عنوان الموضوع : امثال و حكم شعبية ثقافة محلية
مقدم من طرف منتديات العندليب

بسم الله الرحمان الرحيم
اليوم جبتلكم امثال و حكم جزائرية مئة بالمئة فيها القليل من الطرافة مي حكمتها كبييييرة للي يفهمها ان شاء الله تعجبكم


واحد يعجبك من نظرة و واحد تعجبك فيه الهدرة و واحد لو كان تلقى تخبطو بحجرة
الي خانك ديرو كي دخانك بدراهمك اشريه و برجلك طفيه
الزين و الزينة ايجيبو فرخ الطاووس و الشين و الشينة ايجيبو الخنفوس
البيوضية بسماطة كي قشور البطاطا و سمورية بحلاوة كي عسل البقلاوة
الزين ما عمر دار
عاشر ندك و البس قدك و امشي مع الي يعرف بوك و جدك
خصك السواك يا عوجة لحناك
الفم المزموم ما تدخلو ذبانة
الذبان يعرف وجه اللبان
الجرب حكاك و الخاين شكاك
كم من قبة تنزار و مولاها في النار
الطول للشجر و العرض للبقر و القصر للحجر و ابن ادم للقدر
كي سلوم النصارة الطول و الخسارة


ان شاء الله يعجبوكم

مع تحياتي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم


المكتوب يغلب المزروب

ربي يخلف على الغابة و لايخلف على الحطابة

__________________________________________________ __________

>>>> الرد الثاني :

والله امثال على الكيف....راني كتبتهم باه نسهرو عليهم مع العايلة يسمع بالجديد تاوعنا قدمو....

__________________________________________________ __________

>>>> الرد الثالث :

الحر من غمزة والبرهش من ميات دبزة

__________________________________________________ __________

>>>> الرد الرابع :

كول واش يعجبك ولبس مايعجب الناس

لتلقاه راكب فوق خشبة قولو امبارك الفرس

المرقة بلا بصلة مثل المراة بلاخصلة

__________________________________________________ __________

>>>> الرد الخامس :

موضوع رائع عزيزتي شكرا لك