عنوان الموضوع : خاوتي رايكم بكل صرااااااحة مشكلة
مقدم من طرف منتديات العندليب

السلام عليكم يا جمياعة الخير ان شاء الله تكونو بالف خير وربي يجازيكم على اجاباتكم
كي شفتكم كيفاش راكم مهتمين ببعضكم البعض حبيت نطرح عليكم قصة صديقتي المقربة
صديقتي بنت فاميليا متربية ومتعلمةوالحمد لله شافها واحد معاها في الجامعة عجباتو وحكى معاها وقاللها حاب نجي نخطبك بصح لازم تصبري علي لاني درك مانقدرش مع العلم انه عامل بصح راه يكمل في تعليمه ومازال ماسوتناش راهو في الماجيستير اقلها اصبري علي هي قاتلو لالا اذا حابني ارواح للدار وكانت في الاول رافضاتو تماما بقى واراها حتى اقتعت به تماما
انسان مدين مصلي ابن فاميليا لاباس عليه ماديا الحمد لله
بصح ماقدرتش تفهمو كل مرة يقلها اصبري وبعدين يختفي تماما من حياتها من دون سابق انذار ويرجع ويقوللها عندي ظروف اما مع الدار او العمل
صرات ثلاث خطرات ورجع ليها اخر مرة وقاللها سامحيني والله راني ناويك واكن عندي ظروف ووعدها في هذا الشهر ان شاء الله يجي يخطبها
والحاجة لي مقدرتش تفهما انه معاها راجل فعلا مايحبش يلاقيها حتى يجي يخطبها
محترمها جدا يساعدها ديما واقف معاها ويحبلها غير الخير
راهي مرة تقولي راه يتمسخر بي بصح كي تشوف كيفاه راه يتعامل معاها تقولي والله غير راه ناويني
حتى انا ماعرفتش واش نقوللها
واش رايكم انتم؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بـــصـراحـة و بــكل اخــتصـار تــسـتنـى الــشـهر اذا جــاء مـن الــباب تــكون عــندهـا فــرصـة تــسـأل عــلـيـه اذا فــيـه الــخـيـر مــرحـبا
عـــاود دارهــا بــعـد الــشـهـر هــرب و قــالـها عــندي ظــروف مـا تــعمـرش راســهـا بــيـه و مـا تــسـهلـش عــلـيـه يــتـمسـخر ...؟؟؟
حــكايــة يــصـلـي و يـــبان مــقـدرهـا و يــخاف عــليـها و يــعــرف يـــعامــلــهـا امــا يـــثـبـت و يــجـي مـن الــباب و الا غـــيـر مـا كــلاه يـبـــانــلـهـا
ســــلام

__________________________________________________ __________

>>>> الرد الثاني :

قوليلها أخطيك

من يريد الزواج لا يضع هذه العوائق

__________________________________________________ __________

>>>> الرد الثالث :

السلام عليكم
اختي قوليلها تستنى الشهر هذا اذا جا خطبها بها ونعمت اذا ماجاش وبقى يتماطل تجبد عليه

__________________________________________________ __________

>>>> الرد الرابع :

مادام ماهوش واجد وعلاش باغي يربطها معاه...
من الأفضل أنها تنساه حتى يجي للبيت ويتفقو على كل شيء مع والدها لأن الأمر ليس بيدها..

__________________________________________________ __________

>>>> الرد الخامس :

ياك حياتها ماشي واقفة عليه اذا جاها للدار اللهم بارك واذا ماجاش هي واش خاسرة