عنوان الموضوع : مـــــا الحل أرجوا المساعدة تم حل المشكلة
مقدم من طرف منتديات العندليب

إخــواني أخواتي عندي موضوع يبدو نوعا ما شائك و أرجو ان نصل إلى نتيجة وهو
التعسف و الحقرة من طرف قدماء الشركات في حق les nouveaux diplomés ف أينما تذهب سقولون لك مازال راك صغير و أنا راه عندي 30 عام خدمة وين تبان أنت ............إلخ
صرات لي أنا كل خطرة نتعرض les mutations في الشركة اللي نخدم فيها في الصحراء و يقولولك nécissité de service par contre تلقا ولد عمو و لا ولد عرشو جامي يتوشيه أعطو لنل الحل يرحم والديكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الصبر اخي هو الحل

__________________________________________________ __________

>>>> الرد الثاني :

هذه هي الدنيا وانت مع الوقت راح اتولي قديم وتعرف العقلية ..لكن ذرك لازم تصبر على رزقك.

__________________________________________________ __________

>>>> الرد الثالث :

فعلا كلامك صواب والسبب نفسي وسأشرح لك لتعرف الفرق
لي زونسيا عندهم عقلية تع حنا لي بنينا الشركة كعبة كعبة
وهزيناها ويعتقدونها ملكية شخصية وانهم أكثر من يخاف عليها

ايضا لما يجي واحد جديد تخرج لبارح وعندوا نفس الراتب ان لم يكن أكثر
هم يشعرون أنها حقرة وتعسف كيفاه ولد لبارح يجي يدي راتب اكثر مني
ولوكان تعطيلوا ورقلة جدول ارسال ما يعرفش يكتبوا
حتى التقاعد ما يحبوش سيرتوا
وكاين لي يمرض أو يموت لما يتقاعد

لازم تتفهم نفسيتهم لتجد الحل والحل على حساب نفسية كل واحد
لأن بعض الحلول قد تجدي مع واحد ولا تجدي مع آخر

مثلا :

يلزمك تتواضع لأقصى درجة
تكبر بيه وتعتبروا معلمك وتقولهالوا وإن كان هناك لي يرفض يعلمك حرف

فهم النفسية نصف المهمة ويسهلها

__________________________________________________ __________

>>>> الرد الرابع :

اصبببببببببببببببببببببببببببر وسايسهم ودير روحك انت تلميذ وتقرب منهم كي شغل انت ماتعرف والو، وبالاك ثم بالاك تبين شطارتك قدامهم الله غالب هذه هي العقلية مايبغوش واحد صغير وقافز وتعلم صنعة قعدوا هوما فيها بالاك 20 عام باه تعلموها وياربي اذا تعلموها ، كبر خاطرك خويا وشوية شوية توالف ويتقبلوك بيناتهم، المهم كيما نقولو حنا اقتلهم بالقدر ودير كلي ماسمعت منهم حتى حاجة.

__________________________________________________ __________

>>>> الرد الخامس :

نقلك حاجة خويا احمد ربي
انا مهندس قريت 5 سنين في الجامعة و 5 سنين بطالة ليومنا هذا