عنوان الموضوع : كل طير يلغي بلغاه تم الحل
مقدم من طرف منتديات العندليب

السلام عليكم و رحمة الله تعالى و بركاته

هذا اول موضوع ليا في هذا القسم بعدما وصلت للنقطة التي افاضت الكاس بالنسبة لي

فالاول اريد ان اعرف اذا هذا الشيء يصرا فالجزائر كامل و الاهنا برك عندنا المهم بعدما تنقلت الى ولاية اخرى

لقيت صعوبات في التاقلم مع الزملاء في الثانوية بسبب انهم يضحكو على هدرتي مش على الهدرة كامل بل

لاني اتكلم بالقاف و ليس بالgاف لكن تهنيت من هذه الحكاية كي طلعت للجامعة لان

درسو معايا من كل المناطق

و كيما نقولو كل واحد يهدر بلهجتو و عادي خلاص و الان الحمد لله خلصت و راني نخدم استاذة و رجعت نفس الحكاية تع

الليسي النهار الاول غاضني الحال و من بعد خممت مع روحي اني ما نديرش عليهم و ما عليا غير ندير الواجب تاعي

و خلاص و نصبر في روحي برك لاني ساتزوج الى ولايتي الاصلية وين مكانش مشكل اللهجة هذه ,

الان فرغتلكم قلبي مش gلبي




من جهة و من جهة خلاف تناقشو حول موضوع القاف و الgاف او اختلاف اللهجة عموما



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

من لم يتجول ربما سيضحك ان سمع قاف او gاف ولكن اختي هذه مشكلته هو لانه لا يعرف يلاده كل له لهجته وطريقة كلامه كلن كلنا جزائريون وهذا هو الاهم
من بقي في ولايته منذ زيادته لا يعرف الا لهجته طبعا سيستغرب لانه لا يعرف الا ما يقول

__________________________________________________ __________

>>>> الرد الثاني :

عادي جدا عندما كنت ادرس في الجامعة كانت عندي صديقات من عين البيضاء و كنت انا الوحيدة التبسية فكن يجتمعن معي و يتكلمن معي لا لشيئ سوى للتعليق على لهجتي فيقولون لي انت بالنسبة لنا تونسية و الان اعرف امراة تتكلم بالقاف كما تقولين فمرات نعلق على لهجتها و لا تغضب بل بالعكس تضحك معنا كثيرا.

__________________________________________________ __________

>>>> الرد الثالث :

ههه ولوكان أنا نهدرلك بالتلمسانية نتاعنا تموتي علي بالضحك ،

حنا ملغري فلتمسان عندنا عدة لهجات خاصة بصح مانضحكوا حتى على لهجة بالعكس يعجبونا اللهجات المختلفة

لكن العكس لما واحد يهدر بالتلمسانية يضحكوا عليه المناطق لخرين هادي هي بلادي ...

__________________________________________________ __________

>>>> الرد الرابع :

اختي انا عندي صديقات من مختلف الولايات والحمد لله مالقيت حتى مشكل مع وحدة منهم ولا هوما تلقاو مشكل معي كاين صح كلمات يختلفو وكاين كلمات عندنا يضحكوهم وكلمات عندهم يضحكوني بصح عادي جدا مادارتلناش مشكل

__________________________________________________ __________

>>>> الرد الخامس :

المشاركة الأصلية كتبت بواسطة محمد غيزة
من لم يتجول ربما سيضحك ان سمع قاف او gاف ولكن اختي هذه مشكلته هو لانه لا يعرف يلاده كل له لهجته وطريقة كلامه كلن كلنا جزائريون وهذا هو الاهم
من بقي في ولايته منذ زيادته لا يعرف الا لهجته طبعا سيستغرب لانه لا يعرف الا ما يقول

يا اخي صح عندك الحق

بصح والله هذه العقلية هنا مام خرجو من الولاية بصح يبقاو يستهزؤو من الهدرة بشكل مستفز مش مرة و لا زوج

لكن دائما صح حاجة تكره ربي يقدرنا