عنوان الموضوع : حبيت نعرف لهجة نتاع شلف ؟؟؟؟
مقدم من طرف منتديات العندليب

مرحبا لجميع اعضاء الرائعين
حيت نعرف لهجة نتع ناس الشلف يعني كيما شكون يهدرو لهجتهم عاصمية و الا كيف ؟؟؟
مثلا بزاف كيفاه يقلولها ؟
و شباب كيفاه يقلولها؟؟
و هكا .............
و شكرا جزيلا لكم احبائي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وين ردوود ؟؟؟؟؟؟؟

__________________________________________________ __________

>>>> الرد الثاني :

باختصار لهجة الشلف وسط ما بين الوسط و الغرب

كاين لي يقول كيفاه و كاين لي يقول كيفاش
شباب يقولو شباب
بزاف يقولو بزاف ولا قاوي و كاين لي يقول ياسر
انتظر كاين لي يقول استنى و كاين لي يقول قارع
خاطرش ، لقيبال ، لقيباش
يقولو شرفاكة ولا بليغة

زيدي شا تحتاجي ؟

__________________________________________________ __________

>>>> الرد الثالث :

و يقولوا شا تحتاج و ما يوقولوش واش تحتاج ..

يقولوا مالك ما يقولوش وش بيك

يقولوا شباب و كاين اللي قولوا زين

يقولوا شاكاين و ما يقولوش واش كاين

القاف 3 نقاط فوقها مشي 2

__________________________________________________ __________

>>>> الرد الرابع :

يقولوا هابنية كلمة كل الشلافة يقولوها و تعني صحة او حتى نعم او تفاهمنا لها عدة معاني حسب موقعها في الجملة

__________________________________________________ __________

>>>> الرد الخامس :

مرسي على الموضوع .....................مليح الانسان كس يتعلم لغة الغير .........سلام