عنوان الموضوع : امثال شعبية جزائرية روعة. من الثقافة المحلية
مقدم من طرف منتديات العندليب

هذه بعض الامثال الشعبية الجزائرية الهادفة للمعنئ.
1
افتح جيبك ينقفل عيبك .
2-
افطر فطور الامراء و تغد غداء الملوك و تعشئ عشاء الفقراء تسلم من كل داء .
3- اذا حلفت فيك امراة بات قاعد و اذا حلف فيك راجل بات راقد .
4- اذا عكست الايام ساميها .
5-تعي العين تكبر و يجي الحاجب فوقها .
6-اتزوج بالمراة البعيدة و احرث الارض القريبة
7-الحنة حرشة و الحناية عمشاء و العروسة طرشاء .
8-الحرث بالدوام و الصابة بالاعوام .
9-دسي زينك لاينشاف و دسي شينك لا ينعاف .
10-الدالية ما تعرف لون عنبها حتئ يطيب العنقود .
11-رضيت بالهم و الهم مارضئ بيا كان عند راسي صار عند رجليا .
12-الراجل من الفحم يجيب القفة و اللحم .
13-الزلط و التفرعين خير من المال و الطحين .
14-الزلط بوهالي ما تحصي يجي الاول او التالي .
15-شوية من الحنة و شوية من رطوبة اليدين.
16-شمس الغيام تخرج النسا من الخيام .
17-صبت و صحات و يا ويح في من جات .
18-صباح الخير يا جاري انت في دارك و انا في داري .
19-ضحكنا و بكينا لقيناهم كيف كيف .
20 - عارف البصلة ما تسواش دار راسها من تحت .
21- عندما يكثروا الحجاج يغلا الدجاج و الغني يولي محتاج و البنت علئ بوها تعواج .
22-في الوجة مراية و في الدهر مقص .
23-في عرسه نعاس و في عرس الناس رقاص .
24-الفايدة ما هي في الزين الفايدة في الخلق و الدين .
25-قالت الحجرة انا تبليت و قالت الطوبة انا واش نقول.
26-قالت موكة انا خير من ثلاثة .اللي قال كلمة و ما وفاها و اللي دار قصعة و ما ملاها و اللي كبرت بنته و ما اعطاها .
27-كبر السبع و صار تمسخيرة للذياب .
28-اللي يدي و يرد يصبح شريك في المال .
29-لا تامن يوم الشتا حئ يفوت و لا تامن عدوك حتئ يموت .
30-اللي اعطئ كلمته اعطئ رقبته .
31-المسافرة في الطريق تلاقيك بالعدو و الصديق .
32-ما تاكل اللحم ما تبات بالديون .
33-المرض يحط بالقنطار و الراحة تنزل بالوقية .
34-ما تجوع الذيب ما تبكي الراعي.
35-السوق يشكره اللي ربح فيه .
36-السن تضحك للسن و القلب فيه الخديعة .
37-البصلة ما تصبح تفاحة و الدوني ماتنفع فيه ملاحة .
38-اولاد مسعود يشووا الزبدة علئ العود .
39-اخدم يالتاعس للناعس و كولها يالمرتاح .
40-اعطوني خديجة و لا نهبط لمتيجة .
41-اذا فاتوك بالكثرة فوتهم بالبكرة .
42-الجوع يعلم السقاطة و العري يعلم الخياطة .
43-الجود من الجدود و الكرم الموجود .
44-الحنش ما يدير غار ما يبات برا .
45-خالط العطار تنال الشموم و خالط الحداد تنال الحموم و خالط السلطان تنال الهموم.
46-خد نذك و البس قدك و اتبع عادة بوك و جدك .
47-الدنيا ما تدوم تكثر غي في الهموم.
48-زاد البارح و اصبح سارح .
49-الطير الفصيح في البيضة يصيح .



نتمنئ ان تفيدكم هذه الامثال الجزائرية .
baroud


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا أخي baroud

__________________________________________________ __________

>>>> الرد الثاني :

نزيدك واحد
كل يوم نسقيك يا الكمون
هذا المثل يقال عندما يكون واحد يقلك غدوة نجدير هذيك وميديرهاش والغدوة يزيد يعودها وميديرهاش نقولوهالو

__________________________________________________ __________

>>>> الرد الثالث :

المشاركة الأصلية كتبت بواسطة sigharbi
نزيدك واحد
كل يوم نسقيك يا الكمون
هذا المثل يقال عندما يكون واحد يقلك غدوة نجدير هذيك وميديرهاش والغدوة يزيد يعودها وميديرهاش نقولوهالو

شكرا لمرورك الطيب
و احنا اذا قلنا رانا نوفوا ههههه

__________________________________________________ __________

>>>> الرد الرابع :

المشاركة الأصلية كتبت بواسطة اسلام أيمن
شكرا أخي baroud

شكر متبادل اخي اسلام ايمن
بارك الله فيك علئ الاطلالة
و حبيت نقولك انا الاول راك قريييب تكون مميز و مبروك عليك ههههه
واااااااو

__________________________________________________ __________

>>>> الرد الخامس :

شكرا لك أخي آمثال قمة في الروعة