عنوان الموضوع : الشعر المژيت يڤيد تعآلو أعلمكم لصحة شعرك
مقدم من طرف منتديات العندليب

الشعر المژيت يڤيد تعآلو أعلمكم



اليوم جايبه لكم اكتشاف خطيير يهم الصبايا بالدرجه الاولى
اكيد كل بنت طبعا متعقده من شعرها بسبب انه يزيت
يوه قلق كل يوم لازم تتروش
(تتروش=تاخذ شاور= تتسبح=تدخل الحمام وتطب في البانيو واذا ماعندك بانيو في الشاور واذا ماعندك شاور وش اسويلك تترطش وتحط شامبو)
وانا اول وحده متعقده من هذا الشي هو انا شعري كان وش حليله يجنن كثير وطويل واشقر واسود زي الليل (بدا النصب وشلون اسود زي الليل واشقر)وما يزيت يجنن مره بس وش جاه تجيكم السالفه لا تستعجلون
مره بنت حلال قاعده تقول انا شعري يزيت وانا وانا كل يوم لازم اتروش
جيت انا من البثاره قلت وشوله كل ذا!
قالت لانه بسرعه يزيت ولازم اتروش قلت لها انا شعري ما يزيت ولا شي لو اقعد اسبوعين ما تروشت (هذي تروشت هي اللي قلتها قبل شوي)ما يزيت انا شعري ضد التزيت وانا وانا
ابد يا جماعه الا ثواني والاخت مصوبه لي عين ولا وش اشوف؟
زيت ينقط !هو وش ذا ؟انا احسب احد قاعد يكب علي زيت
طلعت السالفه مو كذالا هذا شعري بدا يزيت ما فيه امل يصير شي ثاني ومن ساعتها وانا باديه معاناتي وحسيت وش قد كانو البنات يعانون وبديت اتروش (اتروش اخت اتروش الثانيه اللي هي اخت الاولى عاد افهمو مو كل ما بغيت اقول اتروش اشرح لكم )هو انا مو ماكنت اتروش بس مو كل يوم وانا متروشه كني فقمه والحين ما يمديني افك الفوطه الا وشعري مزيت
شفتو النصيب ( بس استاهل ) ترا العين شينه
المهم ما لكم بطواله الكلام
اول ما بدا يزيت كنت اقرف وعلى طول اتروش بس بعدين مليت وتعودت على الزيت صار بيننا الفه يعني
بس المشكله وين ؟
اذا رحت للمدرسه وشعرك مزيت وجوك البنات اللي شعورهم ما تزيت وناظروك ذيك النظرات
وقعدت تعذر لهم المويه منقطعه ولا امي حلفت علي ما اتروش لاني مريضه ولا اختي الله يصلحها سكرت المكيف وانا نايمه وعرقت (هنا فيه اقتباس )او شغلت المكيف على الحار ما تفرق
صار الموضوع ماساه يا اما اتروش كل يوم (وهذي معصي لو يطيرون)ولا انواع الفشيله وهذي بعد قهر يضيع البرستيج
وقعدت افكر وافكر واتعصر (هذي اتعصر = اعصر مخي مو اتعصر الشينه)وش الحل ؟
ويوم من الايام وانا اذاكر واللمبه حقت المكتب ضعيفه وانا اعصر مخي ابحل مساله فيزياء طبعا وانت تعصر مخك تمر على الشعر لانه بالطريق مع التعصر بدا يقطر الزيت
عاد الزيت اللي قطر نقط على اللمبه الضعيفه وتجيك اللمبه وتصير قويه
وانهبل
قلت لامو معقوله من الزيت اكيداللمبه تتميلح شوي تقوي وشوي تضعف
بس ماش مادخلت بمزاجي ان اللمبه تستهبل واعيد نفس الخطوة ( بس تعصرت بدون مساله الفيزياء هل المره)وانقط وتقوى اللمبه اكثر
وتطير عيوني هالمره مو انهبل
وتعجبني الفكره
وادور على كل لمبات البيت وانقط عليه وتصير قويه ويصير بيتنا يلعلع كنه عرس
تلقونكم تقولون وش هذا الزيت الراهي اللي كفى البيت؟
ابرد واقولكم ان العين كانت جدا قويه فالزيت يصير قوي ومركز
وانا اهوجس مع نفسي واتفكر بخلقه ربي قلت سبحان الله ربك ماياخذ الا ويعطي بدال الفشيله والتروش والمعاناه طلع للزيت فايده
وابدا كل من خرب عندهم لمبه رحت وصلحتها
في بيتنا عند عماتي وخالاتي وفي المدرسه ومدارس الحي والجيران
المهم وانا اقول لازم اوسع نطاق عملي بس لمبات لمبات مليت ياناس
ومره من المرات وحنا بطريق سفر ويخلص البنزين علينا ونتعطل ونوقف بالطريق
وناشر للعالم وناشر للعالم بس محد عطانا وجه كل واحد نفسي نفسي(هذي اللي يسمونها النرجسيه)ايقالك مثقفه والله ماعندي سالفه
واجيك قلت يابنت ورا ما تجربين تعصرين من شعرك شوي يمكن يمشي الحال لين اقرب محطه على الاقل
واقول لاخوي
ويقول اقول صدقتي نفسك هذي سياره مو لمبه
واروح من وراه والله واعصر
وتشتغل السياره
وتطير فينا زي الهوا بدل ما كان الطريق اربع ساعات اخذناه بساعتين
كن السياره 18 سلندر مو 8 سلندر
