عنوان الموضوع : الأعراس في ولاية الشلف ثقافة جزائرية
مقدم من طرف منتديات العندليب

السلام عليكم و كيراكم شوية نقولو الحمد لله
اليوم جيناكم un nouveau sujet الي هو الزواج في wilaya de chlef
bon احنا عندنا la majoritie نتاع les fete de marriage نديروهم في أيام mercredi jeudi et vendredi
نبداو بالنسبة العريس يكون le jour special نتاعو mercredi و نسموها الحنة نتاع العريس كما هي في أغلب القطر الجزائري و في هذا le jour العريس يعرض كامل صحابو و نسموها حنا الرباعة نتاعو و يكون فيها العشاء يعني قاع لي يحضر لازم يتعشى و نطيبو الزيتون بالجاج و الشربة أو الحريرة و المثوم و الطعام باللحم و المرقة و les salades bien sur avec les boisons و القفف نتاع القاطو و نفس الطريقة مع العروسة اييييييييييييييييييه و في اليل يبدا الشطيح و الرديح و هذا يقولك la chanson nta3 redouane و الاخر la chanson nta3 kheira و الاخر la chanson nta3 abess و هي رايحة المهم نفوتو سهرة هبال la classe و غدوة من ذاك jeudi نروحو نجيبو العروسة من دار باباها ب les belles voitures و الكلاكسون و الحس و الزغاريد bon من بعد تلحق العروسة تريح شوي w nbdaw f tzdira هذا قفطان و هذه منصورية و هذا القسنطينية...............حتى تلحق la robe blanche و من بعد نبقاو نستناو القمجة كيما نقولو حنا و من بعد يخرج العريس فرحان و ندوه cortage .
و الان يوم الجمعة يجيبو نتاع العروسة الجفنة يعني القصعة و يجو ماليها يشوفوها وهذا هو العرس الشلفاوي
bon العقوبة لينا و ليكم كاملين و الله يرزقكم ببنات و أولاد الحلال و الله يهنيكم مع بعضاكم و شكرا جزيلا و أنتظر الردود


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لك يا اخي عرفتنا على اعراسكم
عاداتكم جميلة

__________________________________________________ __________

>>>> الرد الثاني :

شكرا فاطمة على الرد و العقوبة ليك ان شاء الله يا ربي

__________________________________________________ __________

>>>> الرد الثالث :

مررسي بزااف راهي عاداتكم كيما عداتنا سواسوة و متتبدلش بزااف

خاطر انا البليدة و إكزاكت العفرون يعني قريبة لشلف

مي مررسي بزااف على التعريف

__________________________________________________ __________

>>>> الرد الرابع :

ssalam ziasia ya pas koi ma soeur w bien venus b nass l blida khya nass w barakja la ho fikom ala mohafada ala adat w takalaid

__________________________________________________ __________

>>>> الرد الخامس :

شكرا خويا كريم على التعريف الشامل الجامع
واضيف انه حتى بمدينة الاصنام سابقا والشلف حاليا يحتلف نمط العرس من منطقة لاخرى
فمثلا اعراس الشلف مدينة واحيائها وبين بلدياتها ودوائرها تحتلف
فمثلا بمدينة تنس تختلف عن مدينة بني حواء
وايضا بالنسبة لعين مران وتاوقريت
فكل بلدية تختلف من حيث العادات والتقاليد