عنوان الموضوع : خويا ماتقلقنيش من قضايا الساعة
مقدم من طرف منتديات العندليب

انا اليوم باغيتكم نهدرو في وحد الموضوع راه منتشر بزااف و هو التقلاق تاع ليجان لبنات في النقل و لا في الطريق او سمحولي كاين شي رجال تقول عليهم باتاكس يا لطيف تعيا وحدا مزيرا وجها و السيد تحسب راه يفهم بالمقلوب ماولاتش الحشمة كامل و الي تزيد تقلق كي تهدري يردوك انتي الي ماشي مليحة و هاذي والله انا صراتلي ريح قدامي واحد في النقل السيد مابغاش كامل يحشم قتلو يا تسقم روحك يا تخليني نوض مابغيتش نعيط في النقل لانو تبهديلة ليا السيد مابغاش يحشم طرت فيه و قتلو بعد راح نوض السيد بغى ياكلني لالا ريحي انا الي نوض راكم باغيين تستعمرونا وين نروحو نصيبوكم شفت فيه قتلو الله يهديك انا الي غاضتني الي كانو راكبين كامل قعدو يشوفو فيا تحسب انا الي رحت ليه منبعد كي نزل دار وحد الجاست تاع انسان ماترباش كامل تم دارو اللسان و هدرو كامل هذاك النهار قلت كون غير جيت طفل كنت بهدلتكم مي الله غالب واحد جا مربي و زيد علاه نخسر الهدرة على رجال نساو بلي راهم رجال .علاه وصلنا لوقت داير كيما هاك كل ماتريح قدامك طفلة لازم تهدر معاها وعلاش بنات الناس للتمسخير و اختك لالا علاه كي وليتو تشوفو واحد يديرونجي في وحدا ماتهدروش انا مانيش نهدر على الرجال كامل لانو كاين الي ماشاء الله . اليكم الخط


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم

هههههههههه ختي ضحكتيني والله نستعرف بيك وحقا بنتيلي صعيب ياو

والله اختي موضوعك في الصميم هذي الظاهرة تفشات بزاف في المجتمع ديالنا ولوكان غير يدراكو الطفلة ماشي مربية ولا

ياو دوكا حتى لي تلبس عباية ولاحجاب كامل يقلقوها نقولك الصح والله غير عقدونا ولينا نخرجو غير لضرورة وزيد نخروجو لازم مع خونا ولا الوالد

ربي يهدي كامل الشباب وصح عندك الحق كاين شباب مريبن ماشاء الله

وشكرا لموضوع الطيب

اروجو ان تقبلي مروري

__________________________________________________ __________

>>>> الرد الثاني :

شكرا سوسو على ردك والله يا اختي راهم يقلقو سوغتو كي يدخل عليهم الصيف تحسبهم مهابل مانيش نهدر على الرجال كامل خيرمن تزعفو منا.و الحاجة الي تخلع الي تلقايها مستيكيا عمرها و لابسة لبسة تبهدل مايهدروش معاها و الي تلقايا لابسة عادي يهدرو معاها و هي والله والفو يهدرو وخلاص نقلك حاجة انا والله مرات يغيضوني كون غير يعمرو هاذيك الهدرة في كاسات و لا البورتابل و كل ماتفوت وحدا يشعلوه هكامايتعبوش بزاف

__________________________________________________ __________

>>>> الرد الثالث :

صراتلي كي كنت نقرا في جامعة بومرداس قتلو يا تنوض يا نوض محشمش ما والو و الناس واحد ما هدر غير مرا قالتلي ارواحي في بلاصتي و من بعد ناض لي قدامها و خلاني قعدت معاها
اناوليت نكره الحافلات و بالخصوص تاع الدولة غير كما طلعت في الجزائر كان نحكيلكم وش شفت......لا حيا لا حشمة راجل بطولو و عرضو ..........ربي يهديهم

__________________________________________________ __________

>>>> الرد الرابع :



__________________________________________________ __________

>>>> الرد الخامس :

السلام عليكم ورحمة الله
بارك الله فيك ختي على موضوع و ربي تبتك و تبت بنات الناس لي خافو على شرفهم و غيرو على نخوة تاع واديهم

أنا هذو الامور و الله غير خاطيني و جامي حوست نهدر مع و حدة فالكار و خطرات يرحو حدايا شيرات حيرو فالندرات و ليجاست
و ما نبغيش نهدر معاهم وخطرات انا نوض بدل لبلاص

أنا لمرة باغيها للزواج مدامني ما عنديش درك باش نتزوج ما نعشق ما ربي كبدة ما نوعد بالزواج ما نخرج مع وحدة
باغي مرتي تكون مرأة صالحة و لازم نكون انا صالح باش بي يعطيني على حساب ما ني متمني .......