عنوان الموضوع : نيف وخسارة -نكون اولا نكون-
مقدم من طرف منتديات العندليب

السلام عليكم

اخوتي موضوعي اليوم حول ما يدور اليوم حول الجزائر وموقفها من ليبيا
اولا ياخاوتي انا ما فهمتش حاجة علاش تبدلو المبادئ تاع العرب بين يوم ولييلة اليس هؤلاء العرب وخاصة نحن الجزائريين كرهنا وشمئزينا من الكويتيين لما لجئو الى امريكا لتحرريرهم من غزو صدام حسين فبالله عليكم ماهو الفرق بين ما قامت به الكويت وما يقوم به ما يدعى بالمجلس الانتقالي يا اخوان الم تلاحظو هجوم هؤلاء على الجزائر من اول يوم بسبب ومن غير سبب على الجزائر ؟؟ الم تلاحظو ان اول دولة دعمت وعترفت بهادا التنظيم هي فرنسا رغم معارضة الدول الاوروبية خاصة المانيا في دالك الوقت انا شخصيا اظن ان فرنسا هي من تدفع هؤلاء لاطلاق هاته التصريحات من غير ولا دليل واحد وبهادا تعزل الجزائر عن جارين وهما ليبيا والمغرب لان فرنسا اقتنعت تماما بان حصتها من السوق الجزائري التي كانت تتحكم فيها قد دهبت من دون رجعة لصالح الصينيين والامريكيين والالمان وبعض الدول العربية بدرجة اقل
يا اخوان كلنا يعلم مساوئ نظامنا ولكن باش يجي واحد قطري يطبعني علا راسي هادي والله ما صرات نيف وخسارة نهار كنا نموتو بالبالة واحد ما شاف فينا واليوم زعما غضناهم مند متى فرنسا تهتم بالشعوب العربية ؟ مند متى امريكا وبريطانيا تهتمان بالشعوب العربية والله اصبح حالنا يرثى له
ياخوتي بلادنا هي اكبر بلاد افريقية وعربية وموقعها استرتيجي و كاين ثروات باطنية كبيرو وعديانا بزاف لازم نوعاو شكون عدونا وشكون حبيبنا فيقو والله المطامع الغربية راي كبيرة والمخطط لي راو يوقع فالبلدان العربية والله ماهو امر سهل ومازال تبعاته واثاره لم تظهر
ملاحظة يا خاوتي انا والله وليد الشعب بابا حياتو قاع معلم ماصحلوش سكنة عايشين بالكراء وانا والله عقود التشغيل سجلت فيها 1.5 مليون سنتيم حسدوني فيها ياخوتي مانيش نشكي مي باش ماتزايدونيش مانيش فاريها ونجي نشيخ عليكم راو الامر خطير ماشي علا جال زوج دورو نبيع بلادي ومبادئي وقيمي
والسلام عليكم ورحمة الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ملاحظة يا خاوتي انا والله وليد الشعب بابا حياتو قاع معلم ماصحلوش سكنة عايشين بالكراء وانا والله عقود التشغيل سجلت فيها 1.5 مليون سنتيم حسدوني فيها ياخوتي مانيش نشكي مي باش ماتزايدونيش مانيش فاريها ونجي نشيخ عليكم راو الامر خطير ماشي علا جال زوج دورو نبيع بلادي ومبادئي وقيمي
والسلام عليكم ورحمة الله ان شاء الله تبقى حر كريم في الجزائر ويبقى حالك دائماا كما هو عليه وتبقى في عقود التشغيل الى الابد وشكراا

__________________________________________________ __________

>>>> الرد الثاني :

الحمد لله الذي جعل منا شعبا واعيا ونحن ادرى بمشاكلنا من غيرنا ولا حاجة لنا باتباع ما اتبعه غيرنا لحل مشاكلنا .... لا حاجة لنا لنصائح غيرنا...هذه بلادنا ونحن نبنيها بمعرفتنا وطريقتنا بإذن الله في السلم والامان.....عيدكم مبارك وشكرا على الموضوع اخي.

__________________________________________________ __________

>>>> الرد الثالث :

المشاركة الأصلية كتبت بواسطة امير19
ملاحظة يا خاوتي انا والله وليد الشعب بابا حياتو قاع معلم ماصحلوش سكنة عايشين بالكراء وانا والله عقود التشغيل سجلت فيها 1.5 مليون سنتيم حسدوني فيها ياخوتي مانيش نشكي مي باش ماتزايدونيش مانيش فاريها ونجي نشيخ عليكم راو الامر خطير ماشي علا جال زوج دورو نبيع بلادي ومبادئي وقيمي
والسلام عليكم ورحمة الله ان شاء الله تبقى حر كريم في الجزائر ويبقى حالك دائماا كما هو عليه وتبقى في عقود التشغيل الى الابد وشكراا

انا عندي ثقة فالله هو يرزق وهو يمنع الحمد الله ياربي راجل ونعز بلادي كي ماتعجبنيش حاجة فبلادي انا نسبها مايجيش نكرة يتكلم علا بلاد الرجال مي انا الحاجة لي تغيدني كي نلقى عباد كي انت ينتمون لهاته البلد ولكن كي نتفكر بلي ببلادنا كانو فيها حركة نفهم
الحمد الله ياربي عايش عزيز فبلادي واش تنفحلي ندير ندير واحد ما يشدني ولا عالدراهم ربي لي يرزقني

__________________________________________________ __________

>>>> الرد الرابع :

المشاركة الأصلية كتبت بواسطة smahi_hb
الحمد لله الذي جعل منا شعبا واعيا ونحن ادرى بمشاكلنا من غيرنا ولا حاجة لنا باتباع ما اتبعه غيرنا لحل مشاكلنا .... لا حاجة لنا لنصائح غيرنا...هذه بلادنا ونحن نبنيها بمعرفتنا وطريقتنا بإذن الله في السلم والامان.....عيدكم مبارك وشكرا على الموضوع اخي.

بارك الله فيك اخي الكريم

__________________________________________________ __________

>>>> الرد الخامس :

يعطيك الصحة خويا بارك الله فيك
الحمد لله عشنا احرار في بلادنا ونموتو احرار
وهاد الحرية ماتو عليها الرجالة وورثوهانا
وبلادنا فيما فاسدين ربي يهنينا منهم ان شاء الله
مي ما نحبولهاش تتحرق من جديد وحنا مازال نعانو
من عشرية سوداء


وعجبتني بزاف فاللي قلتو خويا
لانو الراجل يسبب وعلى ربي يرزق

هاد لكلام قلتو لشحال من اخ مي كاين اللي ضحك علي
ياخويا قلت ماشي عيب الراجل يبيع النعناع حتى ربي يفرج عليه
المهم يكون راجل حر

وماشي فالهابطة والنازلة يبقى يبكي فالمنتديات على حقوقه
وكيفاش حاب الدولة تعيشه في موريتي ولا حيدرة
وكي تخلصلو الانترنت وجهو يصفار حتى يخلصو عليه باباه
وهو عندو 28 سنة ؟؟؟؟


قالك كيفاش حاب مهندس دولة يبيع النعناع ؟؟؟