لماذا قلب الرجل يزداد قسوة كلما يكبر ؟ من قضايا الساعة

[kouka]

عنوان الموضوع : لماذا قلب الرجل يزداد قسوة كلما يكبر ؟ من قضايا الساعة
مقدم من طرف منتديات العندليب

السلام عليكم ورحمة الله وبركاته اخوتي
صح عيدكم وكل عام وانتم بخير
اناراني كامل مقلقة هاد ليامات زعمة لعيد مي والله كاينين عباد هوما لي يصمتوه بالسيف خلقهم ربي هاك باش يصمتو حياة لعبد ولا كيفاش
لعرايس ياخي راك فهمتو يعني زوجات الابناء ياحفيظ والله من نهار يدخلو لدار يقلبوها راس على عقب وتلك البيوت فالمشاكل والصراعات لا تتنتهي و مسكينة الام تشف وتغيظ ويضرها قلبها بصح شكون يحس بيها مرط ولدها ولا ولدها ولداها خلاص صبح ماش ابنها قلبه كالحجر بلاك الحجر ينطق وهو لالا همه ارضاء زوجته ونسابو على حساب امو لي هيا المتضرر الوحيد
حنا هاد العيد خرجوهلنا حنا قريب هبلنا لعيد ياعباد ربي مي يحشموش انا والله قلبي تعمر وصبري نفذ لانو امي وكرامتها اولا ولا اسمح لا لي اخي ولزوجنه ان يهينها ان كون نلقا نهار ندير داري نديها معايا وماتقعدش عندهم لانو راح يشبعوها مرار والله البنت هي لي تحس بامها مي الابن لن يحس بها ولن يعيرها اهتماما وراح يعذبها و دار العجزة ماواهم ولي راي دير في يمات راجل ديرها في يماها ولالا هاديك يماها مي الرجال لي ماهومش رجال ليحقو فالنسا
لماذا الرجل مايحسش بامه علاه ؟ الايعلم ان الام كلما كبرت تحب ولادها يحنو عليها ولا يشوف غير مرطو والحنانة لمرطو ياخي هاك ؟
اجيبوني يارجال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي
واش نقولك نفس واش صرا مع امي خويا ساكن جنينا تقولي براني كان يسكن بعيد ويلقانا فالطريق يدور وجهو وفي رمضان يمى ما تخدمش وهو كل يوم يجيب نسابو يعرضهم وإحنا نشوفوهم مي انا نخاف على يمى يطلعلها السكر نخفف عليها ونعوضها لكن خبات في قلبها وطلعلها السكر قريب ماتت وزيدي فالعيد جا هو وحدو ما جاتش مرتو وتخيلي جا يسقسي منين جبنا الكبش قتلو سرقتو البارح فالليل على خاطر انا نرجعلو الهدرة اللي مادار الخير في ماه ما تستناي منو الخير اختي انا يمى ذاقت المر محال نخلي ام زوجي تمر بيه بعيد الشر ولو نموت محال ولو نشوف راجلي نتاع نديرو خاتم في صباعي ما نحتاجوش نحتاج راجل حقيقي ماشي اللي يبدل يماه بيا ونلق دعاوي الشر معاه لالا محال إن شاء الله يا ربي يقدرني ندي الأجر مه والديه
اختي كبري قلبك وخليهم يجي نهارهم كما تدين تدان شكرا


__________________________________________________ __________

>>>> الرد الثاني :

كل رجال وكيفاه وزيد حتي أسرة لراه عايش فيها هذ الرجال اذ كانت مشتت ومعمرة مشاكل تاع صح يطلع قلبوا حجر

المشاكل أسرة هي من تحدد كيف يكون أبن في المستقبل

__________________________________________________ __________

>>>> الرد الثالث :

المشاركة الأصلية كتبت بواسطة مريم الصابرة السلام عليكم اختي واش نقولك نفس واش صرا مع امي خويا ساكن جنينا تقولي براني كان يسكن بعيد ويلقانا فالطريق يدور وجهو وفي رمضان يمى ما تخدمش وهو كل يوم يجيب نسابو يعرضهم وإحنا نشوفوهم مي انا نخاف على يمى يطلعلها السكر نخفف عليها ونعوضها لكن خبات في قلبها وطلعلها السكر قريب ماتت وزيدي فالعيد جا هو وحدو ما جاتش مرتو وتخيلي جا يسقسي منين جبنا الكبش قتلو سرقتو البارح فالليل على خاطر انا نرجعلو الهدرة اللي مادار الخير في ماه ما تستناي منو الخير اختي انا يمى ذاقت المر محال نخلي ام زوجي تمر بيه بعيد الشر ولو نموت محال ولو نشوف راجلي نتاع نديرو خاتم في صباعي ما نحتاجوش نحتاج راجل حقيقي ماشي اللي يبدل يماه بيا ونلق دعاوي الشر معاه لالا محال إن شاء الله يا ربي يقدرني ندي الأجر مه والديه اختي كبري قلبك وخليهم يجي نهارهم كما تدين تدان شكرا

معليش سؤال

خوك هذ كيفاه كانوا يعملواه ولديك

يعني كانوا حقرينوا ولا لا

__________________________________________________ __________

>>>> الرد الرابع :

صح عيدك سهى كل عام و انتي بالف خير و ينعاد عليك بالخير ان شاء الله.والله ماتقلقي روحك ماوالو الله غالب كاين شي رجال ينعماو مساكين يولي يشوف غير في مرتو مسكين و كيما يقولو اذا حاجة العبد ربي يخرجها منو و اذا حاجة ربي ربي يهديه برك.والله كاين حكايات الا يشيبو الراس مي ماتنسايش الي يسمح في يماه في جال مرتو راح يخلصها غالية في حياتو و من جهة ولادو باه يحس تاع الصح.و الي تفهم و تكون بنت اصل انا الراجل الي يسمح في يماه في جالي ماعندي ماندير بيه لانو يماه وسمح فيها بالساهل انا والله يسمح فيا في رمشة عين و مايسقسيش عليا مي واش تهدري ربي يهدينا ان شاء الله

__________________________________________________ __________

>>>> الرد الخامس :

المشاركة الأصلية كتبت بواسطة knives55 معليش سؤال خوك هذ كيفاه كانوا يعملواه ولديك يعني كانوا حقرينوا ولا لا

السلام عليكم خويا
لا على العكس الحمد لله ربي اعطانا والدين اروع ما يكون الوالد حنين و ربانا مليح وعلمنا ووقف معانا في كل شي كان الأب والصديق وكل شي وامي ما نحكيش أعظم ام فالديا وهذا بالتحديد امي دلاتو اكثر منا كامل فالدار لكن قلبو جافي اناني من صغرو يحب صوالو وبرك ربي يهديه