عنوان الموضوع : راكي معروضة
مقدم من طرف منتديات العندليب

السلام عليكم

راه وقت لعراس نقولو لكل لي راه اعراسهم بالبركة وربي يهنيكم ، في وقتنا كلشي اختلف

حتى العرضة للعرس اختلفت اصبحت بالهاتف وبطاقات الدعوى هدا شيء جميل ويوفر الكثير من

الوقت لان اصحاب العرس لهم مشاغل كثيرة ، ولكن الكلام في طريقة العرضةلي ولاو يكلفو ناس أغراب

يكتبو ليهم العنوان في البطاقة يعرضو مكانهم عرضة من فوق القلب كيما نقولو " عرضة تاع كذب"حتى ما

يكتروش على انفسهم الناس بطريقة غير مباشرة. او يعرضو كبير البيت او كبيرة البيت فقط ويمدولها

بطاقة ليها او ليه باقي افراد العائلة لا ياتي



وااااااااااااااااااش رايكم تهمني ردودكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا حسراه زواج اليوم الزوخ فالزوخ والعرضة للمعارف وللواقف القليل رماوه حتى السلام ما يردوش عليه الزواج صار تبذير كبير الله يبارك فالقليل المهور راهي قليلة ربي يحفضنا من هذي الشوفات

__________________________________________________ __________

>>>> الرد الثاني :

السلام عليكم

صح الناس راها مظاهر ويعاملو الناس بالظاهر ، حتى لي ما عندهش ولا يكلف روحه فوق اللازم ونسو لب الموضوع وهو بناء

اسرة على نهج الرسول صلى الله عليه وسلم

__________________________________________________ __________

>>>> الرد الثالث :

الصراحة حنا عندنا اذا معرضوش كبير العائلة شخصيا و خاصة الرجال النساء ميروحوش للعرس يا لوكان العرس نتاع اختك


__________________________________________________ __________

>>>> الرد الرابع :

المشاركة الأصلية كتبت بواسطة الامل بالله
الصراحة حنا عندنا اذا معرضوش كبير العائلة شخصيا و خاصة الرجال النساء ميروحوش للعرس يا لوكان العرس نتاع اختك

شكرا على مرورك الاخ الامل بالله هادو هوما الرجال تاع الصح حتى حنا عندنا كي يرعض كبير العائلة تتسمى

كبر بيه و وقيمه وحابه يحضر من قلبه مشي عرضة تاع الكدب كيما نقولو خوفا من اللوم والعتاب فيما بعد

__________________________________________________ __________

>>>> الرد الخامس :

المشاركة الأصلية كتبت بواسطة منهاج
شكرا على مرورك الاخ الامل بالله هادو هوما الرجال تاع الصح حتى حنا عندنا كي يرعض كبير العائلة تتسمى

كبر بيه و وقيمه وحابه يحضر من قلبه مشي عرضة تاع الكدب كيما نقولو خوفا من اللوم والعتاب فيما بعد

حتى انا اشاطرك الراي فيما قلتي لكني اخت و ليس اخ