عنوان الموضوع : من هو السبب ؟؟؟؟؟؟؟؟؟؟؟؟؟؟ قضايا المجتمع
مقدم من طرف منتديات العندليب

السلام عليكم

كيف حالكم يا لحباب
يا اعضاء منتدى الغالي والاداريين والمشرفين
قــــــــــــــــــــــــــــــــــــاع انشاء الله راكم لباس

انا اليوم جيبت موضوع حاب نتناقشوفيه الكل الرجال والبنات هكذا باه ندو نظرة امليحة على الحياة والمشاكل لقادرا باه نلقاوها في حياتنا المستقبلية
الفكرة في هذا السؤال
هل المراة هي السبب الرئيس في التفرقة بين شمل الاسرة ام ان هناك عوامل تساعد على
التفرقة
هل ان الثقافة الاجنبية هي السبب ؟
لماذا المراة تحب بيت وحدها لماذا لاتعيش مع ام الزوج
هل المشاكل هذه سببها الام ام الزوجة ؟
هل لرجل دور هنا فيما يتمثل ؟
لماذا كثرت حالات الطلاق ؟ ماهو السبب ؟

ارجو من كل الاعضاء الادلاء بارائهم والله نستفيد منها

مذا تحب المرة في زوجها ؟
هل للمراة الحق في بيت لوحدها ؟
هل يحق لها العمل ؟

والله يا اخواني واخواتي الهدف من هذا الموضوع هوالاطلاع على تفكير كلا الطرفين
نحن نتناقش من اجل تحقيق الافضل

انشاء الله كل اعضاء منتدى الغالي تكون حياتكم مستقبلية احسن وافضل يااااارب
ويكونو اسرة جديدة ليكم

انتظر ردودكم بشوق هادي احسن باقة ليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام عليكم

هل المراة هي السبب الرئيس في التفرقة بين شمل الاسرة ام ان هناك عوامل تساعد على
التفرقة
وضحي اي اسرة تقصدين
هل تقصدين يبن زوجها وأهله
ان كنت تقصدين هذه
نعم هي سبب الرئسي بدون منازع وانت أدري بذالك
أو وسط اسرتها يعني أولاد وزوجها
50% رجل و%50 مرأه
وهذ على يعود الى سوء التفاهم و عدم مناقشه حيث يحب كل واحد
فرض رأيه على أخر

 هل ان الثقافة الاجنبية هي السبب ؟
نعم بكل تأكيد تقليد أعمي يعني أختاروا كل مساوء
وتجنبوا محاسن وأمور الجيده
لماذا المراة تحب بيت وحدها لماذا لاتعيش مع ام الزوج
مرأه مع مرأه يحدث تنافر
و
لكي تضع شروطها و تفصل المنزل كما يعجبها
نساء هربوا من بيوت أهلهم تجنبا للعمل المنزلي
فكيف ترض أن تأمر من غيرها على فعل هذ العمل

هل المشاكل هذه سببها الام ام الزوجة ؟
هذه على حسب عقلية كل واحد
هل لرجل دور هنا فيما يتمثل ؟
وضحي أكثر
لماذا كثرت حالات الطلاق ؟ ماهو السبب
غلاء المعيش
زواج مبني على أساس المتعة
عدم تفاهم وناقشه بين الزوجين
ومشاكل أخر مفتعلى من قبل أحدهما لكي يهرب من المسوؤلية


مذا تحب المرة في زوجها ؟
ماله وجماله ومنصبه

هل للمراة الحق في بيت لوحدها ؟
نعم
هل يحق لها العمل ؟
لا الى في حالة هي المعيل الوحيد
وربي يجب الخير وشكرا
على الموضوع


__________________________________________________ __________

>>>> الرد الثاني :

المشاركة الأصلية كتبت بواسطة sousou. Dz
السلام عليكم


كيف حالكم يا لحباب
يا اعضاء منتدى الغالي والاداريين والمشرفين
قــــــــــــــــــــــــــــــــــــاع انشاء الله راكم لباس

