عنوان الموضوع : مشروع قفة رمضان شهر البرو الإحسان تجربة منزلية
مقدم من طرف منتديات العندليب







السلام عليكم و رحمة الله و بركــــــــــــــــــــــــاته
كيف أحوالكم أعضاء و عضوات منتديات العندليب إن شاء الله تكونوا بنعمة و عافية

تعرف إلى الله في الرخاء يعرفك في الشدة
ندخل في الموضوع
موضوعي هذه المرة يخص مشاريع الآخرة التي لا يضيع فيها أجر المحسنين و بما أنه قرب الشهر الفضيل نسأل الله عز وجل أن يبلغنا رمضان و هو راض عنا خطرت في بالي فكرة
هناك عائلات كثيرة فقيرة من حولنا كلما قرب رمضان حل بهمالقلق و كثرة التفكير في مصاريف رمضان و الغلاء الذي يشكو منه كل مواطن و خاصة الفقراء منهم
فكرتي هو أن نختار إحدى هذه العائلات و نبدأ في جمع قفة رمضان لهم من الآن و طبعا الذي يستطيع أن يتولى أكثر من عائلة له الأجر و الثواب
أكيد رايحين تقولو الغلاء على الجميع و رانا كامل كيف كيف
لالا احنا رانا طبقات و الضعيف محتاج لإعانة القوي كل واحدة اقتنعت بالفكرة تبدأ من الآن توجد قفة كبيرة عندها في البيت و كل يوم تحط فيها حاجة بالشيء اللي قدرت عليه يوم كيلو سكر و يوم علبة كبريت و يوم كيلو طماطم و هكذا يجي رمضان و القفة نلقاوها امتلأت و نوصلوها للعائلة المقصودة وما تنسوش إنه ليكم نفس أجر هذاك الصائم بدون ما ينقص من أجره
ملاحظة العائلة أكيد أكثر من صائم و ليس يوم واحد راهي 30 يوم شوفو جبل حسنات ممكن تعملوه و الله بدون ما تشعرو
طبعا القفة راح تكون مكونة من
سميد
فرينة
البيض
زيت
طماطم
قهوة
سكر
لحظة
فلان
زبيب
مشمش مجفف
كوكاو
أرز
لسان العصفور
زبدة
هريسة
الملح
الحمص
الفريك
ماء الزهر
الخل
وفي الأخير اليوم اللي توصلوها للعائلة فوقها قفة تاع خضرة و 2 دجاجات و كيلو لحم


و ممكن باكي عصير أو مشروبات غازية
و طبعا كل واحد واستطاعته أنا طرحت الفكرة و تقدروا تنقصوا أو تزيدو حسب إمكانياتكم
أرجو الموضوع يؤخذ بعين الإعتبار و ينال تفاعل من القلوب الرحيمة

عن زيد بن خالد الجهني رضي الله عنه قال قال رسول الله صل الله عليه وسلم ( من فطر صائما كان له مثل أجره غير أنه لا ينقص من أجر الصائم شيء ) رواه الترمذي




طبعا لا أنسى أن أوجه كل الشكر لل



أم محمد يحي لتثبيتها الموضوع

اللهم بلغنا رمضان واعتق رقابنا من النـــــــــــــار
اللهم آميــــــــــــن



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رائع رائع رائع
الله يجازيك بالخير
والله غير عجبتيني بزاف
ربي يحفظك ويبارك فيك


__________________________________________________ __________

>>>> الرد الثاني :

بارك الله فيك ميمي .... عندك افكار تتوزن بالذهب
و عندك الحق لازم نفكرو شويا في المساكين .....و هذا ماشي خير رانا نديروه فيهم .
رانا نديرو الخير في رواحنا قبلهم .... نلمو شوي حسنات للدار نتاع لهيه

رايحة ناخذ الفكرة نتاعك بعين الاعتبار
الله يجعلها في ميزان حسناتك

__________________________________________________ __________

>>>> الرد الثالث :

الله يجعل هـــدا الكلام فــي مـــيزان حســــناتك
لازم نــديـــرو حســـاب للكـــونت تـــاع ربـــي


__________________________________________________ __________

>>>> الرد الرابع :



__________________________________________________ __________

>>>> الرد الخامس :

شكرلك أختي فكرة رائعة إن شاء الله نطبقها و أحث كل صديقاتي على تطبيقها حتى نحقق التكافل في مجتمعنا و يكون لنا حسنات إن شاء الله و شكرا مجددا