عنوان الموضوع : احس اني اكاد انهار مشكلة
مقدم من طرف منتديات العندليب

انما في أمس الحاجة اليكم في الدعاء لي والله كل يوم انقهر لم اسمع انا صديقاتي انخطبن وتزوجن احس اني في بعض الاحيان بالضيق رغم اني كل ماحسست بالضيق اقرا القران الذي هو ربيع صدري فيزول عليا ذللك الضيق ولكن لم اذهب للعمل اجد صديقاتي يقولن لي لازم تقفزي على روحك انا نقوللهم حاجة مكتوب والله غير دوخوني الناس انحس في بعض الاحيا انبطل الخدمة ونقعد و انتهي من هذا الضيق الذي يحاصرني طوال سنتين ارجو الدعاء لي ولا تنسوني يارب فرج همي يارب واعطوني ردودكم يارب


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم.....ما تنهاري ما تتقهري كيما قلتي الزواج مكتوب.........ولي كاتبتلك تلحقك...........ما ديريش على هذرةنااااس تزيدي على رووحك برك أكثري من الاستغفار فهو مجلبة للرزق (الزواج) ربي يرزقنا ويرزقك من حيث لا نحتسب يا رب

__________________________________________________ __________

>>>> الرد الثاني :

سلام
سبحان الله على لي يقلولك اقفزي واش يعني تقفزي وعلاه كي تقفازي راح تزوجي تزوجي غير كي يكتبهالك ربي الناس مهما درتي ميخلوكش في حالك ياختي وسعي بالك واصبري ربي يرزقك الزوج الصالح عاجلا غير اجل ويجعل بينكما المودة والرحمة ويعوضك بيه ربي على صبرك وتحملك لكلام الناس

__________________________________________________ __________

>>>> الرد الثالث :

يا اختي ارضاء الناس حاجة لا تدرك اذا مازوجتيش علاه و اذا ماولديش علاه ربي لي يكتب كلشي و نهار لي يكتبلك ربي تلقاي روحك في دارك متهنية مع زوجك انشاء الله

__________________________________________________ __________

>>>> الرد الرابع :

السلام عليكم،،
اختي صح مجتمعنا تغوّل بزااااف،، وتعكست فيه المفاهيم
أنصحك أختي والحقّ باين وواضح ،، فقط أنت في مرحلة إبتلاء عليك بالصبر والصبر لله وحده،، ورح يفرّج عليك بإذن الله


__________________________________________________ __________

>>>> الرد الخامس :

ربي يفرحك فالقريب العاجل ويرزقك بالزوج الصالح
ماتتقلقي موالو
الزواج مكتوب
وربي يفتح لابواب على لخير على كامل الشباب
ولازم ديري في بالك انو فيه كثير من بنات فاميليا مزال راهم قاعدين فالدار يستنوا في مكتوبهم