عنوان الموضوع : انا ضد مجانية التعليم الجامعي في الجزائر لماذا? مجتمع
مقدم من طرف منتديات العندليب

ما رايكم في مجانية التعليم الجامعي في الجزائر

راي انا مجانية التعليم الجامعي في الجزائر عكس ماهو معمول به في الدول الاخرى له سلبيات اكثر من ايجاببات لان الجامعة الجزائرية تبقى مرتبطة بالدولة التي تخصص لها ميزانية و التي لاتكفي لتعزيز و تطوير الجامعة من خلال شراء الكتب و المراجع و و الوسائل العلمية و البحثية و بناء مكتبات جديدة و مطاعم و اصلاح كل ماهو معطل مثل الطاويلات و المراحيض و زجاج النوافد و المدفئة...الخ و لا تبقى الجامعة تنتظر حتى تقوم الدولة بكل هذا فانا افضل ان ادفع المال و ادرس في مكان جيد و نظيف تتوفر فية كل الامكانيات على ان تكون دراسة مجانية لكن في حامعة هي مزبلة
انا اقترح ثمن الدراسة مابين 500 و 700 دج للطالب الواحد هذا كثير صحيح بالنسبة لكثير من الجزائريين لكن انا اشاهد كل سنة الكثير من الاباء المحتاجين يذهبون للاستعارة المال من الاقارب و الصدقاء من اجل شراء كبش العيد رغم ان تضحية كبش العيد لمن استطاع و نفس شيء في شهر رمضان الكل يشتري الماكولات و نسبة منها تنتهي في المزبلة
اذن الخلاصة اذا اب اسلف المال من اجل شراء الكبش فمعنى هذا انه يستطيع دفع ثمن الدراسة لابناءه شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
اولا اخي يكذب عليك لي قلك بلي الميزانية لي تخصصها
الدولة للجامعة متكفيش سواء من ناحية ميزانية التجهيز او
ميزانية التسير مشكل في الاشخاص لي مكلفين باش ينفذو هذي الميزانية
بلاك حجا لمليحة في بلادنا هي مجانية التعليم بهذي الطريق التعليم يكون من
نصيب الكل غير لي محبش او لي ظروفوا اقوى منو
دمتم في رعاية الله و حفظه

__________________________________________________ __________

>>>> الرد الثاني :

السلام عليكم
لاتفق معك اختي لان عدد الجامعات و عدد الطلبة كبير في الجزائر فالدولة لا تستطيع تنظم و تطور كل الجامعات الجزائرية خاصة ان الدولة معروفة بسوء التسير و لهذا السبب الدراسة في الدول الاخرى غير مجانية مثل بريطانيا و امريكا رغم ان الدخل القومي الامريكي اكثر من الدخل الجزائري

__________________________________________________ __________

>>>> الرد الثالث :

السلام عليكم
هل تعلم اخي ان اكبر الاعتمادات المالية مخصصة لتعليم بعد الجيش
فالمشكل لا يتعلق بالمال بقدر ما يتعلق بسوء التسير و نهب كما اشرت اليه

__________________________________________________ __________

>>>> الرد الرابع :

السلام عليكم اخي
والله انا ضدها صراحة الاب اللي عندو 4 او 5 يقراو فالدار كيفاه يخلص عليهم كامل والناس في رمضان المحتاجة شفتهم واش ياكلو من رأي ما تحكمش ممكن إنت قادر كاين ناس ما تقدرش الله غالب اما اللي يستلف للكبش هذاك شاري منظر قدام الناس باللي ذبح وفقط
كاين ناس ماراهيش لاحقة تاكل ماشي حتى تقرا بالدراهم وتصرف ربي يعين شكرا

__________________________________________________ __________

>>>> الرد الخامس :

والله يا خويا شعبنا راه يعاني و اذا زدنالو يخلص على جال القرايا راهي مافراتش ربي يكون في عون الوالدين .الجامعة راهم يخصصولها دراهم ملاح كيما قالت سعاد المشكل راه في السرقة و النهب الي راهي عيني عينك و نضن رانا عايشين و شايفين و حالة الجامعة الي راك تشوف فيها راهي من سوء التسيير و غياب الضمير لكل مسؤول. و اذا ولات القرايا في الجامعة بالدراهم راح يولي الوضع اسوء ملي راك شايفو لانو راح يولي مجال للتبزنيس و شكون الي راح يضيع وليد الطبقة الفقيرة و حتى الطبقة المتوسطة لانو محال باه الوالد يقدر يقري ولادو كامل .الوضع الكارثي الي رانا نشوفو فيه والله راح يتسقم كون يلقاو مراقبة صارمة .اما عدد الجامعات الي راه بزاف و عدد الطلبة الي راه يفوق الخيال و رانا نشوفو في الكمية بلا نوعية فهذا راجع للنظام السيئ لوزارة التربية و التعليم و زارة التعليم العالي.