انا اليوم جيبت موضوع حاب نتناقشوفيه الكل الرجال والبنات هكذا باه ندو نظرة امليحة على الحياة والمشاكل لقادرا باه نلقاوها في حياتنا المستقبلية
الفكرة في هذا السؤال
هل المراة هي السبب الرئيس في التفرقة بين شمل الاسرة ام ان هناك عوامل تساعد على
التفرقة هي المراة و الراجل و الاسرة كامل يكونو اسباب في التفرقة لانو مرات العائلة هي ترفض الطفلة نهائيا و تولي دير في المشاكل و مرات الطفلة هي تكون كارثة تحسب تجي شاعلة على المشاكل و قبل ماتدخل للدار عندها نية انها تخرج و تدي الراجل و من هنا يولو المشاكل على الراجل الي مرات نتخيلو جائزة و الساجي الي يديه و هنا تولي الغاية تبرر الوسيلة بين عائلة الراجل و مرتو.لكن انا نحمل المسؤولية كامل على الراجل لانو لازم يكون عندو شخصية و يدير النهار الاول النقاط على الحروف و يفهم كل واحد بلي عندو بلاصتو و محبة الاهل حاجة و محبة الزوجة حاجة وخدخرى باه مايدخلش في صراعات هو ماشي قدهم و دايمن في التالي رايح يخسر يا اما ماليه يا اما مرتو.
هل ان الثقافة الاجنبية هي السبب ؟ في المشاكل تاعنا ماضنيتش الثقافة الاجنبية عندها دخل لانو انا نشوف هاذو المشاكل العائلية غير عند العرب لانو الغرب الطفل كي يكبر يطير من الدار المشكل هو الابتعاد عن الدين
لماذا المراة تحب بيت وحدها لماذا لاتعيش مع ام الزوج المراة تبغي تسكن روحها باه تايفيتي المشاكل انا عن نفسي مانكرهش باه نسكن معاهم مي انا مانبغيش المشاكل مانبغيش يجي نهار و ين نحط راجلي في موقف لازم يختار بيني و بين دارهم لانو الاختيار رايح يكون صعيب و انا الي مانقبلوش على والديا مانقبلوش على والديه
هل المشاكل هذه سببها الام ام الزوجة ؟للزوج لانو الام تحس انو وليدها راهي مشاركتها فيه وحدا و هي تعبت و ربات و في التالي جات داتو و مرات الزوجة لانو تكون عندها حب التملك و تنسى انو كاين ام تعبت و طاحت و ناضت مي باه الوحدا تايفيتي المشاكل سوغتو اذا كانو ينحملو لازم تصبر لانو هاذي راهي ام و غدوة رايحة تكون في بلاصتها و رايحة تحس نفس الاحساس
هل لرجل دور هنا فيما يتمثل ؟ايه عندو دور كبير الام ماعندو مايهدر معاها لانو راهي امو الا اذا فاتت الحد و الوضع ماولاش يتحمل و مرتو غير صابرة و ساكتة هو لازم يركز على الزوجة بزاف و يفهمها انو لازم تايفيتي و تصبر و نهار تكون مقلقة لازم يكالميها و يعرف كيفاه يهدر معاها و يعرف كيفاه يراضيها باه الحياة تتمشى و المشاكل ماتقواش
لماذا كثرت حالات الطلاق ؟ ماهو السبب ؟لانو رانا نتزوجو وخلاص ماناش عارفين واش هي الاسباب الحقيقية للزواج

ارجو من كل الاعضاء الادلاء بارائهم والله نستفيد منها

مذا تحب المرة في زوجها ؟انا وحدا نبغيه يكون راجل مايظلمني مايظلم ماليه
هل للمراة الحق في بيت لوحدها ؟ايه عندها الحق في بيت وحدها مي اذا كان الراجل قادر و والديه كاين الي عايش معاهم و هكا والله خير
هل يحق لها العمل ؟العمل هنا تتفاهم معاه مي اذا كان الراجل قادر باع يعيشها تريح في الدار خير

والله يا اخواني واخواتي الهدف من هذا الموضوع هوالاطلاع على تفكير كلا الطرفين
نحن نتناقش من اجل تحقيق الافضل

انشاء الله كل اعضاء منتدى الغالي تكون حياتكم مستقبلية احسن وافضل يااااارب
ويكونو اسرة جديدة ليكم

انتظر ردودكم بشوق هادي احسن باقة ليكم

المشاكل الاسرية وين تروحي تلقايهم و باه الواحد يريح منهم لازم كلشي النهار الاول يتفاهمو عليه و كل واحد يريح في بلاصتو و مكانش كيما الاحترام المتبادل

__________________________________________________ __________

>>>> الرد الثالث :

المشاركة الأصلية كتبت بواسطة soso sirin
المشاكل الاسرية وين تروحي تلقايهم و باه الواحد يريح منهم لازم كلشي النهار الاول يتفاهمو عليه و كل واحد يريح في بلاصتو و مكانش كيما الاحترام المتبادل

انت هي نفسها كاتبة الموضوع

__________________________________________________ __________

>>>> الرد الرابع :

المشاركة الأصلية كتبت بواسطة فقير و عايز اطير
انت هي نفسها كاتبة الموضوع

اعطيني رايك قبل في موضوع ومبعد سول ولالا .................. وي انا هي علاش

__________________________________________________ __________

>>>> الرد الخامس :

لا املك فكرة لكن امي كانت عايشة معا ماني وكانت تقوللها ماما وكانت هي وبابا متفاهمين و تعامل الاهل بطيبة وتلمهم ان شاء الله نكون كيما ماما