عنوان الموضوع : درت وش قلتولي وش رايكم
مقدم من طرف منتديات العندليب

السلام عليكم احبائي
ان شاء الله تكونو تفكرتوني انا بسمة الي كتبت موضوع هنايا على خطيبي لي مهبلني بشك والغيرة والتوسويس هه
صاحبة موضوع ساعدوني رايحة ننفجر

المهم نشكر كامل لي جاوبوني واعطيتوني افكار ونصحتوني والحق استفدت من كلش
عملت بنصائحكم وراني نساعف في خطيبي وحاولت بطريقة غير مباشرة نبينلو اني انا غير باقي البنات
الي يعتقد وربما لي عرفهم من قبل لانو الناس معادن
حمد لله كي هدرت معاه بلعقلية شغل كلختلو ههههه بانلي كي الطفل الصغير امني وقالي نحبك
بصح المشكل هديك دقيقة يقتنع وبعدها يرجع يشعل كي لبركان
البارح هدرت معاه سقساني وين نجوز الباك انا من المدية
قتلو نجوزو في البرواقية طحت تماك
قتلو بصح مشي بروبلام خويا يوصلني منشقيكش على حقاش هو يخدم في ولاية اخرى وزيد بزاف اوقات الخدمة نتاعو متكفيش
وش قالي؟
قالي لالا انا نجي نوصلك ونجيبك ونديك تفطري قتلو متشقاش راك تعيا بدا يسب وبهدلني في البورطابل
قالي علاش راحة تتلاقاي مع صحبك؟ انا راجلك وكوبا
عاودت على سواد السعد عيطتلو وحللتو وقتلو لالا انت تديني باش بدا يتهدن
للملاحظة انا مفتحة وهاد النهارات ان شاء الله نعقدو القران باش الشهر هدا مور الباك نتزوج باذن الله
المهم وش رايكم في وش درت؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الحمد لله انكي وصلتي للحل معه وفقكي الله اختي

__________________________________________________ __________

>>>> الرد الثاني :

المشاركة الأصلية كتبت بواسطة أسماء 05
الحمد لله انكي وصلتي للحل معه وفقكي الله اختي

الله يعزك حنونتي بفضل ربي وفضلكم وارشاداتكم

__________________________________________________ __________

>>>> الرد الثالث :

الله يهديه ويصبرك معاه

__________________________________________________ __________

>>>> الرد الرابع :

المشاركة الأصلية كتبت بواسطة جسور المحبة
الله يهديه ويصبرك معاه

امين يا حنونتي وش تحبي منقدرش نخليه نحبو ههه
ربي يخليك عزيزتي ويدوم عليك هاد الطلة الزينة

__________________________________________________ __________

>>>> الرد الخامس :

بقاي كيما راكي , راكي مليحة ولازم تخلي صبرك كبير معاه قد ماتحبيه قد ما تصبري عليه وسايريه و الف مبروك عليكي مسبقا