم يوميا مرتين باليوم صبح وليل واذا جيتي تقطعينه اقطعيه بالتدريج فهو آمن ويناسب جميع انواع الشعر ..


2/ الزيت يستخدم على حسب فضوتك انا افضل كل ثلاث ايام مره او كل يومين .. المهم كحد اقصى مايتعدى الشعر اسبوع بدون تزييت ..
وخليه على الشعر 5 او 6 ساعات اذا جاف , وساعتين اذا دهني او مختلط ..
وملاحظه علبة الزيت حطي جواتها مقدار فنجالين من المحلب خليهم ينقهون فيه مدة 3 ايام همن رجيه واستعمليه ..
وقتها يكون الزيت للترطيب + فيه خلاصة المحلب وبكذا يكثف الشعر ويساعد على تطويله بشكل طبيعي .. ويكون قوامه خفيف ورقيق ع الشعر ..


3/ بالنسبه للمحلب برضو استعمليه بطريقه ثانيه ..
جيبي مقدار ملعقه صغيره محلب + 2 كاس مويه معدنيه ونقعيهم يوم كامل
واذا خلاص حسيتيه نقع جيبي رشاش المويه وصبي المنقوع بعد تحريكه في الرشاش
وصيري رشي شعرك فيه كل يوم العصر او اي وقت تكونين بالبيت وتبين تسرحين شعرك
طبعا ليش اقول بالبيت هو ريحته تطير لكن ولو تحسين الشعر وسخ بعد ماينشف ..
وملاحظه مهمه / لازم يحفظ محلب الرشاش بالثلاجه عشان ما يتلف .. ( اذا تلف يصير ريحته مو حلوه )



4/ بالنسبه لغسيل الشعر بالنسبه لي اغسله بشكل يومي وعندكم شامبوات مناسبه للغسيل اليومي
مثل شامبو ميتال , او شامبو سيباميد , او شامبو سورسير او شامبو كيرلي ..
طبعا ميتال وسيباميد معروفه ماصورتها
طبعا شامبو كيرلي مخصص للشعر الجاف ميزته تفرق عنهم انو مغذي ومرطب الى جانب انه منظف ..
حتى الي فوق مغذين ميال وسوسير بالثوم لكن بدون ريحه لكن هو تحسين بالتغذيه لأنو
مكوناته عباره عن جوز الهند + الليمون + وزبده الكاكاو وفانيليا ..

هنا صورته ..



تحسين بحبوب جوز الهند + ملمس الزبده ان شاء الله واضح .. طبعا اعيد واكرر يناسب الشعر الجاف ..
وماستخدمه بشكل يومي احب استخدمه مره بلأسبوع او مرتين

5/ بالنسبه لكريم ار بي هذا ممكن نستخدمه كريم وممكن ماسك شعر
مكوناته عباره عن زبدات استوائيه و حليب الشوفان وزهر البرتقال وزيت الجوجوبا وياسمين ..جميل جدا لكل انواع الشعر





قص الشعر كل 3 شهور واستخدمي ماسكات الشعر الزبادي والقهوه

اهم نقاط وملخص االموضوع كله
المحلب بالزيت كل يومين والرشاش حسب الفضوه + تونيك سورسير يوميا .. مهمين جدا
برضو ماسك القهوه والزبادي ..
اما الشامبو و البلسم الي انتو ترتاحون لهم
جربوهم وبتدعوا لي ان شاء الله ..
واهم شي التغذيه المفيده وخصوصا الخضار والفواكه لأنو غنيه بالفيتامينات ..

وبالتوفيق انشالله خواتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شششششششششششششششششششششكرا

__________________________________________________ __________

>>>> الرد الثاني :

الله يعطيك العـــافيـــــه

انتضر كل جديدك

بــكل .. الـــود

ودي لـــك .

نعـــومه

__________________________________________________ __________

>>>> الرد الثالث :

مشكوووره الله يعطيك العافيه

__________________________________________________ __________

>>>> الرد الرابع :

__________________________________________________ __________

>>>> الرد الخامس :