عنوان الموضوع : أبي معلومات عن منطقة الدمام __ ولكم الاجر ان شاء الله عنده- سياحة
مقدم من طرف منتديات العندليب

أبي معلومات عن منطقة الدمام __ ولكم الاجر ان شاء الله عنده



السلام عليكم ورحمة الله وبركاته


ناويه اروح الدمام ومنهاا ان شاء الله بروح لجده علشان بتعمر من اهناك اروح لمكه ، من ثلاث سنين ما رحت العمره اول مره تصير فيني ولا انا واهلي بالسنه جم مره نروح لكن سبحان الله الحمال والولاده والطفل الي عندي الحمدلله كبر مو رضيع الي اقصده ف بروح ويا زوجي وخدامتي المسلمه وأعيالي ، ف ابي اعرف الفنادق الزينه الي تكون قريبه من المطار الداخلي وابي اعرف السياحه الي في الدمام ولو بعد صور وخريطه يا ريت ما اتقصرون منتديات العندليب ادري والله ، اول مره ادش الدمام وانا وزوجي ف خايفين ما ندل الطريج عاد شوارعكم اتضيع الصراحه لا تزعلون مني مره طلعنا من الخبر نبي نروح الكويت ضيعنا ورحنا منطقه صحراويه والحمدلله يانا ولد هالحلال الي طلعنا على الطريج وخذينا طرقات علشان يطلعنا لو بروحنا جان ما دلينا لو ما الله ثم اهوا ولا جان خلص البانزين والاطفال ويانا . ف ساعدوني بليز

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :




موقع الدمام في السعودية










واليك هذا الرابط فهو الدليل السياحي لمنطقة الدمام

«•°(الدلــيل السياحــي للمنطقهـ الشرقيــهـ !! ( الدمــامـ + الخــبر )°•« مع الصوور



لا تنسينا بالدعاء

توصلو بالسلامة

__________________________________________________ __________

>>>> الرد الثاني :

لا تنسين تروحين لسوق الحب (شارع الملك فهد ) روعه

__________________________________________________ __________

>>>> الرد الثالث :

اولا الشرقيه بتنور بوجودكم واتمنى اني افيدك بهالمعلومات
الشقق/ خلف مجمع الراشد (العليا) و(اكنان)
وماربيا هذي مره حلوة وشرفه الخليج احلى واحلى مطله على الكورنيش واسعارهم حلوه وكلهم بالخبر

المطاعم/ بيت التنورـــــــ بو نواس كبتهم خطيييره مررره ـــ مطعم أوشيانا ( وهو المفضل لدي وأحرص على زيارته دائماً ) مطعم هندي عربي على الكورنيش ولديه وجبه أحبها جدأ أسمها برياني حيدر أباد والحمص

أحب مطعم تشيليز(مكان رايق وأكله متنوع ولذيذ ) وأحب أكلة اسمها(فاهيتا ناتشز

مطعم القريه الشعبيه خاص بالاكل النجدي

مطعم كوبر شندني (المطعم الهندي) بالخبر مررررره حلوووو متميز بالرز البرياني

وهذا غير مطعم مقابل الكورنيش طبعا حق شباب بس انا وزوجي نطلب منه وناخذه على البحر (شرنبي)
مرررررررره جنااااااااان طبعا هو ساندويتشات

الاماكن الحلوه كورنيش الخبر مررررره حلووعليه مطاعم كثييييره ـــــ وكورنيش الدمام ـــ وعندك جزيره المرجان بالدمام فيها سفينه تمشيك على البحرساعتين
شاطى نصف القمرعليه مؤخرا عددا من المشروعات السياحية المميزة من مدن العاب و شاليهات
في شاطئ نصف القمر او الهافمون فيه بعض المشاريع والمنتجعات السياحية :


• منتجع الهوليدي إن.. مررررره خطيييير لايطوفك
* وقرية الملك فهد الساحلية
• قرية الخليج وهذا بعد حلو


مدن ترفيهية وألعــــــاب :

1- مدينة الأمير محمد بن فهد الترفيهية بشاطئ نصف القمـــــــــــر

2- مدينة ألعاب (تي تاون) على كورنيش الدمــــــــــــــــــــــــــــــام

3- بحيرة الحكير الترفيهية (هابي لاند) على كورنيش الدمـــــــــــام

4- مدينة الخليج الترفيهية بمنتزة الملك فهــــــــــــــــــــــــــــــــــد

الاسواق //// الراشد وهو اكبر المجمعات بالشرقيه
عندك سوق الحب مررررره خطييييير

الشاطى مول بالدماااام راااااايق

فواد سنتر في الخبر وغيرها الكثيييير وكلها تحوي ملاهي اطفال ومطاعم رااااقيه

اتمنى اكوووون افدتك وهذي كلها من خلال رحلاتي لشرقيه اتمنى اكون افدتك وتستمتعي بالرحله وتراني مديونه لك اذا جيت للكويت تكتبين لي تقرير عنها هههههههه

__________________________________________________ __________

>>>> الرد الرابع :

وداعين وسفيرة البنات وكل من ساهم في اعداد هذا الموجز مشكوريييين من كل قلبي وربي يرزقكم جنة الفردوس.

موضوع المطاعم مو وايد الهف له دايما اسوي اكلي في البيت لو اني مسافره اخاف من برا عندي صانعة هالرز مريحتني ولله الحمد الله ثم اهيا .


ابي اسوقتكم القديمه الي الاقي عندها اشياء من الصعب الاقيها بديرتي ، اما المجمعات ف نفس الي بالكويت نفس الماركات ما استجد شي لما رحت للخبر رحت سوق الجمعه وشارع سويكت عنده اشياء غرييييييييييييبه من كل شي حتى مطاطير السيف رخيييييصه . عاد انتوا يالسعودييين اتييبون اشياء اتينن ( اتجنن ) وراقيه راقيه والله مادري من وين اتييبونها ورخيصه بعد لو عنمدنا بالكويت يضربون علينا بالسعر . وديما ترا اهل الكويت يروحون لحفر الباطن يشترون اشياء يبيعونها علينا اهني وعندنا محلات تبيع مثل القهوه والسمنه وغيرها كلا مكتوب عليها انتاج سعودي في منطقه بالكويت اسمها الجهرا فيها هالمحلات شغل الباديه اقصد . مره جارتي يابتلي بدله لبنتي ووو اختي بعد يابتلي بدل لاعيالي على قولتكم جناااااااااااااااااااااان ورخييييييييصه تقولين جنها من المحلات الراقيه .

بس بسألج بالنسبه لاماكن الالعاب الي قلتي عنها هل هي مكشوفه!!!!


كفيتوا ووفيتوا


يا رب اتسهل علينا طريجنا وتكتبلي هالعمره مع اعيالي وزوجي وخدامتي عمره مقبوله واتحفظلي اسرتي من كل مكروه يا رب


مشتاقه للكعبه ثلاث اسنين مو شويه

__________________________________________________ __________

>>>> الرد الخامس :