عنوان الموضوع : الانترنيت المنزلية سؤال مجاب
مقدم من طرف منتديات العندليب

السلام عليكم

ادا كنت تريد تركب الانترنيت في البيت مع الويفي
ماهي الطريقة
و كم السعر في الشهر
يعني الخطوات من فضلكم و اريد ان اعرف هل شترطان تكون الاقامة ثابتة
لاني كارية واتنقل كثيرا لكن في مدينة واحدة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لازم أولا يكون عندك خط هاتفي

اذا كان ما عندكش تقربي من مصلحة أكتال مصحوبة شهادة اقامة و نسخة من بطاقة تعريف

مبعد أنتظري حتى يعطولك خط هاتفي ( المدة تطول حسب كثرة الطلبات ) بعدها

تقدمي مرة أخرى مصلحة أكتال تطلبي طلب تزويد خدمة أنترنات ويفي راح يطعولك ملف صغير و مبعد راح يعطواك مودم ويفي و يشغلولك الانترنات هنا أيضا تنتظري شوي

و السعر من 1100 دج حتى 2000 دج للشهر حسب السرعة التي تردينها و أريد انبهك لما تنتقل الى بيت أخر يجب تتقدم بطلب تحويل خط الهاتف الى منزلك الجديد

__________________________________________________ __________

>>>> الرد الثاني :

اكيد لازم يكون عندك خط هاتفي سواء الهاتف الثابت لي بالخيط ولا بدون اسلاك sans fill تذهبين الى مركز اتصالات الجزائر معاك نسخة من بطاقة الهوية مصادق عليها طلب خطي وفاتور للهاتف رايح تسلك اشتراك تاع 6اشهر وتدي مودام اشتراك 512 راه ب 1570 دج اما اشتراك 1 ميغا الله اعلم ب 2000 دج اما بالنسبة لتغيير محل الاقامة فاذا كان عندك هاتف sans fill وانتقلت الى محل اقامة في نفس البلدية ماراح تبدل والو اما اذا انتقلت الى خارج البلدية او الولاية فراح تسلك الله اعلم 800 دج حق تغيير الرقم
اما الهاتف الثابت فكلما غيرت مقر السكنى راح تسلك 1000 دج باه يغيرولك الخط ويركبوه

__________________________________________________ __________

>>>> الرد الثالث :

الخطوة الاولى: التقدم بملف لطلب الربط بشبكة الهاتف الى الوكالة التجارية لاتصالات الجزائر التابعة لكم و يتكون الملف من :

- طلب خطي للربط بالشبكة
- نسخة من بطاقة التعريف الوطنية
- شهادة اقامة او وصل الكهرباء
- مصاريف الربط التي تختلف حسب الحالة

( اذا كان البيت قريب من علبة التفرع فيكون المبلغ ابتداءا من 1000 دج و هذا ثمن خيط النحاس )
( اذا كان البيت بعيد عن علب التفرع الهاتفية يتطلب الامر تركيب عمود و في هذه الحالة يكون السعر 10 الاف دينار فما فوق يعني تدفع ثمن العمود الهاتفي في بعض الحالات يتعاون الجيران في الدفع)

الخطوة الثانية: بعدما يتم الربط بالهاتف الثابت يجب التقدم بطلب للربط بالانترنت


- يتم ملء بعض الاستمارات و اختيار ممول الانترنت و هوما كاين ثلاثة:
- فوري و ايزي و انيس في بعض الحالات تكون الخطوط مشبعة و يقولولك مثلا كاين غير انيس تقريبا كلهم متشابهين

- يتم بعد ذلك دفع تكاليف الانترنت في العادة يمدولم مودام ويفي مجاني مقابل اشتراك لثلاثة او سته اشهر
الاسعار هنا:https://www.algerietelecom.dz/AR/?p=internet_perso


ملاحظة : يجب ان يكون الخط الهاتفي جيد حتى تكون الانترنت مليحة


في الاخير نعطيك زوج حلول اخرى:

1- بما انكي كارية و تتنقلي كثيرا انا نعطيك نصيحة و هي الاتصال بالويفي تاع الجيران اذا عندهم انترنت يمدولك المودباس و اعطيلهم دراهم راكي تعرفي.

2- مفاتيح الجيل الثالث


__________________________________________________ __________

>>>> الرد الرابع :

بالتوفيق لك اختي الكريمة

__________________________________________________ __________

>>>> الرد الخامس :