زوج عضمات ... لهجة
عنوان الموضوع : زوج عضمات ... لهجة
مقدم من طرف منتديات العندليب
السلام عليكم ورحمة الله وبركاته
واش راكم خاوتي لاباس بخير الحمد لله
والله يا خاوتي واش نقلكم، الشعب الجزائري عايش بزوج عضمات (بيضات، ولاد الجاج)
مايلقاش واش ياكل، يروح يدير زوج عضمات مسكين ههههه، وإدا الحالة مرفهة راهو يزيهيها بشوي فرماج وفكرات خفاف ...
وانا هكذا يا خاوتي وليت عايش ههههه قلتلكم زوجوني ماحبيتوش ...
ندخل للكوزينة واش درتو يقولولي، كي ماتعجبنيش يقولولي ايا كول ولا دبر راسك، هاهم زوج عضمات هههههه
وساعات يقولولي ماوش لازم تاكلهههه
ولا ساعات نقلهم ماجاتش مليحة الماكلة، تقلي ختي مانعرف نساكم يديرولكم هكذا ولا ماتلقاوهاش هههه
هاذي هيا معيشة الشعب الجزايري كامل، الا قليل ...
البارح برك قصرت وسهرت مع صاحبي، من كي جا مروح قالي نشري زوج عضمات يما راهي في العرس وماكانش لعشا في الدار هههه
والمشكل وين ماطيبهمش ختي، نطيبهم انا ...
وكن غير جيت نعرف نطيبهم، ياو نخلي الحالة ..
مرة طيبت زعما زوج عضمات وبديت نخرف زد فوقهم شوي طماطم
وحبة فرماج ودرت فوقهم البيض كي قريب يطيبو تفكرت الملح ههه
جريت درت شوي ملحن وخليتهم يطيبو ...
كي كملت وحطيتهم في الصحن، كليت ووقفت، خليتلهم الحالة مهرودة الزيت في لرض، ولقشور تاع البيض مطايشين، والمقلة منجرة محطوطة فوق الطابونة المهم حالة كبيرة وخلاص ...
ساعات برك كي نكون شريتلها قاطو ولا حاجة هكذا، لثم واش نقلها اديرلي ...
لبنات مساكن ساهلات باش تكسبهم ...
باختصار راكم فهمتو المغزى من الموضوع وهو ان الجزائريين كامل
خاوة من البيض ههههههههههه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هههههههههههْ وَاللهْ غير ضحكت من قلبي ..
قولوا الحمد لله لقيتو لبناات ياخذوا الرااي ههه ..
في انتظار جديدك اخي.. ..
شكري وتقديري لكْ .. .
سَلَّآآآمْـ .. .
__________________________________________________ __________
>>>> الرد الثاني :
صحيت خويا فريمو عندك الصح
ختى انا مرات مين نكره نقلي بيضات
-بغيت نعرف واش هي المناطق اللي يقولوا لعضام؟
ارجو الافادة
__________________________________________________ __________
>>>> الرد الثالث :
المشاركة الأصلية كتبت بواسطة chahrazed1995 
صحيت خويا فريمو عندك الصح
ختى انا مرات مين نكره نقلي بيضات
-بغيت نعرف واش هي المناطق اللي يقولوا لعضام؟
ارجو الافادة
اختي معضم ولايات الشرق يقولو عضاام ..
تبسة باتنة سوق اهراس عنابة وبزااف .. .
__________________________________________________ __________
>>>> الرد الرابع :
المشاركة الأصلية كتبت بواسطة مطـر
اختي معضم ولايات الشرق يقولو عضاام ..
تبسة باتنة سوق اهراس عنابة وبزااف .. .
شكرا على الرد السريع
و لكن هل هي مقتبسة من تونس؟
__________________________________________________ __________
>>>> الرد الخامس :
العفو اختي من واجبنا .. ..
المشاركة الأصلية كتبت بواسطة chahrazed1995
شكرا على الرد السريع
و لكن هل هي مقتبسة من تونس؟
مي والله معلابالي انا مليس خلقت قليتهم يقولو عضام قلت عضاام ..
مي عييت نفهم علاه نقولو عضاام ..
اذا عرفتي فيديني معااك ..
مي صراحة منضنش تلقاي اجابة ..
بسك كل حاجة واسمهاا..
قوليلي علااه نقولو بيض..
علااه نقولو خبز علاه نقولو كسرة علاه نقولو طماطم ..
هذا كلمات متداولة مالقدم يعني كل حاجة اطلقو عليها اسم ..
واظن ان معضم الكلمات لها اسماء لكن سبب تسميتها بذاك مجهوولة ..[/center]
رد مع اقتباس
