عنوان الموضوع : حملة يلا نوفر مع بعض انظمو انظموا - في المنزل
مقدم من طرف منتديات العندليب


الكل يشتكي ارتفاع الاسعار وغلاء المعيشة )رغم ان نشوف الخبز يترامي في الشارع (
ومع التزامات البيت والاولاد راسك يولي هكا كل واحد يقولك هاتي سحقيت نشري كذا و والاخر كذا .و فواتير الماء والكهرباء و........و.............و..... حسابات مالهش نهاية وكما يقولو إلى يصرف بدون ما يحسب ، يفلس بدون ما يدري
في هادي الحالة لازم تستلمي مهام وزير المالية باش مايكونش تسيب في خزينة الدولة هههههههههه خزينة الدار
نسقسيكم كاش ماركم مخبين بيناتنا مانبيعش ههههههه بلاك تدخل من تخرج من
امالا معا لحملة توفير والاحتياط كل شهر
نقدمو مع بعض الحلول والنصائح وحتى الطرق
و ربي يقدرنا ونشرو سيارة ولا حاجة ذهب ولا بناء او تغير ديكور او حتى نحوسو بيها هادو على المدي البعيد القريب بلاك نطمو كاش 500 الف لي نطموها فيها بركة خير من كانت تروح يمين وشمال

رايحة نبدا بسم الله مع اول طريقة ان شاء الله باش ربي يباركنا في اموالنا وهي الصدقة
البعض يقولك هكا تنقص الدراهم والله صدقوني غير العكس تزيد بركة على بركة ماشي شرط يكون مبلغ كبير يعنى على القدرالمستطاع يالوكان 20 الف (200دج)
لازم نتعلمو نشرو امور فيها فايدة ماشي نصرفو الدراهم وخلاص
وكي نشرو ويبقانا الصرف مانحقروهش نجيبو حاجة بقيمتو مثلا علبة كبريت قرعة خل باكي ملح
نزيد عليه دراهم ونجيب باكي سباقيتي و لا مكرونة ولا روز
ونخبيهم وننساهم كما نقولو ذخيرة
ممنوع رمي الاكل لي بقا خبيه في كونجيلاتور كاين يقولك مانحبوش الصابح نسيهم فيه وجبديه على 3 ايام او اسبوع
او افكري وعدلي في الطبخة وقلبيه قراتان هادي تنفع والله غير مجربتها لازم الحيلة مع هذا الجيل ومايفقولهاش
في انتظار تقيمكم و مشاركتكم تقبلو مني احلى التحيات




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جازاك الله خيرا أختي على هذا الموضوع
تعرفي الناس الكل تشكي من كلش
المصروف مكانش
السلعه غاليه
الطلبات كثرت
منين تروحي تلقاي الشكوى

alors

روحي للمزابل-أعزكم الله-واش فييها من أكل
حتى في قضيتنا لي يحتاج 02 خبز يشري 06 يأكل 02 02 يروحو هنا و الهين و 02 يرميهم
والجار مسكين يقدر معندوش باه يتعشى
ربي يرحمنا

__________________________________________________ __________

>>>> الرد الثاني :

طبعا لازم النسان يطبخ واش ياكل برك
و لاحاجة الى ان تطبخ المرأة اكلة تحبها هي و باقي العائلة لا تحبها ممكا يتسبب في رمي الاكل فيما بعد دون حتى اعادته فيما بعد.
عند شراء الخضروات دائما انتقاء النوعية الجيدة حتى و ان كان ثمنها مرتفع
مثلا تشري الطماطم نوعية جيدة بـ 50 دج 3 كيلو بـ150 و تبقى اسبوع كامل حاكمة روحها في الثلاجة افضل من ان تشتري 3 كيلوا بـ 40 اي 120 دج و عند نهاية الاسبوع ترمي منها النصف .
الاستعمال الامثل للكهرباء

__________________________________________________ __________

>>>> الرد الثالث :

المشاركة الأصلية كتبت بواسطة mitrochka
جازاك الله خيرا أختي على هذا الموضوع
تعرفي الناس الكل تشكي من كلش
المصروف مكانش
السلعه غاليه
الطلبات كثرت
منين تروحي تلقاي الشكوى

alors

روحي للمزابل-أعزكم الله-واش فييها من أكل
حتى في قضيتنا لي يحتاج 02 خبز يشري 06 يأكل 02 02 يروحو هنا و الهين و 02 يرميهم
والجار مسكين يقدر معندوش باه يتعشى
ربي يرحمنا


اشكرك اختى على هذا التواصل الطيب
حقيقة كلامك صواب ربي يفوقنا بعيوبنا ان شاء الله


__________________________________________________ __________

>>>> الرد الرابع :

جازاك الله خيرا أختي على هذا الموضوع

__________________________________________________ __________

>>>> الرد الخامس :

المشاركة الأصلية كتبت بواسطة فرناس وهران
طبعا لازم النسان يطبخ واش ياكل برك
و لاحاجة الى ان تطبخ المرأة اكلة تحبها هي و باقي العائلة لا تحبها ممكا يتسبب في رمي الاكل فيما بعد دون حتى اعادته فيما بعد.
عند شراء الخضروات دائما انتقاء النوعية الجيدة حتى و ان كان ثمنها مرتفع
مثلا تشري الطماطم نوعية جيدة بـ 50 دج 3 كيلو بـ150 و تبقى اسبوع كامل حاكمة روحها في الثلاجة افضل من ان تشتري 3 كيلوا بـ 40 اي 120 دج و عند نهاية الاسبوع ترمي منها النصف .
الاستعمال الامثل للكهرباء


مشاركتك نورت موضوعي اخي فرناس وهران
بالنسبة للكهرباء عندنا في العاصمة سونلغاز راهي قايمة بالواجب كل عشية تنقص الانارة ومرة على مرة يقطعوها مدة ساعة
علابالهم شعب مايستحفظش