عنوان الموضوع : برنامجي لتطويل الشعر...يارب يطول شعري وشعوركم العنايه بالشعر
مقدم من طرف منتديات العندليب

برنامجي لتطويل الشعر...يارب يطول شعري وشعوركم



السلام عليكم جميعا...كيفكم وأخباركم
يا بنات أنا أريد أبدأ أو بالأحرى بديت برنامج لتطويل شعري...
بخبركم معاناتي...

أنا أشتريت حنا لتمليس الشعر وأثرت في شعري خلته مرة ناعم وطبعا صاحبة الحنا ما خبرتني بالتعليمات الضرورية.....الله يسامحها

ظليت 8 شهور دون ما أسوي لشعري شي غير الزيت والحمدلله شعري قصير بس من النوع الي يطول بطيء

في عرس أخوي فكرت أسوي تلميس لأن شعري صار خشن والصدمة كانت أفظع وأفظع....تساقط شعري بشكل مخيف لدرجة أني صلعت من عدة أماكن.....

بكيت لكن شو يفيد البكاء لحقت على الي باقي منه بس كان شكله فظيع ورهيب لدرجة أني أستحي أطلع شعري جدام أحد....

ما بقيت شي ما جربته ولا خليته شامبو ميتال وما فاد زيت الحشيش والحية والخروع وغيره وغيره لدرجة أن يأست من الإعلانات...


وقلت مافي فايدة راحت علي وشعري الحين من 6 شهور نفسه نفسه...
مع تحسن لا يكاد يكون...


المهم خذيت خطوة جريئة قبل يومين وقرت أجرب منتجات بحذر...

وأخترت زيت التاج.....
والغسول الهندي...

بأمانة يا بنات أمس جربت زيت التاج...الي كنت أريد أحققه في 5 شهور صار في يوم وحدة
الحمد لله الكشة راحت وصار شعري ملمسه ناعم....
والتشابك الي كان يبكيني راح وحسيت شعري رجعت شوي حيويته أحسن من قبل....واليوم وصلني الغسول الهندي...وراح أجربه بكرة مش اليوم اليوم بواصل على الزيت.......


وبخبركم بالنتايج أول بأول...وع فكرة أنا شعري من ذوات الشعر الإفريقي....لكن تحسن كثير

وأهم لا للسشوار والشامبو الغير مناسب نسيت أخبركم أنا أستخدم شامبو دوف للشعر التالف جدا...

لأني مثل ما خبرتكم شعري تالف وما أحط شي ثاني....


بخبركم بالنتايج اول بأول علشان تستفيدوا...وتأكدوا من مفعولية الزيت والغسول...
أريد تشجيع وتفاعل علشان أستمر على الزيت والغسول ويلا يابنات الي يستخدمون الزيت والغسول خبرونا تجاربكم علشان الكل يستفيد...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :



https://m002.maktoob.com/alfrasha/up/...7656347688.jpg


وهذي صور المنتجات.....

__________________________________________________ __________

>>>> الرد الثاني :

يسلمو حبيبتى
يعطيك الف عافيه
ننتظر جديدك المميز بكل شوف
بارك الله فيك
محبتى

__________________________________________________ __________

>>>> الرد الثالث :

شكرا عزيزتي...

طبعا اليوم الثاني غسلت شعري بشامبو دوف والحمدلله والحالة في تحسن الزيت جدا رهيب
ويعطي نعومة وقوة للشعر مختلف تماما شعري الحين...

ومثل ما قلنا نو للسيشوار.....


اليوم باستخدم الغسول الهندي بدل الزيت بالليل...
والزيت برجعله بعد بكرة

بنات أنا أحط الزيت على شعري طول الليل يعني بتاع 6 إلى 8 ساعات...والنتيجة طيبة للحين
^ـــــــــــــــ^

__________________________________________________ __________

>>>> الرد الرابع :

يسلمووووو ع البرنامج الراااائع
بس الزيت من فين اخذتية

__________________________________________________ __________

>>>> الرد الخامس :

الزيت خذيته من عند المندوبة....في مندوبات للزيت في الإمارات والسعودية وعمان أنا خذيته من عند المندوبة الي في عمان....وسعره بالعماني 11 ريال بس بصراحة الزيت ما عليه كلام...واليوم ضفت سيروم كريستال لمعالجة تقصف الشعر بصراحة أنا عندي سامبلز منه تكفيني لمدة شهر بس شعري مرة ناعم...وأنتظر عقبال ما أشوفه يطول مثل قبل....