عنوان الموضوع : لقاولي حل تم حل المشكلة
مقدم من طرف منتديات العندليب

انا راني حابة نسقسيكم في موضوعي اذا كنت غلطت ولا لا
المهم انا المرة لي فاتت كتبت موضوع في المختصر انو تقدملي شاب وكان شرطو اني ندير لعجار وانا في الاصل ما كنتش مقتنعة بيه وقالي ديريي القفاز والجوارب في الاول رفضت ومن بعد كي شفتو انسان مليح وباغيني قلت مستحيل نلقا كيفو انسان في هذا الوقت رغم اني انا في دارنا مش من عاداتنا لعجار وعايشة في دار كل واحد يحترم روحو وعندنا حرية نديرو كلش بصح في حدود وكل واحد يعرف قدرو وهوا عارف وقالهالي انا كي شفتك وسقسيت عليك وشفت عقلية وتربيتك كيفاش عجبتيني انك انت مقتنعة بواش راكي ديري على اساس اني درت الحجاب وحدي بلا ما واحد سيفو عليا ومانيش نتاع كثرت خرجت المهم هوا كي تقدملي قالي مكانش لا خدمة ولا خرجة والخرجة اذا خرجتي تخرجي غير معايا قلت معليش مش مشكلة وبقاتلي غير في لعجار ومن بعد الحق بقي يقنع فيا حتى كي وافقت بصح كي قبلت بشرطو خرجلي بخرجة جديدة وهيا اني لازمني نلبس البرقع اللي هوا الجلباب وما لازمش حتى حاجة تبان فيا هنا انا تقلقت وقتلو مستحيل اني نلبسو على خاطر يغمني وقتلو وعلاش ما قتليش من الاول وكي قتلو مكانش فرق ياك حتى بالحجاب والعجار راني مستورة وواحد ما يعرفني قالي ما نحبش واحد يعرف تفاصيل جسمك المهم ومن بعد زاد يامات وعيطلي قالي واش درتي فيها تلبسيه ولا لا قتلو لالا رفض قاطع قالي ربي ينوبلك بولد لحلال لي ما يلبسلكش لبرقع قتلو امين وانت ثاني ربي ينوبلك ببنت لحلال لي تقبل بشروطك وكوبينا بعد سمانة عاود عيطلي وقالي زيدي خممي مش حاب نخسرك الربي قولولي واش ندير انا باغياتو بصح في نفس الوقت مش قابلة بشروطو وزيد راني نشوف فيه راه يمادى في شروطو مع العلم انو انسان غيوووووووووووووووووووووووووووووووووور لدرجة كبيرة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

واش نقولك أختي الفاضلة، قطعة من القماش إن زدتيها أنت ما تخسري والوا بما أنك ترين أنه إنسان صالح وبما أنه عاجبك وأنت عاجباتو زوجو على بركة الله والله يسخرلكم، ما تنسوس برك تعرضونا للعرس
أختي ماشي لا جال شرويطة تفترقوا ورمضان كريم!!!


__________________________________________________ __________

>>>> الرد الثاني :

اختي انت لاكان انت عاجبك نورمالمو حت الشروط انتاعو يعجبوك

__________________________________________________ __________

>>>> الرد الثالث :

هاذا يدخلك للجنة ربي يهنيكم

__________________________________________________ __________

>>>> الرد الرابع :

اختي شوفي اهلك واش ايشورو عليك

واش قالولك

و ربي يوفقك

__________________________________________________ __________

>>>> الرد الخامس :

فيه غيرة تخوف...بعدين متخرجيش إلا معاه واحد ميدخل واحد ميخرج...رآه مزير. مليح...راح يدريك في قرعة.. إلا تحبيه تقبلي كلش... إلا متسبريش....الله يعطيك في مكان آخر...