العادات و تقاليد الزواج و الأعراس في الجزائر من الثقافة الجزائرية
عنوان الموضوع : العادات و تقاليد الزواج و الأعراس في الجزائر من الثقافة الجزائرية
مقدم من طرف منتديات العندليب
كل واحد أو وحدة
يحكيلنا على عاداتهم و تقاليد أعراسهم مع توضيح المنطقة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
salam yana man tlemcen exactement ghazaouet
hna la3rass dyalna njibo la3roussa (y3abiwha ima w hiya labssa la robe wala chada) bkarkabou wala l3arfa ""hado fira9
mosi9iya nta3 lmanti9a nta3na surtout l3arfa ali yastakhdmo bandayar zamar w ghayta w darbouka "" ..
aya la3cha ya3amlo la7rira slada l falfal mchakhchakh w tajin ima bar9ou9 wala zitoun*
ama la3riss yjibouh bal 3awd b karkabou wala l3arfa nafssa ali biha jabo la3rossa
aya hada howa l3arss nfawtouh en famille ki tji 9bal lafjar la3wayad hado la3rossa tjib l gateaux aya yfar9ouh 3la nass ali fal 3ars w kayan la3riss ali yzido la tarte
w fatali kamal nta3 la soiré yjibo la7zama zhaj nta3 la 3roussa w ya3amlala ima khayan rajla di sghir wala wald sghir nta3 la famille nta3 la3riss ...(ah nssit ki ykouno machyan y3abiw la3rossa man dara ywariw dhab ali 3amlohola malin la3riss ))
hadi hiya b'ikhtissar 3adat w ta9alid la3rass fal manti9a dyana
__________________________________________________ __________
>>>> الرد الثاني :
السلام عليكم و رحمة الله و بركاته أنا من الغرب الجزائري بالتحديد من ولاية سيدي بلعباس رايحة نحكيلكم تقاليد هذه المدينة من بداية الخطبة إلى حفلة العرس...إذا حب شخص يخطب بنت يبعت والدته و ممكن ترافقها الخالة أو العمة أو الجدة لبيت البنت و إذا وافقت البنت و أهلها على العريس يتفاهموا على المهر فمثلا يقولة رايحين ندفعوا ستة ملاين و الذهب إما يكون طقم ذهب أو سلسلة و منقو ش و مسيبعات و خاتم وذلك حسب رغبة البنت و الملابس كراكو أو قسنطينية و معاهم فوقية و معاهم الحذاء و الجلابة و بعض الأغراض...يعطوها النقود و الأغراض الأخرى حتى يوم العرس ,,في فترة الخطوبة كل مناسبة يجو أهل العريس يجيبو الفقدة للبنت فمثلا عيد الأضحى يجوبولها حقها تاع اللحم و لباس ، صابون عطور ...الخ,,, في نفس الوقت في هذه الفترة البنت تلم جهازها تخيط لحافات و الوسادات و تشري الملابس التقليدية فوقيات، قسنطينية، عنابية ، ملابس الدار المهم تخسر بلاك 20و لا كتر على جهازها لما يقرب العرس باسبوع و لا اسبوعين يعملو العقد المدني ثم العرس يجيبو أهل العريس كبشين و الخضار و الزيتون الاخضر و البرقوق (العين) وكل أغراض الطبخ لبيت العروسة قبل العرس بيوم يوم العروس يعملو اهل العريس فطور للرجال و يقرو الفاتحة ، و في المساء تعمل العروس حفلتها تبقى تلبس كل م لابسها التقليدية أول حاجة تلبسها الشدة التلمسانية ويكونو اهل العريس حاضرين و يعشو كل الحضور - معظم الاعراس يكون العشاء فيها عبارة عن حريرة بوراك سلاطات طاجين زيتوة بالدجاج او اللحم طاجين برقوق باللحم- بعد العشاء يقسموا على الحضور علب الحلويات ، بعد عرس البنت بأسبوع يعمل العريس عرسو هو و يجيبولو العروسة من دار أهلها بالشدة التلمسانية وتبقى تبدل و في الأخير تلبس الفستان الأبيض و تروح هي و العريس لبيتهم،،،،، و هادي هي نتمنى يعجبكم
__________________________________________________ __________
>>>> الرد الثالث :
الله يبارك مي هاذو العوايد راهم ينقصو .... على خاطر تقليد الغرب.... عاداتنا نبغيهم بزاف
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
