عنوان الموضوع : مشكلة ازعجتني تم الحل
مقدم من طرف منتديات العندليب
مشكلة ازعجتني بزاف كل يوم تزعجني كثر هي مشكلة شيخي اب زوجي
هو انسان مليح بصح خفيف بزاف . كل يوم يعيرني عجوزة ولا ميقولش اسمي نوضي يا لعجوزة اقعدي يالعجوزة .المشكل انو انا منقدرش ندير الخمار في الدار كلما ندير الخمار يجي شيخي ينحيه ميخلنيش كامل نلبس خمار هو يكره الخمار ويعيرني كي يشوفني بيه يقولي لازم تشكرني كي نحيلك الخمار وليتي عجوزة بيه ويبدا يستفزني ويضحك علي
شحال من مرة بينتلو بلي الخمار فالدين واجب بصح هو ميحبش يسمع ويبدا يضحك يالعجوزة ياماما
وملي لبست الجلباب ولى كتر يعيرني حتى في المرة الاخيرة قال لمرتو كي نروحو البحر منكريوش خيمة عندنا خيمة فدار ندويها معنا هو يقصد الجلباب .وواحد المرة قالي لوكان نشد زلاميت نشعله في الجلباب نتاعك علبالك دقيقة واحدة راح تشعل كامل فيك وراني نبدا نتخيل كيفاه تحرقي .
حتى عجوزتي متحبش الجلباب بصح هي متعيرنيش كيما شيخي.
المزح نتاعو ولا ثقيل بصح انا منقدرش نخسرلو الهدرة لانو كبير ونحترمه وثاني علبالي بلي حنين بصح تصرفات نتاعو خرجت عن الحدود
وراجلي كلما نقولو يقولي مدخلنيش فالوسط خليني على برا
وعجوزتي كلما نقولها تقولي عندو الحق راكي تباني انت لعجوزتي وانا الكنة ديالك
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لآ حول و لآ قوة إلآ بالله العلي العظيم
وآش نقولك أختي اصبري "ان الله مع الصابرين"
ربي يفرج عليك ان شاء الله
أختكـ
__________________________________________________ __________
>>>> الرد الثاني :
ههههه فكرتيني يانيللي بقصة امرأة غير محجبة وابنتها المحجبة .............ماذا بعد الجلباب يانيللي ؟؟ المكوث في البيت ام لازال الوقت يادكتورة ....الن يتعارض جلبابك مع عملك وخاصة وان اختصاصك ليس ككل الاختصاصات...؟؟.........................
المهم لاتعيريه اهتماما فهو شيخ كبير .....اما مسألة لبس الخيمار أمامه ...أنا أعتقد أنه ليس واجبا فهو حماك ......على حد علمي
__________________________________________________ __________
>>>> الرد الثالث :
المشاركة الأصلية كتبت بواسطة إسـرآء كـوثــر ![]()
لآ حول و لآ قوة إلآ بالله العلي العظيم
وآش نقولك أختي اصبري "ان الله مع الصابرين"
ربي يفرج عليك ان شاء الله
أختكـ
شكرا اختي ادعيلي
__________________________________________________ __________
>>>> الرد الرابع :
واش بيك نارينا ملي كنت 18 سنة وانا لابسة حجاب شرعي وزعما كاين الفرق بين الحجاب شرعي والجلباب؟
انا عندي مكنش برك الجلباب نحبه معلبليش علاه اما المكوث في البيت نقدر نتخلى عن العمل بصح تعرفيني نحب نخرج نحب نضحك نحب نفرح نحب ملدات الدنيا املا باه نتصور روحي ماكثة في الجدران الاربعة راح نهبل وتبقاي نتي زورني في دار المهابل ومتخلينش ويجبيلي بقلاوة نحبها بزاف
__________________________________________________ __________
>>>> الرد الخامس :
هل يجوز إظهار الشعر أمام والد الزوج؟
وجزاكم الله خيراً...
الإجابــة
الحمد لله والصلاة والسلام على رسول الله وعلى آله وصحبه أما بعد:
فإن والد الزوج من المحارم الذين يجوز للمرأة أن تظهر زينتها أمامهم إذا أمنت الفتنة لقوله تعالى: وَلا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنّ [النور: 31].
والله أعلم.