عنوان الموضوع : دبرو علي كيفاش ندير
مقدم من طرف منتديات العندليب

انا من محبي فصل الشتاء لكن ليميديتي كرهتني فيه انا عايشة في زوج شنابر وكوزينة عند بيت شيخي
دبرو علي كيفاش نتخلص م ريحتها فالدار والحوايج كي نمد لولادي يلبسو قشهم حتان يغيضوني استعملت المطهرات وملطف الملابس كيشغل ماني ندير في والو من قوت ليميديتي لحيوط مشمخي راني نعاني وولادي صغار خايفه لا يوليلهم مرض
ادعو ربي يفرج علي بدار وما تبخلوني بتدبيراتكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يفرج عليك اختي ويرزقك بدار

__________________________________________________ __________

>>>> الرد الثاني :

الله يفرج عليكم حبيبتي الحل ماكاش من غير تبدلي دار بصح حاولي تهوي الدار ماكسيموم يعني كي يروحو ولادك يقراو حلي التواقي و البيبان باش الحيوط ينشفو حلي حتي الخزاين و القجور باش يتهاواو الكوفيرطات ديريهم في الشمس أطول مدة ممكنة

__________________________________________________ __________

>>>> الرد الثالث :

رانا كامل في نفس المشكا دارنا كبيرة الحمد لله لكن المديتي داير فينا حالة حتى البلافو ولا كحل

__________________________________________________ __________

>>>> الرد الرابع :

المشاركة الأصلية كتبت بواسطة ichrak03
انا من محبي فصل الشتاء لكن ليميديتي كرهتني فيه انا عايشة في زوج شنابر وكوزينة عند بيت شيخي
دبرو علي كيفاش نتخلص م ريحتها فالدار والحوايج كي نمد لولادي يلبسو قشهم حتان يغيضوني استعملت المطهرات وملطف الملابس كيشغل ماني ندير في والو من قوت ليميديتي لحيوط مشمخي راني نعاني وولادي صغار خايفه لا يوليلهم مرض
ادعو ربي يفرج علي بدار وما تبخلوني بتدبيراتكم

ربي يفرج عليك اما الرطوبة ليس لها حل غير تبديل الجو حاولي تهوي الغرف قدر المستطااااااع وخرجي الحوايج والافرشة للشمس لان الشمس تتخلص من البكتيرياو الرائحة لي تسببها الرطوبة هذا الشئ الوحيد لي نقدر نساعدك بيه ةشوفي الاخوات بلاك كاين لي كيما نتي وان شاء الله يفرج عليك يااااااااارب قولو امييييييييييييييييييييييييييييييييييييييين

__________________________________________________ __________

>>>> الرد الخامس :