عنوان الموضوع : مشاكل الأزواج ........... مشكلتي
مقدم من طرف منتديات العندليب

السلام عليكم حبيت نطرح موضوع وحابة الكل يعطوني رايهم خصوصا المتزوجات
مكاش دار تخلى من المشاكل خصوصا بين الزوجين لكن في بعض الأحيان يكبر الموضوع على جال سبة صغيرة وهي أنو كل واحد يقول عندي الحق
كل وحدة تتصور روحها في دارها وصرالها مشكل مع زوجها(الله لا يقدر ) حابة نعرف واش رايحة دير تسكت وتخلي الراجل يعيط حتى يشبع (كيما يما) أو تنود تعيط معاه كيما رانا نشوفو كل اليوم ولما لمرا تشوف بلي الحق معاها هل لازم تسكت باش تهرب من المشاكل وتبعد الشر وباش تخلي راجلها يحس بلي راجل وكلمتو جوز ولا تتحكم برايها ولي صرا يصير ميهمها والو
نتمنى تتواصلو معايا فهذ الموضوع وكل وحدة تمدلنا رايها أو تجربتها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا في رايي انو متعاندوش احسن خاصة ادا كان الزوج من النوع العصبي ........خليه يفرغ قلبو و كي يرتاح و يفيق نع روحو تحكمو تلومو و بالعقل .....هدا رايي و الله اعلم لاني مش متزوجة .....لكن شفت ماما تعمل هكدا

__________________________________________________ __________

>>>> الرد الثاني :

شكرا حبيبتي على مرورك وأنا تان شفت يما تعمل هاكة لكن بزاف لي يقولو أنو ملازمش تسكتي
لكن وحدة برك وراهم الردود والمشاركات

__________________________________________________ __________

>>>> الرد الثالث :

المشاركة الأصلية كتبت بواسطة نينانينا
السلام عليكم حبيت نطرح موضوع وحابة الكل يعطوني رايهم خصوصا المتزوجات
مكاش دار تخلى من المشاكل خصوصا بين الزوجين لكن في بعض الأحيان يكبر الموضوع على جال سبة صغيرة وهي أنو كل واحد يقول عندي الحق
كل وحدة تتصور روحها في دارها وصرالها مشكل مع زوجها(الله لا يقدر ) حابة نعرف واش رايحة دير تسكت وتخلي الراجل يعيط حتى يشبع (كيما يما) أو تنود تعيط معاه كيما رانا نشوفو كل اليوم ولما لمرا تشوف بلي الحق معاها هل لازم تسكت باش تهرب من المشاكل وتبعد الشر وباش تخلي راجلها يحس بلي راجل وكلمتو جوز ولا تتحكم برايها ولي صرا يصير ميهمها والو
نتمنى تتواصلو معايا فهذ الموضوع وكل وحدة تمدلنا رايها أو تجربتها

وعليكم السلام
نينا مالقيتي ماتقولي غير تخيلي صرالك مشكل مع زوجك؟؟؟ هههههههه
ربي يبعد علينا كامل المشاكل
انا في رأيي اذا ثار غضب الرجل تضربي عليه النح ههههه ماتناقشيه ماوالو خليه على راحتو
اضربي بالبارد يرجع وحدو
هذا رأيي ومانعرف الصح عند المتزوجات

__________________________________________________ __________

>>>> الرد الرابع :

لو كان مخطئا ويصرخ أيضا في وجهي

فالأكيد أنــّي لن أسكت أبدا
وسوف أشتكيه أيضا لأبيه ولأمــّه مثلما تفعل زوجات أخواي

ولكن

لو كنت أنا المخطئة
فسوف أسكت وأدعه يفعل ما يشاء
وعندما يهدأ بعد غضب كبير وحرقة أعصاب

سوف أتأســـّف له وفقط





Bonne Continuation


__________________________________________________ __________

>>>> الرد الخامس :

امالا يا صديقتي كي تكوني غالطة تحبي لي يشكي بيك ليماك و باباك
لا اضن ان الامور ستحل بهذه الطريقة
نحن كلنا بنو ادم و اغلبنا يستسلم للغضب لكن تفادي الطرف الاخر للطرف الغاضب يكون احسن حل في وقت الهيجان و على الوقت ان يحل المشاكل بينهما اي بعد ان تزول حدة ثورانهما قليلا يصبح هناك مجال للنقاش و التحدث دون غضب
و الله مكاش كيما السياسة و اضن انه من الضروري على المراة التي تبغي ان تعيش مرتاحة البال و لا تسمح للغضب و التعنت ان يهدم بيتها عليها ان تتعلم الدبلوماسية
خيرهن مثالا هن زوجات النبي اوماتقولوليش هادوك ماشي كما حنا فهن ايضا نساء طبيعتهن هي نفسها طبيعتنا
لا تجعلو الازواج يسخرون منا على اننا ناقصات عقل و دين حسب مفهومهم
تقبلن مروري