عنوان الموضوع : حاااااااائرة تم الحل
مقدم من طرف منتديات العندليب

اسلام عليكم و رحمة الله و بركاته
انا فتاة عمري 23 سنة الاسبوع الماضي تقدم لخطبتي شاب عمرو 30سنة انسان ملتزم دينيا و اخلاقيا خدام على روحو عندو مستوى جامعي و عندو ثاني سكن مستقل عل العايلة نتاعو من الخر ناس قاع تشكر فيه و تشهدلو بحسن السيرة و الصلاح جانا نهار الخميس للدار و تمت الرؤية الشرعية لقيتو انسان مثقف و حديثو رزين متفهم و قادر على مسؤولية الزواج
هنا كلشي لاباس اما المشكل لي راح خانقني و مخليني متردة في قبولي به هو شكلو جاني قصير و انا مش حابة ندي راجل قصير لاني انا ثاني قصيرة ) ها بصح ماتقولوليش قاصفة و زايدة تتشرطي هههههههه ) و الله خايفة خايفة بزااااف انا قصيرة لازمني راجل طويل باش على الاقل ولادي يجو طوال القامة. خالتي قالتلي درك ولادك يجو قد الفرشيطة
هههههههه و الله حرت واش ندير من ناحية عاجبني و ممكن مانلقاش واحد في صلاحو و فحولتو و من ناحية خايفة على وليداتي اذا ربي رزقني بالذرية .....ها قولولي واش ندير
اثق في ارائكم الطيبة و لكم مني كل الشكر و التقدير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
اختي الله يهديك لو ترفضيه راحا تندمي طول عمرك
الرجال مدين ومتخلق وعاقل وقد المسؤولية وعندو دارو ومستوى جامعي هذو كامل ما شفتيهمش شفت شويا سنتيميترات وحابة ترفضيه اواه إسمحيلي تفكيرك شويا ناقص وما تزعفيش وحتى ولو إنت ثاني قصيرة وين المشكل وولادك اللي خاقهم ربي والدي الله يرحمو طويل وامي ايضا وخاوتي كامل انا الوحيدة القصيرة فيهم وين المشكل وعادي جدا
من راي اقبلي بيه وألف مبروك بركاي ما تتشرطي وخالتك قلها معليش ولادي يجو قد الفرشيطة او المغرف المهم متربين ويخافو ربي خليك من الهدرة الزايدة وأقبلي موفقة
والله لو انا يكون قزم نديه اقصر مني نديه بمواصفاتو هذي موفقة

__________________________________________________ __________

>>>> الرد الثاني :

المشاركة الأصلية كتبت بواسطة جوهرة الوسط
اسلام عليكم و رحمة الله و بركاته
انا فتاة عمري 23 سنة الاسبوع الماضي تقدم لخطبتي شاب عمرو 30سنة انسان ملتزم دينيا و اخلاقيا خدام على روحو عندو مستوى جامعي و عندو ثاني سكن مستقل عل العايلة نتاعو من الخر ناس قاع تشكر فيه و تشهدلو بحسن السيرة و الصلاح جانا نهار الخميس للدار و تمت الرؤية الشرعية لقيتو انسان مثقف و حديثو رزين متفهم و قادر على مسؤولية الزواج
هنا كلشي لاباس اما المشكل لي راح خانقني و مخليني متردة في قبولي به هو شكلو جاني قصير و انا مش حابة ندي راجل قصير لاني انا ثاني قصيرة ) ها بصح ماتقولوليش قاصفة و زايدة تتشرطي هههههههه ) و الله خايفة خايفة بزااااف انا قصيرة لازمني راجل طويل باش على الاقل ولادي يجو طوال القامة. خالتي قالتلي درك ولادك يجو قد الفرشيطة
هههههههه و الله حرت واش ندير من ناحية عاجبني و ممكن مانلقاش واحد في صلاحو و فحولتو و من ناحية خايفة على وليداتي اذا ربي رزقني بالذرية .....ها قولولي واش ندير
اثق في ارائكم الطيبة و لكم مني كل الشكر و التقدير

والله حيرتونا معاكم نقولك اتقي الله وقبلي

__________________________________________________ __________

>>>> الرد الثالث :

بارك الله فيك اخية
هذا ماهوش مشكل
نقولك على حاجة يمكن طمنك اكثر. انا والديا قصاااااار
امي قصيرة و الوالد كذلك - الله يرحمو- لكن حنا جينا ماشاء الله طواال
و نقولك على سر هو في الاستخارة مفعولها و لا اروع استخيري استخري و ربي يسهل ان شاء الله

__________________________________________________ __________

>>>> الرد الرابع :

ربي يوفقك واحد ماهو كامل اتكلي على ربي

__________________________________________________ __________

>>>> الرد الخامس :


نعم الاستخارة مع كثرة الدعاء و الصدقة إن امكن

فقد يلقي الله في قلبك راحة و طمئنينة تجعلك تغيرين رأيك فيه

لا أظن قصر القامة مشكل

هذا بالنسبة لك مشكل وبالنسبة له
هل تتوقعين انه سيقصد فتاة أطول منه

توكلي على الله