عنوان الموضوع : عاونوني بالنصيحة مشكلتي
مقدم من طرف منتديات العندليب

السلام عليكم
والله ماعلبالى منين نبدا ومش فاهما قصتى كيفاش كانت وكي ولات
مشكلتى انى مخطوبة مند عامين وخطيبى هدا واجهت معاه مشاكل كثيرة منها خاينة ومع كل هدا تفاديت الامر وصلحت الامور المعقدة صبرت على كل سلبياتو وحاولت نصلحلو كل اخطائو ونرجعو لطريق المستقيم
والحمد لله مشات الامور كيما حسبتلها ورجعت ثيقتى فيه وبديت معاه من جديد مشات الامور من حسن للجيد وكنت نحسب انو شيء لى درتو معاه رايحا نكبر في عينو ومش راح ينسى فضلى عليه وعلى الاقل يشوفنى غير لبنات
صدقونى هو انسان بسيط يعنى معندوش وميخصوش لكن عمري ماطلبت منو شيء ديما نبسطلو الامور ومخلياتو على راحتو لدرجة انى مندخلش كامل في ترتيبات العرس ومشرطتلو على والو حتى كيجى فالمناسبات يشوفنى يعطينى دراهم والله مانديهم بالعكس نرجعهم في جيبو كل هدا الشيء يفاجئنى يقولي انت مكان حتى شيء يعجبنى في عقليتك وانا كرهت من عقليتك زعما فهمونى كيفاش حبنى نكون ندير صاكى في يدى ونزنق ونعيطلو اعطينى واعطينى باش عقليتى تعجبو مافهمت والو
عندو مدة 3 اشهر عقليتو تبدلت وصار يجرحنى بالكلام مافهمتش علاش من نهار راح يخدم بعيد على دارهم قاعد عند صحابو صارو صحابو هوما عايلتو مايفارقهمش خلاص لدرجة انو امو مرضت ماسقساش عليها درك مش حابة نظلمو ونتوسوس ديما نقول يمكن صحابو اثروا عليه ويمكن صدمة صراتلو توفاة اختو مقتولة يمكن صدمة بدات تاثر فيه صار عصبي لسانو جارح بصج كي نخمم انا جامى غلطت معاه بالعكس مساعفاتو ودايرتلو غير وش يحب شيء ليقهرنى منو كي يتفكر مساوئي واخطانى وينسي قع وش دار فيا
قولولي الحل وين فالحق قصتى طويلة هدا الملخص قلبي معمر بصح مش قادرا نحكى اكثر من هاك


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
خيتي لعزيزة
فعلا الله ايعينك
يمكن ايكون
من ظغط
العمل والتفكير
في المستقبل
يمكن عنده اعذار
وما اقدر يتصل
باهله
يمكن المنطقة إلي
بيعمل فيها
ما في خط للهاتف
أختي
لا تحطي في بالك
شيء
والله امورك راح تتيسر
اطبلي الدعاء له
أن يهديها
ويسرلو أموره
وإن شاء الله
نسمع منك
اخبارك سارة
تحياتي لك
خيتي

__________________________________________________ __________

>>>> الرد الثاني :

صح المنطقة لي فيها ناقصة فيها تغطية بصح ياختى شوية هو زودها بزيادة خايفا صحابو يدوروه اكثر من هاك
ادعيلي بالثبات اختى
شكرا ليك

__________________________________________________ __________

>>>> الرد الثالث :

ربي معاك اختي...............اكثري من الدعاء في جوف الليل...نشالله مايكون غير الخير

__________________________________________________ __________

>>>> الرد الرابع :

ان شاء الله رانى نحاول نتجنب المشاكل ونكبر عقلى وبالي

__________________________________________________ __________

>>>> الرد الخامس :

السلام عليكم

الله يصلح الحال