عنوان الموضوع : البوقالات *من لديه بوقالة فليضفها هنا * من الثقافة الجزائرية
مقدم من طرف منتديات العندليب

السلام عليكم
بسم الله الرحمان الرحيم

اليوم جبت موضوع جديد نتمنى تشاركو معايا
جبت ليكم اليوم بوقلات باهيين عجبونيواللي عندوا بوقالات يحطها هنا لعلى نحافضو على هذا التراث الجميل

صايفي:اذا كان اللاعب المفضل لديك هو صايفي فان فالك معاه يقول ليك :طلعت لفوق السطح وتنهدو الارواح.الناس عندهم حبيبهم وانا عندي حبيبي راح. واذا جاني حبيبي نفرح واذا راح عليا نوكل عليه الله

مطمور:عيونك حوت وحواجبيك ياقوت.انا نحب خليلي واللي بغا يموت غير يموت

عنتر يحيى:من الماء راني رويانة ومن الماكلة راني شبعانة ومن حاجة في نفسي راني زعفانة

كريم زياني:ياسر نور الياسمين.انت جوهرة ماكسبوها سلاطين ربي يحفضك من العين ويبعد عليك الحاسدين بجاه ربي العالي وبجاه الاولياء الصالحين

عبد القادر غزال:اما اذا كان لاعبك المفضل عبد القادر غزال فان فالك معاه يخبرك:اذا كنت غزالة انا نطمعك واذا كنت حمامة انا نحميك واذا كنت عدوة غير انا اللي نديك


ارجوا ان تنال اعجابكم وان تساهمو في اثراءه لاتبخلو بما لديكم عسى ان نساهم في اثراءه وشكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا على الموضوع.
وهذي بوقالة:
مغني:يالي كويتيلي قلبي وقلبي عليك ما صبر موحال ننساك يا ضوء عينيا حتى يدوني للقبر.

__________________________________________________ __________

>>>> الرد الثاني :

بارك الله فيك اخي الكريم على الموضوع
و انا جبتلكم بوقالة خرجت في زهري مدوهالي في عرس وحدة فاميلتي
و بوقالتي تقول ...ايلا انت بحر انا حوتة فيك ويلا انت جنان انا وردة فيك ويلا انت تحبني انا نموت عليك

__________________________________________________ __________

>>>> الرد الثالث :

هههههههههههههه
موضوع رائع يا مجيد

شكرااااا

__________________________________________________ __________

>>>> الرد الرابع :

لا شكر على واجب شيراز اهلا بك وشكرا على مرورك الكريم ولاتنسي انا انتضر مشاركتك ومشاركة جميع الاعضاء وشكرا وهذي بوقالة من عنديليك وفالك اليوم راح يقول يا شيراز

باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...

الناس تنده بالرجال و الوالي ، وانا ننده بربي العالي .


__________________________________________________ __________

>>>> الرد الخامس :

بسم الله بديت و على النبي صليت و على أي واحد منكم هذي البوقالة نويت:
- بعض الناس هوما كي العسل في القرجومة و بعض الناس يا لطيف كالحبة المسمومة و أنا خيرت هاذيك البنية المختومة من جميع بنات الحومة