خكم ملكي في بلدياتنا

[hamida]

عنوان الموضوع : خكم ملكي في بلدياتنا
مقدم من طرف منتديات العندليب

السلام عليكم يا جماعة الخير شكرا على كل مرور
يا جماعة نظن لاحظتو إنو في بعض البلديات وبالاك كلها العمل لكل افراد العايلة نوضح أكثر مثلا رئيس البلدية يوطف كل افراد عائلته كل السلالة ولاد عمو ولاد خالو نسابو جيرانو تلقاهم لكل نفس اللقلب أو تسقسي تلقاه لافامي للمير من المفروض عند باب البلدية نلقاو مكتوب من الشعب وإلى الشعب نظن راحا تولي كل بلدية بإسم لقب المير وعائلتو يعني حكم ملكي واللي يموت يخليها للي يخلفو واش هذا رانا في دولة ديمقراطية شعبية وتلقى معظم اللي يخدمو في قسم شهادات الميلاد دون مستوى يغلطو فالحروف فالعنوان ولو تقولها شهادة ميلاد بالفرنسية ما تفهمش ناقشوني من فضلكم وإحكونا على الأوضاع في بلدياتكم شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا يختلف الحال في اي بلدية فهي ملكية خاصة سواء في التوظيف او في الصفقات والمقاولات المهم هي فرصة لملئ الشكارة ومن بعد التقاعد والله ما يحشمو و ما يشبعوش هذه هي بلدياتنا باختصار الفساد يعشعش فيها من الساس الى الراس الله يلطف بنا.

__________________________________________________ __________

>>>> الرد الثاني :

السلام عليكم أختي مريلينا
موضوع مهم و صدقتي أختي وين ما تروحي تلقاي هذه الأمور فقط يخافوا من الفوضى مين يبداها الشعب و لكن سرعان ما ترجع الأمور بعد ذلك الى ما كانت عليه من قبل و المشكلة أن عندهم جواسيس (......) في كل مكان يوصلولهم الأخبار أكثر من الجزيرة
بصح لن يضيع حق من ورائه مطالب
ربي يهدينا جميعا و يصلح أمورنا
شكرا أختي و بارك الله فيك و الله يرزقك تمام الصحة و العافية
ســــــــــــــــــــــــــــــــــــــــــــــــل ام

__________________________________________________ __________

>>>> الرد الثالث :

المشاركة الأصلية كتبت بواسطة ايوب ناصر لا يختلف الحال في اي بلدية فهي ملكية خاصة سواء في التوظيف او في الصفقات والمقاولات المهم هي فرصة لملئ الشكارة ومن بعد التقاعد والله ما يحشمو و ما يشبعوش هذه هي بلدياتنا باختصار الفساد يعشعش فيها من الساس الى الراس الله يلطف بنا.

السلام عليكم اخي شكرا على المرور الكريم نفس المشكل في بلديتنا المير تقول البلدية نتاع باباه خلاهالو فالورث واللي يخدمو حتى العساس عند الباب فاميلتو ما يدو والو تخلاص عليهم سراقين ونصفهم يدخلو الاحباس يا خويا إحنا لينا ربي شكرا على المرور

__________________________________________________ __________

>>>> الرد الرابع :

المشاركة الأصلية كتبت بواسطة لذريق السلام عليكم أختي مريلينا موضوع مهم و صدقتي أختي وين ما تروحي تلقاي هذه الأمور فقط يخافوا من الفوضى مين يبداها الشعب و لكن سرعان ما ترجع الأمور بعد ذلك الى ما كانت عليه من قبل و المشكلة أن عندهم جواسيس (......) في كل مكان يوصلولهم الأخبار أكثر من الجزيرة بصح لن يضيع حق من ورائه مطالب ربي يهدينا جميعا و يصلح أمورنا شكرا أختي و بارك الله فيك و الله يرزقك تمام الصحة و العافية ســــــــــــــــــــــــــــــــــــــــــــــــل ام

السلام عليكم اخي الفاضل تسرني كثيرا مشاركتك بمواضيعي
نغس المشكل في بلديتنا يا خويا المير نتاعنا كان أستاذي فالليسي هو جا مير فاميلتو كامل فالاميري ويكذب يمد الف وعد فالنهار من بغد يتخبى هههههههههه الحمجد لله عندنا ربي الحق عندو ما يضيعش
العفو اخي شكرا إنت ثاني واللهم ىمين ربي يسمع منك ومنا وعليكم السلام ورحمة الله تعالى وبركاته

__________________________________________________ __________

>>>> الرد الخامس :

هدا هو واقع كل البلديات بالصح نقولك الحمد لله نحاو المسؤولية للأميار السكانت ولات في الدائرة التوظيف عن طريق بيرو مندافر تشغيل الشباب و بري امبلوا ولا عن طريق مديرية النشاط الاجتماعي بقاولهم المشاريع و الشبكة الاجتماعية و الحساب الكبير عند ربي سبحانه و تعالى