عنوان الموضوع : ياأعضاء كامل راكم معروضين تفضلو........
مقدم من طرف منتديات العندليب

السلام عليكم

بما انو ليوم اول ايام رمضان الكريم حبيت ندير سهرة ونعرض كامل الأعضاء ياكلو بصحة والهناء ان شاء الله ويحكلنا كيفاش جاز ليوم مليح ولا غلبكم

وتفظلو هادي حلويات سهرتكم كلو بصح والهناء ياااااااارب


طبعا نبداو بشاي هو اساس السهرة الجزائرية



ومبعد زلابية وقلب الوز هوما بيهم رمضان يجوز





وقطايف وصبع لعروسة على بالي كاين لي يحبوهم



وهادي مكسرات لي حب يكاكلهم



المهم تفضلو كولو هادي من عند ختكم اسماء مي ماتنساوش تحكولنا كيفاش كان يومكم وسلام عليكم

وانا انتظر ردودكم





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صح فطوركم .. تقبل الله من و منكم بمزيد من المغفرة و الثواب
امممم يعطيك الصحة و الله نتشرف بالقعدة معاك و بالنسبة لنهاري كان عادي شوية تعب صح و لكن الحمد لله و كان أكثريته في المطبخ واش نحكيلك .. واش من شتاتح و شوربة .. البوراك .. و أختمناها بشوية حلاوات و الحمد لله فات اليوم و حاجة باينة استغليناه من النهار الاول فيما يرضي الله من قراءة القران و الصلاة ... و انشاء الله مع كل اخواني و اخواتي الجزائريين و العرب في هذا المنتدى يفووووووووت عسسسسسل

__________________________________________________ __________

>>>> الرد الثاني :

المشاركة الأصلية كتبت بواسطة mireya
صح فطوركم .. تقبل الله من و منكم بمزيد من المغفرة و الثواب
امممم يعطيك الصحة و الله نتشرف بالقعدة معاك و بالنسبة لنهاري كان عادي شوية تعب صح و لكن الحمد لله و كان أكثريته في المطبخ واش نحكيلك .. واش من شتاتح و شوربة .. البوراك .. و أختمناها بشوية حلاوات و الحمد لله فات اليوم و حاجة باينة استغليناه من النهار الاول فيما يرضي الله من قراءة القران و الصلاة ... و انشاء الله مع كل اخواني و اخواتي الجزائريين و العرب في هذا المنتدى يفووووووووت عسسسسسل

الله يسلمك اللهم ماامين

يخا والله غير انا نتشرف اكتر بماانك اول من ترد على الموضوع وزدتي نورا فيه

ربي يقبل منك ان شاء الله يومك كان رائع بارك الله فيك اختاه وجزاك اللك كل خير

__________________________________________________ __________

>>>> الرد الثالث :

رمضان كريم ..................

لااريد ان افسد عليكم سهرتكم ......ولكن ومند ما قرات خبر وفاة مشكاة الهدى ودخلت ملفها الشخصى وقرات اخر ماكتبت فى المنتدى .......انقبض قلبى....لاادرى لما ولكن وفاتها جعلت من شريط بعض الدكريات المؤلمة يعاد بين عينى ويحيى دكريات مؤلمة احاول نسيانها ...
فعذرا حبيبتى ....
تقبل الله صيام الجميع.........واعاده الله علينا جميعا بالخير واليمن والبركات


__________________________________________________ __________

>>>> الرد الرابع :

سلام واش راكم و صح فطوركم والله النهار فات مليح تعرفي المنواض كان متاخر و مع التدوار و الكوزينة راكي عارفة انا ماعييتش بزاف مي كي كان قريب الاذان حسيت بالعطش لانو انا عندي مشكل مع الما و الشابة الضو راح اليوم كان فطور رومانسي على ضوء الشموع و مع حرارة مرتفعة والله ماحسيت اصلا واش كليت ديجا بديتها بالما نيشان .و منبعد ريحت شوية و جيت شعلت الميكرو هبطلي شوية المورال مع قصة اختنا زينب ربي يرحمها ان شاء الله و يجعل مثواها الجنة.اليوم صح ماعييتش و فات مليح مي اليوم من الصباح نضت هابطلي المورال زاد وحد الجار قبل الاذان سمعنا العياط و السب حتا حشمت على روحي قدام بابا و خاوتي تناقر هو و باباه و حاوزو من الدار والله الا بليس الا راه داي الشيعة برك راه يتعلم من عندنا ضروك والله تقول الا راهم فاطرين ربي يهدينا ان شاء الله والتالية الخبر تاع زينب ربي يرحمها زاد كمل الباقي مي الحمد الله على كلشي و ربي يجعلو رمضان كريم للجميع.راني كملت قلب اللوز كامل نموت عليه ماخليتلهم والو غير روحي شريلهم الي يجي مورايا ماياكلش يا اسماء

__________________________________________________ __________

>>>> الرد الخامس :

[b]
السلام عليكم
صح فطورك وكل الأعضاء
كل ما وضعته للسهرة حلويات
وأنا والله العظيم راني نكتب والضرسة حاكمتني راها تسطر

لكن شكرا على السهرة الجميلة
اليوم الأول كان رائعا والحمد لله إحساس جميل خاصة لحظة الإفطار وصلاة التراويح واللمة على الطاولة
تحسين أنك مميزة وكل مرة أقول الحمد لله على نعمة الإسلام والله لاعز لنا إلا بالإسلام
هذا بإختصار والأيام القادمة سأحكي بشكل مفصل
شكرا على الفكرة
ولاتنسي أن تحكي لنا ماذا فعلت أنت
(خدمتي في الكوزينة ولى لصقتي كلشي في الوالدة هههه)
تحياتي[/
b]