صبحكم الله بالخير ..
صباح البرد والاجواء الشتوية ..
صباحكم قهوة وجاي وبسكوت
/
\
/
بما اني قاعده ابذل مجهود جبار ..
عشان شعري يطول بسرعه ..
ههههههههههههههههه ..
قلت خلني انزل لكم خلطتي العجيبة ..
نبذه بسيطة عن شعري :
ناعم خفيف وجاف والى الجتف ..
الله يذكرها بالخير وحده من البنات ..
اتذكر شعرها كان بوي وتدرس بالكويت ..
تروح وترجع الا شعرها اطول من قبل !!
سألتها قلت لها شسالفتج ..
الا تقولي عن هالخلطة ..
بس الكسل ومايسوي ,,
ماعلينا خلوني اقول لكم عنها :
بسيطة وخفيفة ..
واهم شيء انج تداومين عليها ,,
علبة روب ..
مو مهم كامل الدسم ولا قليل الدسم ..!!
اللي موجود عندج بالثلاجة استخدميه ..
حق شعري استخدم نص علبة انا
ملعقة زيت الشعر ..
انا استخدمت زيت اصغر علي ..
تحصلونه في كل مكان حتى البرادات موجود عنده ..
خفيف وبدون ريحة ..
ملعقة عصير ليمون ..
وملعقة عسل ..
نحط المكونات كلها مع بعض ...
ونخلطهم عشان يتجانسون ..
وينتج لنا خليط جاهز لوضعه على الشعر ...
هذه هي الخلطة ..
انا احطها في شعري لمده ساعه ..
وانتي براحتج اذا تبين تحطينها ساعتين او 3
بس يتروالي ساعه كفاية ..
لان الجو مايساعد هالايام برد ..
وبعد ما اخلص واذا مو طالعه من البيت
ما اغسل شعري بشامبو .. يكفي ماي
واول ماينشف احط زيت وانام فيه ..
بس اذا وراج طلعه عادي غسلي شعرج بالشامبو ..
بتحسينه ناعم وفيه لمعه حلوة واستشوريه بعد ...
داومي عليها اقل شيء 3 مرات بالاسبوع ..
وعقب شهر تقريبا تطلع النتيجة ...
دعواتكم لي ...
وانتظر تجربتكم ..
|
خلطــة الــروب لتطــويل الشعــر.. للعناية بالشعر
رد مع اقتباس
