عنوان الموضوع : كيف تجتنب شخص كثير المشاكل من قضايا الساعة
مقدم من طرف منتديات العندليب

من طباعي احب الهدوء ونحب منتعدى على حد ولا حد يتعدى عليا يعني بالمختصر نحب نكون ترونكيل والشيء اللي منحبوش منرضاهش لغيري لكن واش ندير خاصة اذا كنت نسكن مع شخص يموت ويفنى على المشاكل وهو فرد من العائلة اختي الكبرى تستفز اللي قدامها تلوح الهدرة تعاير تفتعل مشكلة من الهوى حتى بعض المرات نكره حياتي ونقول وقتاش نخرج من هاد الدار كرهت ظلمها المستمر كون نفوت على الكوزينة نلقاها تمنشر فيا ساعات نلقاها تسب فيا ساعات نلقاها تكذب عليا وتتبلى عليا وزيد ديما تلعب روها ه يالضحية عندها وحد البطش تقول فرعون تظلمك ومبعد تبلعط الامور وتردك انت اللي غالطة تضربك وتقول انت اللي ضربتي مدايرة في الدار تقسيم الابناء الكبار هوما الخيرة ومثال التربية والصغار هوما اللي مش متربيين
كيفاش نتعامل مع هاد النوع نقفل ودنيا ونغمض عينيا ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

زيد ي اصبري شوية حتى اجي مكتوبك وتتهناي ان شاء الله

__________________________________________________ __________

>>>> الرد الثاني :

يا اختي هاذي اختك كون جات واحد براني نقلك اخطيك منو كي تشوفيه بدلي الطريق مي اختك ماعندك ماديريلها مي بلاك صح تقلقيها و انتي ماتحسيش ماتنسايش انو حنا مرات نديرو شي حوايج يبانولنا عادي مي الصح راهم يقلقو اهدري معاها و لا حاولي تعرفي علاه راهي تتقلق منك

__________________________________________________ __________

>>>> الرد الثالث :

كما قالت سيرين هذه أختك يعني تجنبها و الإبتعاد عنها ليس حل و أكيد يوجد سبب لتصرفاتها يعني يمكن عندها مشكل حاولي التقرب منها و قضاء بعض الوقت معها في أمور يحبها كلاكما كالتسوق مثلا و إستغلي الفرصة و إشتري لها هدية

__________________________________________________ __________

>>>> الرد الرابع :

شكرا للنصح والارشاد لكني استنفدت كل الطرق وهذه الحلول خلصت لها بعد طول مرار وعذاب وحتى والديا قالولي هكدا

__________________________________________________ __________

>>>> الرد الخامس :

صح اختي كاميلا انتي ماديريلهاش حاجة تقلقها شوفي مليح اسلوبك في الكلام معاها و لا كاين حاجة انتي ماتعرفيهاش و احسن شخص تسقسيه هو يماك لانو ماراهيش رايحة تكذب عليك و ان شاء الله تلقاي الحل