عنوان الموضوع : حبيت بنت في النت وحبتني...ولكن تخطبت وهي رافضة ..؟! بما تنصحونني تم الحل
مقدم من طرف منتديات العندليب

السلام عليكم
حبيت نفتح قلبي ليكم باش تعاونوني

قصتي اني حبيت بنت عبر النت وحبتني من دون ان نرى بعض ....تعرفت عليها في منتدى وكانت عضوة رائعة بمواضيعها وردودها القيمة ....تطورت العلاقة اكثر تحدثنا عبر الس ك ا ي ب اكثر من مرة. تحت اطار الاخوة والصداقة واحنا كانت لنا النية هكذا منذ البداية ..ومنبعد ما تعرفنا على بعض اكثر...حكينا في الهاتف شحال من مرة..كانت علاقتنا مبنية على الاحترام المتبادل وجامي خسرنا الهدرة مع بعضانا وربي شاهد...
جا نهار وين حبينا بعض وصارحنا بعض
حتى والفتها و والفتني بعثلتلي صورتها وشافت صورتي
زادت علاقتنا وزاد حبنا لبعض .... وكانت تكبرني بسنوات ولكن مكانش يهمنا الامر المهم كنا نتفاهموا
..........منطولش الحكاية يوم من الايام اتخطبت من واحد من لافامي نتاعها وهي والاهل مكانوش قابلين. في الاول...وحكاتلي عليها تقلقت بزاف وخبرت عايلتي بالامر باش يكون الامر رسمي مقبولش بعد مد وجز..وانا معاهم قبلوا بصح قالولي مزال مانروحوا نخطبوهالك حتى توجد روحك وانا هكا فهمتها البنت وكانت قابلة.....جا نهار وين زادوا رجعوا لافامي نتاعهم باش يقولوا على البنت ألي حبيتها
والمصيبة الاهل قبلواااااااااااااااااااااااااااااااااا باش يمدولهم الطفلة ...
وهي رافضة...
كيفاش ندير وانا مازلت نحبها وتحبني
مقدرتش ننساها تشوكيت .كرهت روحي..كرهت الدنيا ومافيها
........
قولولي واش ندير...بما تنصحونني ....حتى في بعض المرات قررت اني انتحر ليس بسببها فقط..مع انها تناسبني وناسبها... بصح الزهر ديما عاكسني
انتظر تفاعلكم ومشاركتكم
ان شاء الله تقدروا تساعدوني
في امان الله




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

غريبة مازال كاين لي يمد بنتوا بلا ما يشاورها .....؟
الحل عند الطفلة مبدائيا الرفض المبدئي انت اهلك قالولك ما نروحوش ضرك باه يخليوك تنساها ولا تتخطب المهم حتى هوما ماهمش حبينها ويعطلوا في الموضوع انت اضغط على اهلك شوي وحسسهم انك راح تكون مليح في خياتك معاها بلا ما تخسر هم وهي كذلك وروح اخطبها .........................ان شاءلله خير كلش بالمكتوب

__________________________________________________ __________

>>>> الرد الثاني :

المشاركة الأصلية كتبت بواسطة طيب وابن حلال
غريبة مازال كاين لي يمد بنتوا بلا ما يشاورها .....؟
الحل عند الطفلة مبدائيا الرفض المبدئي انت اهلك قالولك ما نروحوش ضرك باه يخليوك تنساها ولا تتخطب المهم حتى هوما ماهمش حبينها ويعطلوا في الموضوع انت اضغط على اهلك شوي وحسسهم انك راح تكون مليح في خياتك معاها بلا ما تخسر هم وهي كذلك وروح اخطبها .........................ان شاءلله خير كلش بالمكتوب

وي خويا هي رافضة ولكن اهلها راهم يضغطوا عليها...
اذا مقبلتش وتبقى في راييها رايحة تقبل رغما عنها
راني نضغط عليهم صدقني ولكن المشكلة في اهلها
اذا اعطاوها
بالهدرة وانت تعرف العائلات الجزائرية وهدرتها
شكرا على تفاعلك شكرا جزيلا
في امان الله


__________________________________________________ __________

>>>> الرد الثالث :

ربي معكما اخي
حاجة تعصب الواحد علاش حنا في قرن الواحد وعشرين ومزالت عقليات متحجرة
خلو ناس لتحب تتزوج ببعضها
والله حرام
ربي يجمعكم عن قريب مع بعض
ولازم هي تكون مصرة اكثر علي الرفض
وخلي اهلك
يروحو يخطبو في اقرب وقت
سلام


__________________________________________________ __________

>>>> الرد الرابع :

المشاركة الأصلية كتبت بواسطة صابرة لله
ربي معكما اخي
ربي يخليك
حاجة تعصب الواحد علاش حنا في قرن الواحد وعشرين ومزالت عقليات متحجرة
خلو ناس لتحب تتزوج ببعضها
والله حرام
شفتي اختي نينا الكل ضد..والله حرام عليهم...ماعرفتش واش ندير
ربي يجمعكم عن قريب مع بعض
آمين بارك الله فيك
ولازم هي تكون مصرة اكثر علي الرفض
وهي كذلك...ولكن الضغط عليها
وخلي اهلك
يروحو يخطبو في اقرب وقت
وهو كذلك انا راني نضعط عليهم اكثر واكثر
سلام
وعليكم السلام ورحمة الله تعالى وبركاته






__________________________________________________ __________

>>>> الرد الخامس :

اخي مادام اهلها صاغطين عليها لازم تقول لداركم يروحو يخطبوها ايلا قالولك حتى توجد روحك قولهم بلي نروح نخطبها فقط والعرس حتى نوجد روحي وربي يجمع بينكم فالحلال ان شاء الله (هذا ايلا تخطبت صح لاننا احنا البنات باش نشوفو واحد ايلا نيتو حسنة ولا لا نقولله انخطبنا.........الخ...)