قلت لهم شفتو ما قلت لكم تراني منب سهله
والله وبدو اهلي يخافون مني يخافون احد يتكهرب ولا شي بس وعدتهم ما اضرهم <يقالي اصيله
والله ونبدا ما نعبي سياراتنا بنزين بس شويه عصره من شعري وكل شي يمشي تمام ولا لمبرقيني
وبديت اعبي للناس سياراتهم زي ماكنت اصلح لهم لمباتهم
ويذيع صيتي واصير مشهوره واصير كلام الناس اللي يقول هذي فيها جني واللي يقول هذي نصابه واللي يقول تتغدى بترول ومن هالحكي اللي ماله سنع
بس تدرووووووون وش صار؟؟؟(وش يدريهم)؟؟
درت امريكا!!!!!!!!!!!!!!!!!!!!!!!!!!!؟
وتختب امريكا وتخترش تبي تدري وش قصه شعري؟
ما كفاها مكوشه على بترولنا بتكوش على شعري؟
معصي والله ما يخسى الاهي
(ترا مالي اي دخل بالسياسه)
ويبدون يرسلون لي مندوبين وعلماء وحاله
وانا ما اعطيهم وجه مزلبتهم ومعطيتهم الخامس
ويجي بوش برجله عندي يترضاني تكفين خل نشوف وش القصه تكفين طلبتك لاترديني؟؟
قلت اصبر خل افكر؟
وابلشني كل يوم وهو جاي هاه وش صار علي؟
وانا بعد التفكييييير العميق قلت:طيب بس بشروط(يا حليلي بديت اتشرط ونااااااااااااسه)هع هع هع
ترجعون لنا فلسطين وتطسون من العراق وتقلبون وجيهكم من افغانستا
قال ابد تم ابشري انتي تامرين امر
سبحان الله الفلوس تغير النفوس
وفعلا يبدون يجرون ابحاث على زيت شعري ويجرون ويجرون بس ماعرفو وش الوصفه السحريه
وبديت اصدر لهم
واتمنن عليهم بعد !! بس تترضاني امريكا تخيلوا عاد؟؟
وبدا يصير اسمي اول اسم قبل النفط والزيت الخام يجيك يقولك
@loleet@@ اليوم 1000& للنقطه
صرت مثل برنت ودبي والزيت العربي اطلع في الاخبار
اكشششششششششششخ حركتات منب سهله
واصير غنيه ومنغنغه بعد مو بس غنيه
ويصير علي حراسه وحاله واطلع في الجرايد والاخبار
وامريكا حطت سفير لهافي بيتنا
بس حاسو الحين وش يسمو ن الزيت اللي يطلع من شعري؟؟
قلت سموه على اسمي @loleet@@ قالو سمي انتي تامرين امر
وقلت لازم تدرسونه بالمدارس للطلاب بالفيزياء والكيمياء وبالتوحيد بعد عناد بغث الطلاب مثل ما غثنا نيوتن وفاراداي وربعهم
قالو ابشري
قلت بعد بطلع لي قواني ومساءل ونظريات باسمي
قالو ابشري
قلت وخل نغير الوحده من نقطه الى@loleet@@
وصار كل شي زي ما انا ابي
والحين بس حبيت اعلمكم شي واحد بس انه ربي ما يخلق شي الا لفايده
وهذي من فوايد الزيت بس مو كل وحده تصدق نفسها وتحسب زيتها زي زيتي هو اكيد له فايد بس يمكن على خفيف حده لمبات ومسجلات
يعني لا تاملون بامريكا وعز ونغنغه
الا عاد اللي صكتها عين بنت الحلال عاد هذي كلام ثاني
بس احسن شي الحين اني اروح للمدرسه وانا شعري مزيت ولا احد يقولي ولا كلمه ولا يناظرني ولا نظره
شخصيه صرت منب سهله قلت لكم
ما يستفاد من القصه:
1- اذا شعرك مزيت وما قدرتي تغيبين لانك ثالث عادي روحي لانه الزيت له فوايد
2- ترا كثر القرق ما يجيب الا المصايب
3- العين انتبهوا منها مو كل مره تسلم الجره وتطلع زي عين بنت الحلال اللي جتني
4- الله يغث نيوتن وطالس وفراداي وفولت وكل شلتهم زي ما طلعو فينا الشيب وحنا نصم خرابيطهم
5- لا تستهينون بكلامي ترا نيوتن بدا بتفاحه وقالو عن كلامه خنبقه والحين ندرسه؟؟؟
6- مهما كان شعركم يزيت مافيه امل يصير زي شعري
7- ياشين التروش خاصه يوم الجمعه
8- يا حبببببببببببببببي لبنت الحلال والله لا يحرمني منها

وسلامتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ههههههههههههههههههههههه

__________________________________________________ __________

>>>> الرد الثاني :

مشكوووووووووورة يعطكيي العافيه حبيبتى

__________________________________________________ __________

>>>> الرد الثالث :

يسلموووووووووووووو اختى الكريمه

__________________________________________________ __________

>>>> الرد الرابع :

جميييييييل

__________________________________________________ __________

>>>> الرد الخامس :

يسلمو