عنوان الموضوع : الخبز التقليدي صور مباشرة من الكوشة ثقافة الجزائرية
مقدم من طرف منتديات العندليب

السلام عليكم و رحمة الله

اليوم جبتلكم صور طازجة و ساخنة مباشرة

من الكوشة ( الفرن التقليدي)

( في دارنا للتوضيح)

و هو يشبه القبة

مصنوع من الحجارة المكسية بالطين

يحتفظ بالحرارة الناتجة عن حرق الخشب و غيره


نرجعو للخبز التقليدي

فبعد العجن و التخمر نضعه في الكوشة


و هو الآن في مرحلة النضج و ليس ناضج تماما










بعيدة الخبزة ياك؟؟؟؟








و النتيجة الرائعة في الاخيرة خبز شهي و لذيذ




نخليكم مع الصور

مع العلم ان الخبز الموجود على الطاولة هو خبزنا اليومي تقريبا

و حتى اثناء تساقط الثلوج كانت الناس تتزاحم على المخابز

حنا الحمد لله ناكلوها سخونة






و هو ناضج

و لكن امي تمنعنا من اكله مباشرة ساخن

و تقوللنا اصبرو دقيقة حتى يشهّد


شوف احترام الامهات لنعمة الخبز

يعطوه فرصة للتشهد ....



واش رايكم ؟؟؟؟

===========


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

..أنا أوّل ضحيّة لإشهاركَ

و تقوللنا اصبرو دقيقة حتى يشهّد

..شوف النِّيَّة تاع الوالدين ، سبحان الله
ربّي يطوّل عمرها ، ويقّدرك على البَرِّ بها .
أفكِّر كاش نهار نجوز عليكْ ، كاش ما تصدّق علينا خُبزة ..
قولي برك على قدّاش يَوْجَد ؟

__________________________________________________ __________

>>>> الرد الثاني :

المشاركة الأصلية كتبت بواسطة يوسُف سُلطان
..أنا أوّل ضحيّة لإشهاركَ



..شوف النِّيَّة تاع الوالدين ، سبحان الله
ربّي يطوّل عمرها ، ويقّدرك على البَرِّ بها . اللهم آمين
أفكِّر كاش نهار نجوز عليكْ ، كاش ما تصدّق علينا خُبزة .. مرحبا يوسف
قولي برك على قدّاش يَوْجَد ؟

مرحبا

الآن بما اننا في الربيع و نهاية الشتاء

يوجد بين 10:30 - 11 على اقصى تقدير



في الصيف لما تكون السخانة يوجد بكري

يلزم تشعل الكوشة قبل ما تشتد الشمس

يعني 9 - 10 يكون واجد باذن الله



في رمضان يوجد ساعة الى نصف ساعة قبل الافطار





و ياااااا يوسف خويا

على الكسرة تاع رمضان بالحبّة الطيبة


مع الحريرة


==========

المهم نهار تجي جيب معاك فارس و مول الباش

__________________________________________________ __________

>>>> الرد الثالث :

..علاش راك تبعَّد في الحالة ،
وين رانا وين راهو سيدنا رمضان
مازال قوجا ربعَ شهور .
هاذ اليامات اني جاي لأمّ الدروع ،
ألوغ كتّر حبّة الطيبة


__________________________________________________ __________

>>>> الرد الرابع :

المشاركة الأصلية كتبت بواسطة امينة dz
الله يبارك يا سي محمد خبز يشهي

ربي يسلم يدين الميمة الي طيبت ولي ربات راجل كيما انت

ربي يحفظها وتفرح قلبها بحجة لبيت ربي اميييين

يبارك فيك اختي امينة

الميمة متقاعدة حاليا مش تطيب

دايرة رجل على رجل و مرتاحة

يسلم يدين الكنة

(زوجة اخي تطيّب

للاسف انا مازال )

=============

ان شاء الله

ربي يوفقنا

بارك الله فيك

__________________________________________________ __________

>>>> الرد الخامس :

المشاركة الأصلية كتبت بواسطة يوسُف سُلطان
..علاش راك تبعَّد في الحالة ،
وين رانا وين راهو سيدنا رمضان
مازال قوجا ربعَ شهور .
هاذ اليامات اني جاي لأمّ الدروع ،
ألوغ كتّر حبّة الطيبة

هههه انا برك اعطيتلك الجو العام

كي تجي عيط لفارس و هو يقوللي

او خذ رقمي من عندو

و اتصل نستقبلك

مرحبا بيك خويا العزيز