عنوان الموضوع : اوائل الثانوية العامة المصرية ..بنات !! اخبار
مقدم من طرف منتديات العندليب

ظهرت اليوم نتيجة الثانوية العامة المصرية

لاحظت شيئا مهما ان الاوائل علي مستوي الثانوي العام ادبي كلهن بنات


وان الاوائل علي مستوي الثانوي العام علمي نصفهم بنات .. والثلاثة الاوائل منهم بنتين

ومعظم هؤلاء بالطبع عباقرة لا يفرق بينهم وبين الدرجة النهائية الا درجة او درجتين .. من 400 درجة حصيلة امتحانات صعبة مختلفة علي مدار سنتين


بسم الله ما شاء الله ... البنات المصريات فعلا متفوقات بشكل جد ملحوظ

حتي اوائل الثانوية العامة في الكويت و بعض دول الخليج معظمهم مصريين

ما يحزنني للاسف ان معظم هذه المواهب تدفن ولا تستغل في مصر .. لو استغلت مصر ونمت هذه المواهب البشرية المتميزة .. بلدنا مليء بهؤلاء نراهم دائما حولنا في المدارس والجامعات .. ولكن نراهم ايضا يدفنون وتهدر كفاءاتهم

بينما يحظي بالشهرة والمال والاهتمام .. الممثلين ولاعبي الكرة


كم فيك يا مصر من المتناقضات .. من المضحكات ... ولكنه ضحك كالبكاء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تمام اخي هانيبال

وعلي فكرة ستجد ان البنات يستحوذن علي معظم المراكز المتقدمة في التعليم الفني ايضا

وفي الثانوية العامة دائما ما يكون الاوائل بنات

تحيا البنات

مش عارف ليه افتكرت اغنية محمد منير

في بلدي البنات كل البنات شايلة في جيبها سكر بنات

__________________________________________________ __________

>>>> الرد الثاني :

لان البنات بتذاكر اكتر من الاولاد للاسف الاولاد اكثر تركيزهم بيكون على اللعب وبخاصة كرة القدم اما البنت بتكون اكثر هدوء واكثر تركيز انا عملت فى مدارس ثانوى بنين و بنات

__________________________________________________ __________

>>>> الرد الثالث :

مبروك لكل الطلبه

لكن بصراحه في ظلم للأولاد
الأولاد بيكون عندهم أنشطه أخرى

مثل
الكوره
و الأن الإعتصام في الميادين
و المظاهرات

ده غير إن الأولاد يكرهون الحفظ
أما البنات ف....................................

يعني أنا فاكر في سنوي عام كان محدش بيبركلي بسبب أختي حطمت معنوياتي و الكل كان بيستحقر مجموعي رغم إني دخلت هندسه


ثانيا أصلا الأوائل السنادي يجب عدم تكريمهم
لأن معنى كده إنهم كانوا بيذاكروا و إحنا كنا في الشارع

يعني دلوقتي كل واحد فاشل له حجه إنه كان قلبه و فكره مع الثوره

فأنا شايف فله من فلول النظام و من حزب الكنبه و لم يشاركوا في الثوره و قعدوا يذاكروا


و ديه بعض تعليق الطلبه على النتيجه

الإخوان: بعض الطلبة يحاولون الالتفاف على نتيجة الثانوية العامة

نطالب بالتنسيق أولا

نحن ضد الالتفاف علي شرعية ولي الامر السيد احمد جمال موسي
...
نعم للتعديلات و التحويل من علمي لأدبي

لا لتزوير ارادة المصححين

نعم للرقابة القضائية علي لجان التصحيح


مبروك لكل الطلبه

__________________________________________________ __________

>>>> الرد الرابع :

المشاركة الأصلية كتبت بواسطة المهزوز
تمام اخي هانيبال

وعلي فكرة ستجد ان البنات يستحوذن علي معظم المراكز المتقدمة في التعليم الفني ايضا

وفي الثانوية العامة دائما ما يكون الاوائل بنات

تحيا البنات

مش عارف ليه افتكرت اغنية محمد منير

في بلدي البنات كل البنات شايلة في جيبها سكر بنات

فعلا اخي وليد ... سبحان الله


طبعا البنات المصريات فيهم ذكاء ملحوظ .. حتي اوائل دفعتي في كليتي كانوا كلهم بنات

اما انا بقي افتكرت اغنية محمد منير... يا بنت يا ام المريلة الكحلي ههههههههههههههه

سلام يا صاحبي

__________________________________________________ __________

>>>> الرد الخامس :

احنا بنسيبهم يفرحوا شوية فى الثانوية وبعدين فى الجامعة الشباب بيسيطروا على كل المراكز المتقدمة .