عنوان الموضوع : ماعرفت ما ندير انيروني
مقدم من طرف منتديات العندليب

السلام عليكم الصراحة ضاقت بيا الدنيا و ما عرفت وين نصد ولا حتى لمن نصد اعتبروني وحيدة في الغربة المهم نبدا حكايتي و نتمنى من كل قارئ يرد يالوكان بكلمة او دعاء محتاجة هاذ الشئ انا فتاة عندي 23سنة متزوجة و حامل الصراحة افكاري مشلوشة اسمحولي لكان لقيتوني نسوطي من حكاية لحكاية انا متزوجة بعيدة على دارنا في الوقت الحالي راني نقول لوكان خير ما تزوجتش مشكلتي الاولى تكمن في زوجة سلفي اللي بيناتنا شهر و نص زواج و قدر الله اني احمل و هي لا قبل ما تسمع بالحمل اصلا كانت تحب دخل روحها في حياتي و ما تحبش كي تشوفني نضحك ز نقصر مع بيت شيخي لاني بطبعي خفيفة الضل و الكل يشهد على كلامي المهم مور ما سمعت بالحمل زاد الطين بلة رجعت ديما تشنف عليا و تجرحني بكلام مثال كي راكي حابة تقراي علاش ما درتيش حسابك؟ و خطرة اتهمتني انا و سلفتي لوخرا بلي سحرناها ؟؟بالرغم من انو والله و ربي شاهد ما ندخل لغرفتها ولا نروح من جيهتها جبدت روحي منها نهائيا لكن بعد ما روحت لدارنا و حكيت لماما قاتلي يا بنتي ما فيها والو المومن مسامح و بالفعل رجعت و سامحتها و كانو شي ما صرا و ضرك راهي تحسسني بأني مذنبة كي حملت و البارح خرجتهالي قدام الجماعة كاملين كانو يحكيو على الحمل و افضل وقت للحمل بطريقة غير مباشرة قاتلهم كل واحد و زهرو الصراحة قلبي زعزع بالا كراكم تقولو تصرفها هادا لانو نتي السبب والله والله والله اني نتفادا نهائيا نحكي معاها فموضوع الحمل و حتى في فترة الوحم لي سخفت عليها بقات في فلبي حتان روحت لدارنا و كليتها مقدرتش نقول راجلي اشريهالي و والله حشاكم كي يجيني الردان نرجعو بحلوة كوكا لانو فيها حموضة كل هاذا باش ما نخليهاش تحس بحاجة ناقصتها و نوض و نخدم بالرغم من اني مفتوحة 3 اصابع وعلاش هاذ التصرف معايا؟
مشكلتي الثانية في زوجي هو خدام نهار كامل حتى ل6مساء كي يدخل ما يعديش ساعة يجوه صحابو ما يرجعش حتى 9 و ساعات 10 نتاع ليل كي يدخل نسخنلو لعشاء و نستناه لاني اخر من يتعشى ملي زوجت ولا مرة خليتو يتعشا وحدو حتى لوكان يدخل على منتصف الليل و بعد العشاء يروح يشعل الميكرو و يلعب حتى 12 او 1 نتاع صباح كنت وقت فات نرقد لاني كنت ننضر من السهرة لكن رجعت نستناه و مكانش حوار بيناتنا و كي يبرونشي مع اللعب ما يحبش لي يديرونجيه اتخيلو عندها 4ايام طاحتلي لاطونسيون و قو عليا السطر لاني وقفت بزاف و خدمت 4 مرات و انا نحلل فيه شعلي شوفاج ماسمعنيش و كي تنهدت غاضو الحال و بدا يفاتن ربما تقولولي وعلاش تنهدتي؟لانو غاضتني عمري قولت كون جيت قادرة نوض نشعلو لروحي و هو عارفني كيفاش راني نورمالمون يحسن عوني ياك راني يمات وليدو و طايعاتو و رافعتلو راصو هو كي يدخل ما يهدرش معترفة يكون عيان لكن فليل تاني ما نهدروش؟حتى انا من حقي نهدر و نضحك راني النهار كامل بين 4 حيطان مانع عليا الخرجة و قابلتها و الجمعة مانقدرش نخرج معاه لانو مسكين كريم بزاف يحوس يخرج مرت سلفي معانا و ختو و بنتها لي هي النار الحمرة بالذات نولي نقولو نقعد فالدار بطلت لي زاد عليا هنا راني برانية و بعيدة على دارنا من العاصمة جيت لولاية مختلفة تأقلمت و سمحت في خدمتي لاني قولت حبيبي 6سنين و حنا مع بعض يستاهل نضحي

