واش نعمل مع زوجي الكتوم تم الحل

[khouloud]

عنوان الموضوع : واش نعمل مع زوجي الكتوم تم الحل
مقدم من طرف منتديات العندليب

انا متزوجة من سنوات زوجي فيه صنعة الكتمان يخبي كلش عليا
تصورو عندنا فيلا نجهزو فيها بشوية كل مايخدم فيها ما يقوليش
كيما دورك راه يخدم في الكوزينة و لي صال دو بان وما سمعتش غير من خوه الصغير
مافهمتش وين راه رايح بهده العقلية
هوما في دارهم هدي هيا صنعتهم كي يعملو حاجة ما يقولوش
هو ناس ملاح بزاف بصح هده الصنعة كرهت اقاربهم فيهم

المهم انا ضرك واش نعمل معاه
دارلي نفس الخدمة قبل وزعفت منو بصح ماحشمش
دورك راني كارهة حتى كي يولي للدار
مارانيش مداوزة معاه بصح هو راه شاك فيا بللي زعفانة لاني مارانيش نكثر معاه الهدرة
حتى الفراش راني نتعمد نرقد بكري ونخليه يتفرج باش كي يجي في الليل يلقاني راقدة
قولولي واش نعمل معاه
اليامات اللي فاتو كان هو اللي يهدر معايا و انا نردلو بلا مانكثر معاه الهدرة
هو علابالو راني زعفانة لانو انا نهدر بزاف
الصباح ناض زعفان شوية ولا هو اللي مايكثرش معايا
راني حاسة قلبي فرغان من جيهتو
راني هدرت معاه في هدا الموضوع بصح هو عيبو لازم يرد الغلطة فيا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لالا ختي سمحيلي مشي هكدا تتحل المشاكل هكدا راكي تكرهي في روحك فيه الراجل مهما كان يبغي المرا الحنينة لي تساعفو وحاجة الكيتمان مادام فيهم طبيعة في دارهم خلاص مهيش بشيء الخطير لي تقلقي روحك بيه انتي بينيلو بلي تحبيه ورجعي كيما كنتي وقادرة انتي لي تبدليلو هاد الطبيعة ختي غير بشويا وكلش يتحل ربي يسرلكم اموركم ويهنيكم

__________________________________________________ __________

>>>> الرد الثاني :

المشاركة الأصلية كتبت بواسطة فافا مينوشة لالا ختي سمحيلي مشي هكدا تتحل المشاكل هكدا راكي تكرهي في روحك فيه الراجل مهما كان يبغي المرا الحنينة لي تساعفو وحاجة الكيتمان مادام فيهم طبيعة في دارهم خلاص مهيش بشيء الخطير لي تقلقي روحك بيه انتي بينيلو بلي تحبيه ورجعي كيما كنتي وقادرة انتي لي تبدليلو هاد الطبيعة ختي غير بشويا وكلش يتحل ربي يسرلكم اموركم ويهنيكم

راني ماعرفتش واش نعمل معاه راه عملهالي بزاف هدي الجاست مي هو والو
حنيت و حنيت و ماكان والو لوكت راه نبقى هكدا


__________________________________________________ __________

>>>> الرد الثالث :

الشخص الكتوم صعب التعامل معه وأحسن طريقة لذلك هي إظهار اهتمام أكبر به حتى يعرف قيمته عند زوجته وهنا سيخبرها بكل ما يحدث له وعن كل اسراره
لأنه سيجد فيها الملاذ الوحيد والمستمع الأمين لذلك مزيدا من الاهتمام والله الموفق ربي ييسر لكم سبل الخير

__________________________________________________ __________

>>>> الرد الرابع :

المشاركة الأصلية كتبت بواسطة محمد جديدي التبسي الشخص الكتوم صعب التعامل معه وأحسن طريقة لذلك هي إظهار اهتمام أكبر به حتى يعرف قيمته عند زوجته وهنا سيخبرها بكل ما يحدث له وعن كل اسراره لأنه سيجد فيها الملاذ الوحيد والمستمع الأمين لذلك مزيدا من الاهتمام والله الموفق ربي ييسر لكم سبل الخير

و الله يا اخي زوجي لوكان ندور الدنيا مانلقى كيفو في الشهامة والغيرة على اهلو و عرضو فيه كل الصفات من الدكاء و المستوى الاكاديمي و المادي والاجتماعي
بصح هده العادة اللي فيه تكرهلي حياتي
شكرا على النصيحة


__________________________________________________ __________

>>>> الرد الخامس :

أولا ربي يوفقك
ثانيا: راكي انت تخلقي المشاكل.كيفاش ترقدي بكري باه يلقاك راقدة معناه باه مايكلمك لأنه أكيد في حاجة إليك.
أختي الكريمة حاولي التقرب من زوجك وتقومي بواجباتك على أحسن وأكمل وجه ولا داعي للخوض في أشياء لا تهمك.وحاولي دائما بالقيام بالمفاجآت السارة إتجاهه