بالاك تقولولي صارحيه خطرة هدرنا فهاد الموضوع و انتهينا بشجاااااار عنيف و كسر لي جا في طريقو و غمني بكلامو كتمتها و خليتها في قلبي
بالاك تقولولي ماراكيش متهلية في روحك صدقوني هنا في دار شيخي كامل يعطولي الامورة نلبس و نتحف روحي لكن زوجي ساعات وين يقولي راكي شابة ماعندوش الوقت يدقق فيا انيروني و اذا راني غالطة ارشدوني



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا اختي قرات قصتك جاتني تتحسي بزاف كي عدتي غريبة على داركم و زيد راكي في فترة وحم و عندك الحق حنا مجتمع مايفهموش المراة يحسبوها خلقها ربي الة للشغل نتع البيت فقط ماشي كومة من الاحاسيس كما قال الرسول صلى الله عليه و سلم رفقا بالقوارير يعني مثل الزجاج يحافظو عليهن لكن واش ديري قدرما كورتي بنادم في كرشك غير تحملي مابقى دلال مابقى تقلاش و ربي يفرج عليك ان شاء الله

__________________________________________________ __________

>>>> الرد الثاني :

شوفي عزيزتي بالنسبة لزوجة سلفك ..........تجاهليها وما عليكي إلا التجاهل .............أختي هذا هو السكن مع العائلة و ما عليكي

إلا غض البصر ........................مسألة سحر و غير دلك .................تجاهليها ..بما تحمل الكلمة من معنى لأنها صدقيني لا تسعى إلا إلى إستفزازك فإحذري ان تقعي في شراكها ..............فالمرأة كيدها صعب جدا

مسألة الزوج ..................الصراحة لست اذري ....ما هو التصرف السليم لكن يظهر لي كأن علاقتكما يطغى عليها الروتين .............

إسئليه زيارة أهلك ....لبعض الوقت حتى ترتاحي ..................


وفقكي الله أختى و فرج همك .......

__________________________________________________ __________

>>>> الرد الثالث :

علاه سلفتك ياك براجلها عيب عليها تروح للسلفها عيب عليها كبير وما عندهاش الحق في زوجك لانو عندها زوجها

ووعلاه تزوجت كيولات تحوس تخرج مع راجلك ربي يهديها
كاين ناس مش مقادرين رواحهم ويتلسقو بالذراع
ربي يهدي العباد وربي يفرج عليك اختي

__________________________________________________ __________

>>>> الرد الرابع :

اختي قريت حكايتك ونقولك بلي هدي هيا دار العايلة

بالنسبة لمرت سلفك تجاهليها وتجاهلي تصرفاتهاولكان على الوحم والردان عادي كلش قدامها علاه مكانش لي يتوحم ولا يمرض علاه تعطيها قيمة اكتر من اللازم
بالنسبة لراجلك حطي في بالك راكي في فترة الوحم والمراة تحب لي يهتم بيها اكثر وهو تبالي ناقص شوية معليهش اختي حطي في بالك كي تجيبي المولود الجديد يعود وقتو كامل للعب معاه والدردشة معك اما عن الخروج مع راجلك غير بالشوية يترك عليه الباقي هوما ماحشموش وانت اصبري فترة ويبدا يفيق
بالنسبة ليك كي تشوفي روحك ضايقة بيك روحي لبيت اهلك نحي علىبالك حت تجيبي البيبي تاعك ويشغلك على الدنيا وما فيها
صدقيني اختي راهي فترة وتجوز اصبري

__________________________________________________ __________

>>>> الرد الخامس :



الله يعينك و يصبرك